أحببت منقذي بقلمي خلود عبد الناصر

الحلقة العاشرة

الأول بجد بشكركم  كلكم علي حبكو ليا ودعواتكم ليا وانا والله بحبكم جدا ربنا ميحرمنيش منكم ابدا واه خلاص مش هموت يوسف😂😂😂يا جدعان كنت بهزر الواحد ميعرفش يهزر معاكو يعني 😂😂😂
نبدء الحلقة
أحببت منقذي بقلمي خلود عبد الناصر
الحلقة العاشرة
❤❤❤❤❤❤❤
تقي بصتله :طب مين هيعمل كده ......وكملت بتهكم: ومن الواضح انها لعبه يا كابتن بدليل انها معاك في السرير !!
يوسف بصلها وقرب منها: ممكن تقعدي علشان افهمك...،،
تقي سابته  وقعدت على كرسي واتكلمت بكل هدوء: اتفضل فهمني
يوسف قعد علي  نصف ركبه ومسك ايدها: بصي يا تقى..... دي كانت زميلتي في الشغل ....و اسمها يارا
تقي قاطعته :مش دي اللي كلمتك في الفون!!
يوسف بهدوء :اه هي ....وبعدين اسمعي للآخر. ...اللي حصل ده.... صدقيني ما اعرفش ازاي.... انا اخر حاجه فاكرها كنت باكلمك و قفلت معك و طلبت نسكافيه من الكافيه الخاص بالفندق شربته وبعدها مش فاكر حاجه تاني غير اني قومت من النوم لقيتها جنبي... ازاي ما اعرفش ....
تقى بدموع: لا واضح فعلا من الصور إنك مكنتش تعرف!!
يوسف باس ايدها :صدقيني ده اللي حصل.....
تقى بثبات:طب و زميلك اللي كان نازل معاك. ...وقتها كان فين !!
يوسف اتنهد : بيقول انه كان سهران في النايت لحد الصبح
تقي زقت ايديه وسابته وقفت و عطته ضهرها :انا مش هاجبرك انك تحبني..،،،، انت حر يا  يوسف
يوسف وقف ولفلها: انتي عارفه كويس اني بحبك..... بطلي جنان بقى !!
تقي بدهشة :انا مجنونه!!
يوسف ابتسم بمرح:و احلى مجنونه كمان ......المهم بجد مش عايز ثقتك تتهز فيا لو ثانيه واحده .....تقي أنا قبل كده قلتلك ان مشكلتي اني بحب من قلبي.....
تقي قربت منه بهدوء :حاضر يا يوسف  .....ثقتي مش هتتهز .....وابتسمت
بقلمي خلود عبد الناصر
@@@@@@@@@@@@@@@@@@@
نور بصلها بصدمه :نعم !!ده مين ده بقى ان شاء الله؟؟
جنات:اممممم....... فتحي جوز امينه في السر او بالاصح كانت تعرفه  على ابوك ......
نور باستغراب :ولمامروه بنته كتبها على اسم بابا ليه ؟؟
جنات بحدة: مش شغلك..... ما تدورش وراهم لا يأذوك فاهم!!
نور بص لها بحده :و انا ما بخافش وانتي عارفه كده كويس
جنات :المهم عايزه الشقه فاضيه علشان هابيعها !!
نور اتنهد: اول ما انزل شغلي هسيبهالك خالص...... بس كل الحكايه انا حاليا ماعنديش مكان ثاني😏
جنات :ماشي..... لما تبقي الشقه فاضيه كلمني عرفني سلام.... و سابته ومشيت
نور راح علي اقرب كرسي ليه وقعد يفكر
@@@@@@@@@@@@@@@@
امينه بفرحه :يعني كلها كام ساعه ويوصلي خبر طلاق تقي ....هو ده الكلام
فتحي بشر: احلى خبر ولا ايه!!
امينه ابتسمت بشر
@@@@@@@@@@@@@@@@@@@@
نور رن الجرس وعلية فتحتله
علية ابتسمت :جنات مشيت
نور بصلها بحزن: فين مروه !!
عليه بخضة:مالك يا ابني..... عالعموم مروة جوة ادخل
نور دخل ومروه وقفت
مروه ابتسمت: عمتو مشيت صح !!
نور بصلها بأسي :ممكن أقعد الاول! !
مروة  قربت منه وسندته يقعد
نور بصلها: بصي يا مروة اللي هتسمعيه هيصدمك !!
مروه وقفت: في ايه يا نور
هنا تقي ويوسف خرجو
تقي عقدت حاجبيها: نور ......مروه ....في ايه!!
نور :اقعدي يا توتة انتي ويوسف
يوسف قعد هو وتقى
يوسف :اخلص يا عم في ايه...
نور بكل ثبات وهدوء يسبق العاصفه: مروه ......مش أختنا
الجملة نزلت على الكل الجمتهم
عليةة: بهدوء :ازاي يا نور؟!
نور بكل ثبات: عمتو قالت كده وقالت ان مروه والدها اسمه فتحي!!
مروه دمعت واتكلمت بهدوء: فتحي ده اللي بيجي لماما ....
تقى وقفتو بصوت عالي: ازاي !!
يوسف: اهدي يا تقي واقعدي كده
نور: قصدك ايه يا مروه !!
مروة بصتله وعيطت بحرقه
يوسف بعد تفكير وهدوء:طب دلوقتي كده امينه بتلعب لعبه قذره...... ولازم نكشفها وتقول وتعترف ان مروه مش اختكم ......عشان ده يحصل في حاجه لازم خطة ننفذها !
تقى: ايه هي يايوسف!!
يوسف :دلوقتي لو امينه عرفت ان مروه هنا هتعمل مشكله..... و عارفه و متاكده من انها لو هنا نور عمره ما هيفكر يتجوزها لانها اخته.....!!
تقي:قصدك ايه؟؟
يوسف: دلوقتي مروه متسجله بإسم عم خالد الله يرحمه. ....بص يا نور انت هتفضل زي ما انت ابن عمتهم جنات
نور بصله جامد': ازاي يوسف!!
بقلمي خلود عبد الناصر
@@@@@@@@@@@@@@@@@@
امينه :متاكده يا جنات ......لا انا شاكه انها هناك...... و دلوقت نور عرف انها مش اخته يعني  كده ممكن يلاعبني .....امينه وقفت
جنات :بتفكري في ايه !؟
امينه :هاروح اجيب بنتي من عندهم  قبل ما يعملوا زي ما عملو مع تقى
جنات بخبث: طب ما تسيبهم يعملوا كده....، وتلاعبيهم انتي!!
امينه :ازاي يا فالحه!!
جنات: هاقول لك!!
@@@@@@@@@@@@@@@@@@
جمال خلص الفرن وروح وكالعاده اتغدوا مع بعض
بعد الغداء
جمال بهدوء: غلط يا يوسف تفكيرك ده !!
يوسف: لا صح هو ده الحل الوحيد اللي هيحرك امينه...... الطبيعي ان أمينة هتعمل محضر أن نور اتجوز مروه وهي قاصر  تمام ......الأوراق كلها تثبت ان مروه بنت عم خالد. ... اما نور بالاوراق ابن جنات من هنا أمينة هتعترف ان مروه بنت فتحي وان نور ابن خالد..... وطبعا كده امينه هتبقى ما لهاش حق لا في الشقه ولا في الفلوس فهمتني يا بابا
جمال ابتسم :دماغك حلوه ....وبعدين.
يوسف ابتسم :ولا قبلين.....
مروة بهدوء :يعني ده الحل الوحيد يا  يوسف
يوسف: انتي موافقه على كلامي ولا لا ؟؟
مروه بصتله وسكتت
@@@@@@@@@@@@@@@@@@
بلليل
يوسف في اوضته وتقى دخلت معاها اثنين نسكافيه وقربت منه
تقى بهدوء: مالك يا چو۔۔۔۔۔
يوسف ابتسم:مفيش
تقى بحزن: انت كنت متوقع ان مروه هتوافقنا....، دي مهما كان امها؟
يوسف اتنهد: امها بس هتدمرها ..،،،غبيه
فلاش
@@
مروه وقفت :وانا هأروح لأمي والاوراق كلها ان انا بنت خالد صح يعني هأورث...... وبحدة: متفكروش هتضحكوا عليا بكلمتين وهبيع امي..... تبقو هبل وعبط ....وسابتهم ومشيت
نور اتنهد واتنرفز :غبيه جدا !!
تقى بهدوء: عادي يا نور..... لازم نعرف نوصل للورق اللي يثبت انك اخويا والورق برده اللي يثبت ان مروه مش اختنا
يوسف بصلها وسكت وكذلك نور
باك
@@
يوسف بهدوء :هنوصل للورق ده إزاي بقي !!
تقي بصتله:دي لعبتي أنا مش أمينة بتلعب بقذارة. ...لازم نلاعبها بنفس تفكيرها
يوسف بصلها وابتسم
@@@@@@@@@@@@@@@
أمينة ضربتها بالقلم:مفكرة هتهربي مني وفين عند أعدائي
مروة دمعت:كنت مفكراها أختي
فتحي بهدوء : سيبيها يا ميمي دلوقتي...... تعالى يا ميرو
مروه رجعت لورا بخوف: انت مين!؟
فتحي: انا فتحي ابوكي يا مروه!!
مروه بصتله بصدمه :يعني الكلام كان صح!!
امينه بحدة: كلام ايه يا مروه!!
مروه بصتلها بخوف:هه .....لا ولا حاجه... انسى يا ماما
امينة بحدة:ماشي يا قلبي..... المهم معانا ولا معاهم
مروة بصتلها بخوف و سكتت
@@@@@@@@@@@@@@@@@@@@@
نور قاعد ومعاه تقى ويوسف في شقته
تقى بهدوء: لازم يا نور نوصل الورق ده ضروري
نور بصلها :ربنا يسهل
هنا الجرس رن ويوسف فتح واتفاجئ بمروة نور وقف
مروه دخلت تجري على نور واترمت في حضنه
مروة بدموع: أنا آسفة يا نور ....... أنا غلطت لما فكرتها أمي. .... دي طلعت سعرانه فلوس وبس
يوسف بشك: مهما كان دي أمك يا مروه. ...مينفعش تقولي عليها كده
نور بصله جامد :يوووسف
يوسف قرب من مروه بهدوء ومسكها من شعرها جامد
يوسف بحده : هما أغبياء لكن أنا لا يا حلوه! !
مروة بصتله بقلق وخوف
تقي بصوت عالي: يوووووووووسف .......سيب شعرها
يوسف بصلها وسكت
@@@@@@@@@@@@@@@@@@@@@@@@@@@
أمينة بتضحك جامد: هيشربوها صدقني يا توحا......
فتحي ابتسم بشر: لما نشوف ياروح قلب ،....توحا من جوه
امينه بصتله و ابتسمت
&&&&&&&&&&&&&&&&&&&&
لو علقتو كتير
هنزل الفصل اللي بعده
😊😊😊
خلود عبد الناصر
توتة