أحببت منقذي بقلمي خلود عبد الناصر

الحلقة الناسعة

الحلقه التاسعه
من أحببت منقذي
بقلمي خلود عبد الناصر
🌼🌼🌼🌼🌼🌼🌼
###########
بعد الغداء تقى قامت هي ومروه عملو لكل واحد المشروب الخاص بيه
نور ابتسم: كان لازم تخضنا عليك صح يا عم الرخم
يوسف ضحك 😅:عادي بقى يا نور هي اول مره اخضك
جمال :بس ليه بقى ما رجعتش معاهم ع الطياره........ بعيد عن ان الطياره اتقلبت وكده
هنا جت تقي ومروة بصينيه مشروبات وقعدوا
تقى بتبصله :صح يا يوسف
يوسف اتنهد وحط  وشه فى الارض وسكت
نور بقلق :يوسف هو في ايه !!
يوسف رفع دماغه: اولا الموبايل ضاع مني والكارنيه وجواز السفر..... يعني كل الورق اللي كان معايا.... ده سبب رئيسي السبب الثاني...... ان المفروض اظبط منبه وطبعا الفون ضاع فراحت عليا نومه
فلاش
👈👈👈
يوسف كان قاعد في كافيه يشرب قهوه وبعد كده افتكر ان الوقت اتاخر ولازم ينام بدري علشان بكره رحله الرجوع جه واحد زميله نازل معاه في الاوضه
وائل :ايه يا چو ......مش يلا نرجع عالاوضه بقى نجهز الشنط
يوسف وقف :يلا
باك
👆👆
يوسف :ومشيت معاه نسيت الشنطه فيها الاوراق والفون على الترابيزه....... رجعت تاني يوم لما صحيت متاخر سالت الكافيه طبعا ما حدش شاف الفون ولا الشنطه
نور بيعقد حاجبيه: ده اهمال من الكافيه او استهبال... ممكن يكون حد طمع في الفون...... بس الشنطه ده مجرد ورق....!!
يوسف اتنهد:ما هو ده اللي جنني..... يعني خذ الفون بس هات الورق !!
تقعد تتنهد :وبعدين يا يوسف ....مش المفروض كان معاك في الاوضه!؟
يوسف بصلها: اه طبعا  للاسف .....ان هو  كمان برده راحت عليه نومه زيي
تقى: وايه السبب الثاني؟؟
يوسف بصلها: لا هو ده السبب يا تقي
تقي وقفت :انت قلت ان في سبب ثاني!!
يوسف بصلها: السبب الثاني مش انا قلتلك ان انا راحت عليا نومة!!
تقى بصتله جامد :بس كده..... يعني ما فيش حاجه ثاني !!
نور بيحاول يلطف الموضوع: نعرف بعدين يا توته....... مش وقته ..،،،ولا ايه.... يوسف جاي تعبان صح يوسف يوسف: اكيد وبعدين..... عايز انام
تقى بزعل: كل واحد براحته.....
نور: تقى انا هاروح شقتي انا  ومروه.... اختي تمام.....و الصبح يكون يوسف ريح نتكلم
تقي هزت دماغها بماشي
نور مروه سندته و راح معاها علي شقته
عليه ابتسمت :وانا كمان هاريح .....يلا يا حاجه علشان الساعه بقت عشره و شغلك الصبح
جمال ابتسم: يلا يا حاجة والاثنين دخلو اوضتهم
تقي دخلت اوضتها من غير كلمه
يوسف دخل وراها وقفل الباب ووقف بصلها وعقد ايديه عند صدره
يوسف بصوت رجولي :وسيادتك ده الاستقبال  اللي المفروض تقابليني بيه صح!!
يبقى بصتله بزعل :اه وانا بسالك بتتهرب صح!!
يوسف قرب منها  وقعد جنبها على السرير
يوسف ابتسم: مش بتهرب..... بس مش وقته .....وبعدين انا راجع من سفر وتعبان ولا ايه يا...... توته
تقى بصتله وابتسمت:بتضحك عليا.... صح!! بتحايلني!!
يوسف باسها من خدها :آسف. ....بالرغم من اني مغلطتش..،،
تقي  بصتله بجنب عينها😒: اه و المفروض كنت تنزل من 7 ايام صح !!
يوسف قرب منها اكثر :وكنت موتت مع الطياره
تقي حطت ايدها على بقه: بعد الشر عنك طبعا
يوسف مسك ايدها وباسها برقه
تقي اتكسفت وعضت على شفايفها ونزلت وشها لتحت
يوسف بحب :فاكره لما قبل ما اسافر كنت باقول لك خايف اني اجرب و احبك.....
تقي بصتله: وبعدين......!!
يوسف :تقي...... انا بحبك قوي .......ومسك رقبتها قرب وشها منه وباسها من شفايفها
تقي غمضت عينيها و اندمجو مع بعض و سكتت شهرزاد عن الكلام
بقلمي خلود عبد الناصر
@@@@@@@@@@@@@@@@
امينه ابتسمت بشر: يعني طلع عايش حلو الضرب يبقى للاثنين.......بس ابتدي  بمين بقى؟ ؟
فتحي: اكيد تقى ......علشان تشك في يوسف !؟
امينه بخبث :صح يا حبي
فتحي :برده......مروة  متعرفيش عنها حاجه من ساعه ما راحت عند جنات؟؟
امينة بتوتر :براحتها يا توحا بقى.... وابتسمت
@@@@@@@@@@@@@@@@@@
بعد مرور شهر
يوسف رجع من شغله على حدود 5:00 المغرب جمال كان قاعد هو علية وتقى بتجهز الغدا
يوسف دخل اوضته غير هدومه وخرج قعد
تقي  جهزت السفره وطبعا نور ومروه خبطو ويوسف فتح لهم وكلهم قعدو يتغدوا
بعد الغدا
يوسف بتوتر:تقي ....... انا عندي سفريه بعد بكره ......
تقي وقف بفزع: لا يا يوسف .....شغلك يقتصر على الشركه..... انا مش مستعده أعيش تعب الاعصاب اللي عيشته قبل كده...... انت فاهم .....وسابتهم ودخلت اوضتها
نور بصله:عندها حق يا يوسف..... دي اغمي عليها ودخلت في انهيار عصبي حاد...... لو شغلك هيجي من وراه وجع القلب...... يبقى تسيب الشركه وشوف شغل ثاني
يوسف اتنهد و بصله وسكت
تقي ف الاوضه منهاره من العياط
يوسف سابهم ودخلها قرب منها
يوسف بحنيه :طب بتعيطي ليه بقى ومسكها من دراعها وقفها
تقي بعياط: علشان انت مش حاسس بيا يا يوسف..... لو عايز تسافر ومصمم يعني
يوسف حط صباعه علي بقها :هشش ....خلاص انا هاعمل زي ما نور قال.....، هاسيب الشركه خالص وافتح شركه خاصه في اي مجال
تقي بصتله ووشها كله دموع
يوسف مسحلها وشها بصوابعه
يوسف بمرح:طب والناس اللي برة 😉
تقي بصتله بدهشة :اتلم
يوسف ضحك جامد .....تقي سابته وخرجت وهو خرج وراها
@@@@@@@@@@@@@@@@@@@@@@
بعد اسبوع
يوسف عمل زي ما قال وابتدى يجهز الورق علشان يشارك نور في الشركه
تقي قامت من النوم على جرس الباب فتحت مكانش في حد بس كان في ظرف على باب الشقه في اخذته ودخلت قعدت في الريسبشن وفتحته وكانت الصدمه اللي الجمتها
تقي دمعت :ليه كده يا يوسف!!
وقامت وقفت بس الدنيا بتلف بيها وعليه كانت راجعة من عند مروة ونور فتحت و دخلت شافت تقي جريت عليها لحقتها قعدتها على الكنبه واتصلت بدكتور محمد
د/ محمد ابتسم :مبروك .....تقى حامل
تدقي بصتله ودمعت
دكتور محمد لاحظها واتكلم بهدوء :في ايه يا تقى !!
تقى بصتله :مفيش ...،،،الفرحه بس
دكتور محمد بشك: ماشي يا تقي .......مبروك وسابها ومشي
بقلمي خلود عبد الناصر
@@@@@@@@@@@@@@@@@@@@@
اخر النهار
يوسف مروح على البيت جاله رساله على الفون من رقم غريب  فتحها وكان مكتوب فيها( روح على شقتك هتلاقي ظرف على باب الشقه يا ريت هديتي تعجبك )
يوسف طار على البيت ولقي الظرف اخده وفتح باب الشقه ودخل قعد يفتح الجواب و هنا في اللحظه دي
علية خرجت عليه :يوسف انت جيت
يوسف بصلها وابتسم :ايوه يا ماما ....
عليه ابتسمت: طب مش هتدخل لتقي تشوفها وتطمن عليها
يوسف  وقف:في ايه مالها !؟
علية بحب:أدخلها بس
يوسف اتنهد : حاضر وساب الجواب وقام دخل لتقي
تقي  اول لما شافته دورت وشها بعيد عنه
يوسف قرب منها باستغراب :في ايه؟! مالك كده؟!.....
تقي كانت لسه هتتكلم
عليه دخلت عليهم: يوسف نسيت الظرف ده بره
يوسف بصلها:حطيه عندك يا ماما هناك ......
يوسف :هاه ياتوته ....في ايه بقى؟! تقى بصتله وسكتت
@@@@@@@@@@@@@@@@@@@@@@@
نور قفل الفون ووقف مصدوم
مروه قربت منه :في ايه يا نور!!
نور بصلها: ماما ........اقصد عمتو ......
مروه بهدوء :مالها!!
نور: جايه ولو شافتك هتقول لامينه .....تعالي معايا واخذها وراح عند يوسف خبط
عليه فتحت له
نور بقلق: ماما...... اقصد عمتو .....جايه مروه هتقعد عندكم مش عايزها تحس بوجود مروه خالص
علية بتفهم: ما تقلقش .....
نور سابها وراح على شقته متسندعلي عكازه
مروه قعدت مع علية في الرسيبشن
بقلمي خلود عبد الناصر
@@@@@@@@@@@@@@@@
يوسف بهدوء :برده مش هتقوليلي مالك يا حبيبتي؟؟
تقي بتهكم: حبيبتك!! وده من امتى يا .......كابتن يوسف؟؟
يوسف بصلها باستغراب:اي الاسلوب ده يا تقى....!!
تقي دمعت :لما انا حمل  ثقيل عليك يا عم طلقني....
يوسف بصلها جامد:اي اللي انتي بتقوليه ده!!
تقي اتنهدت وطلعت الظرف وعطيتهوله
يوسف مسك الظرف ورجع  بص عالظرف اللي كان معاه وراح مسكه وفتحه واتفاجئ بصور دكتور محمد وتقى ورجع بص للصور اللي في الظرف الثاني وطبعا كانت صوره مع يارا !!!
يوسف وقف مصدوم وتايه وبيفكر
تقي قربت منه و مسكت الصور بدهشة
يوسف اتنهد': كده بانت قوي..... دي لعبة معموله
تقى بصتله :طب مين هيعمل كده؟؟
يا ترى تقي هتصدقه؟؟؟؟
@@@@@@@@@@@@@@@@@@@@@
جنات وصلت عند نور
نور بحدة: نعم يا........ عمتو
جنات قربت منه :فين مروه!!
نور بصلها بتهكم: وانا مالي !!
جنات: يعني لاتكون فكرتها اختك..... وقلت تلم لحمك وكده يعني
نور بصلها جامد:آمال مروه تبقى ايه؟ !
جنات :بنت امينه وفتحي؟!!!
نور بصلها بصدمه :نعم !!
&&&&&&&&&&&&&&&&&
توقعاتكم
ابهروني
يللا انطلقوووووو
تابعوني هنا
Preñsess Totâ