روح الأدهم

الفصل الرابع عشر😍

💞روح الأدهم💞

💗💗💗الفصل الرابع عشر 💗💗💗💗

بعد مرور أيام

روح كانت دايما فى أوضتها ومبتخرحش خالص وجنه دايما معاها ومش بتسيبها هى وأدم أخوها

ومايا طبعا منعزله عنهم نهائى ومبتكلمش حد خالص حتى مبقتش تخرج من أوضتها خالص

وأدهم طبعا ندمان جدا علي تسرعه و بيحاول يفكر ازاى يرجع روح تانى تحبه وامه وأخته عرفه وكانوا فى حالة من الحزن عشان أدهم وحالته ال كانت بتدهور وصحته برضوا بقت فى النازل

خالد بيحاول يخفف على أدهم وكان دايما بيتغاظ لما بيشوف جنه بتهزر مع أدم أو بتكلمه بس كان بيسكت لأن خلاص قرر يخطبها رسمي

وندى كانت صابره لحد ماأدهم يشوف حل لمشكلته وتقوله على موضوع سليم

💗💗💗💓استغفروا 💗💗💗💗💗

فى فيلا الصياد

أدهم كان نازل من أوضته كالعاده بحزن

أدهم بتعب : صباح الخير

فاطمه بحزن على حال ابنها : صباح النور يابنى مش هتفطر برضوا زي كل يوم

أدهم  : لاء لاء مش هقدر هفطر فى الشركه ياحبيبتى

فاطمه : ماشى ياحبيبى ربنا معاك

ندى وهى نازله من على السلم : استنا يا أدهم خدنى فى طريقك عشان عربيتى بايظه

أدهم : طب يلا وانا هبعتلك حد يصلحها إن شاء الله النهارده

ندى : ماشى يلا

وخرجوا الاتنين وركبوا العربيه وهو شغلها ومشى بيها

ندى بصتله بحزن : لسه زعلان عشان روح برضوا
أدهم بسخريه : هو انا عمرى هسامح نفسى عشان ال عملتوا فيها وكسرة فرحتها فى يوم كل بنت تتمناه مش عارف ياندي عقلي كان فين يومها الغضب عماني والله بس انا عارف ان ده مش مبرر

ندى : طب هو انا ممكن اساعدك علي فكره

أدهم بعدم فهم : ازاى هتساعديني

ندى : يعني أحاول أكلمها أنا

أدهم بتنهيده : تفتكرى ممكن تقتنع معتقدش روح كرامتها غاليه أوي

ندى : هحاول مش هنخسر حاجه يمكن نجيب نتيجه

أدهم : ماشي يا ندي خير إن شاء الله

وبعد وقت وصلوا عند الكليه نزلها وطلع على الشركه ووصل مكتبه ودخل قعد بتعب

خالد دخل عليه : أدهم جيت امتى

أدهم : دلوقتى اهو

خالد قعد هو كمان : مالك ياصحبى حالك مش عجبنى خالص

أدهم : تعبان اوي ياخالد أوي اول مره احساس بالذنب ياكلني كده ا أنا نفسي روح تسامحني اوي بس مش قادر اخد خطوه عارف انها مش طايقه تشوف وشي حتي