#روح الأدهم (الجزء الثانى)
💫💫💫💫💫الفصل الخامس 💫💫💫💫💫
فى فيلا سليم العشرى
روح بلهفه : فى ايه يابنتى خضتينى
ندى بدموع : تعالى فوق هحكيلك كل حاجه
روح : ماشى يلا
وطلعوا الاتنين ودخلوا أوضة ندى
روح : ها بقا فى ايه قلبى وجعنى واهدى كده وبطلى عياط عشان اعرف افهمك
ندى مسحت دموعها واتكلمت بصوت متحشرج : بصى ياروح أنا وسليم فى بينا خلاف بقالنا سنه تقريبا ومبنتكلمش وعلطول خناق وقصت عليها معاملة سليم ليها
روح بدهشه : سليم! طب ومقولتيش لينا ليه أو لأدهم
ندى بنفى : لاء طبعا محدش كان المفروض يعرف دى أسرار بيت
روح بشك : يعنى يوم لما جيتى بشنطتك كنتى زعلانه مع سليم
ندى هزت راسها بهدوء بمعنى أه
روح : طب وانتى جيتى ليه تانى هو كلمك
ندى ودموعها نزلت مره أخرى : جيت عشان نسيت حاجه ليا هنا وياريتنى ماجيت
روح : ليه ؟
ندى مدت الورق لروح بايدى مرتعشه : لقيت دول بالصدفه
روح أخدتهم منها وفتحتهم واتصدمت
ندى بدموع : شوفتى بقا أنا جبتك ليه عشان تشوفيلى حل
روح بصدمه : يعنى سليم مبيخلفش
ندى بدموع أكتر : أه
روح : طب وانتى كنتى تعرفى ؟
ندى : لاء والله أنا لسه عارفه النهارده أنا كده عرفت سبب تغيره معايا
روح : طب وانتى ناويه تسيبيه ؟
ندى بنفى : لاء لاء طبعا مقدرش أنا بحبه
روح : بصى ياندى أنا هقولك نصيحه دلوقتى سليم فى أزمه وهو أكيد كرامته كراجل منعته ان هو يقولك فاهو اختار ان يكرهك فيه عشان تسيبيه وتعيشى حياتك بس جات الصدفه وانتى عرفتى المفروض دلوقتى انك تواجهيه وتعرفيه انك عرفتى كل حاجه بس قبل كل ده انتى هتستحملى تعيشى معاه من غير ولاد
ندى بصتلها : أنا بحبه ومقدرش أتخيل حياتى من غيره أبدا وميهمنيش ولاد أهم حاجه هو
روح : خلاص ياحبيبتى دلوقتى انتى واجهيه وعرفيه انك هتفضلى معاه ومش هتسيبيه ومتقوليش لأى حد حتى لو كان أدهم محدش يعرف خالص ولو السبب ال منعه بسيط ممكن يتحل ومع الوقت هتجيبوا أطفال لسه فيه أمل
ندى : يعنى انتى رايك كده ياروح
روح بتأكيد : أيوه طبعا وانتى من كلامك واضح انك بتحبى سليم عشان شخصه مش عشان مستنيه أطفال ولا مقابل الحب عايز صبر ومعاناه مع ال انتى بتحبيه زى مابتستحملى مميزاته لازم تستحملى عيوبه وان شاء الله أنا واثقه ومتأكده ان ربنا هيعوضكم خير
ندى اترمت فى حضن روح بدموع : انتى طيبه أووى أووى ياروح فعلا أدهم أخويا معاه جوهره متتعوضش
روح بمرح : لاء هاخد على الكلام الحلوه ده بقا واتغر
ندى رفعت وشها ليها : لاء بجد ده مش كلام انتى حقيقى كنز ياروح قلبك الطيب وروحك الحلوه انتى أختى ال ماما مجبتهاش
روح ضمتها بحنان واضح : أنا معاكى فى أى وقت ياقلبى وأى حاجه تعوزيها أنا موجوده
ندى بابتسامه وامتنان : ربنا يخليكى ليا يارب
روح بابتسامه مرحه: ويخليكى لينا ياقمر العيله كلها
ندى بتردد : طب والمفروض أعمل ايه دلوقتى
روح : بصى انتى تخليكى هنا واول ماتسمعى صوت عربيته روحى أوضته واستنيه فيها واول مايدخل واجهيه بكل حاجه هيحصل شوية شد وكده بس حاولى تتماسكى وأنا عن نفسى بكره هبعتلك كل حاجتك مع السواق ماشى
ندى بطاعه : حاضر
روح قامت وقفت : همشى أنا بقا عشان خرجت من ورا أدهم وسايبه جودى لوحدها
ندى : مش حور وعمر معاها وماما
روح : لاء خالد خدهم من ساعه كده وماما انتى عارفه بتعوز تصلى تعمل غدا كده وكده يعنى فلازم أكون معاها
ندى : ماشى ياحبيبتى ربنا معاكى
روح : يارب تسلميلى زى ماقولتلك بقا موصكيش سلام
ندى : حاضر مع السلامه
روح مشيت وندى قامت تعمل ال روح قالتلها عليه
💫💫💫💫💫💫💫💫💫💫💫💫💫💫
فى فيلا خالد القناوى
