احقاد دفينه

بداية

هااااي غااايز👋🌚

احم احم رواية جديده🌚

صدقوني من تجي فكره ببالي عبالك تحك بيه لازم انزلهه😂💔

ف تحملوني شويه🙂

تدرون فترة امتحانات وكذا والنفسيه زفتتتتتت😂 مع اني مُدرسة مو طالبه لكن الضغط الي عليه هائل😭

اوكرلغيت هواي خليكم بالمقدمه🙂

-------------------------------------------------

قال الطبيب"

_وهو يزرع القُطبه في جبين ولدي الصغير الذي لم يتوقف عن البكاء_
"لا تبكي! الرجال لا يبكون!"
_لم اخشى عليه من الندبة التي سـ يتركها الجُرح على جبينه، بقدر ما خشيتُ عليه من الندبة التي سـ تتركها هذه المعلومة القاسية في قلبه!! عندما يكبر سـ اخبره ان الرجال يبكون كثيراً في الخفاء...!_

---------------------------------------

كالعاده كنت راجع من الجامعة للبيت، طبگت السيارة ونزلت، فتحت باب الحوش ودخلت وشفت ضرف ع الگاع(ارض)، گلبي نغزني، بس لا الي ببالي!

انحنيت ع الضرف بخفه والتقطته، فتحته واني ادعي ان الي ببالي مو صحيح!

بس خاب ضني! هاي المره الثالثه الي اشوف بيها رسائل تهديد بالحوش!

هلمره غير عن المرات السابقه! لان هلمره كان داخل الضرف صورة ابني!!

مستحيل اخلي اي واحد يقرب منه! بس هسه حياتي وحياته بخطر..! لازم اتصرف بسرعه لأن مااضمن المره الجايه مجرد رساله!

عقچت الضرف الي بأيدي بعصبيه ورميته بالحاوية، دخلت للبيت بسرعه وطلع بوجهي دانيال وهو يفرك عيونه بأكمامه بطفولية ومبين انه توه قعد من النوم!

قلت بأرتياح كونه مراح للجامعة/حبيبي زين سويت مرحت للجامعه اليوم، بس مره ثانيه لتبقى بالبيت لوحدك!

هز راسه دانيال وقال/جوعاان!

ابتسمت اله ونزعت الجاكيت الي كنت لابسه ولفيت اكمام قميصي وقلت/يخسى الجوع واني موجود!

ضحك وقعد ع الكنبه وقال بمزح/يلا بسرعه جوعااان

باوعتله بطرف عيني، لذا هو استخدم حيلته الي اكيييد بتمشي عليه والي هيه انه يباوعلي بنظرات برئيه!

اوك تغاضيت عنه ومشيت للمطبخ اسوي غده، كون الساعة ب ال١:٠٠!

دخلت المطبخ وطلعت اللحم من الفريز وغسلته وخليته ع النار، بين م يغلي اللحم، اخذت فوني واتصلت ع صديقي ثامر الي اتعرفت عليه بزمن الحرب ومن وقتها صار صديقي الصدوق

رد بسرعه/ هاا بشر صار شي!

طبعاً اني حچيت له عن الي دايصير وياي وعن رسائل التهديد الي دا اتلقاهه!