#قصة_القصيرة (ممنوعة من النشر الا بإدني ) قصة 🔞🔞
✖️السكر ... كتعني أية حاجة حلوة ....و بالنسبة للناس لي فوق الخمسين لي لباس عليهم...السكر هو دوك البنيتات الصغار لي يلاه كيقولو باسم الله في الدنيا ...كيكون سكر زوييين للمرارة القهوة ديال حياتهم...
دخلت لفيستيار حيدت داكشي و رجعت لبست بيجامتها و عبايتها ...متقدرش تبات هنا حيت مكينينش صحباتها ... صافي هزت جلايلها لبست سباطها ... و خرجت فحالها من تما ...شدات الطريق على رجليها يلاه جهدها تشد كعطة اما راه طوبيسات غيكونو سلاااو دابا ...بقات غادا و عقلهااا مرفوووع ديال بصح مشكل هادا ما عرفت دابا تا شنو دارت خاااصها تنسااا كلشي خصها تحيد كلشي من دماغها و ترجع لحياتها عادي اما هادو غير ساعات من حياتو مخصهمش يأثرو عليها ....بقات غادا دقة دقة توصلت للكاريان مشات للدارهم نيشان ....دخلت لقات غير ختها و الحاجة كيف العادة جالسين كيتفرجو في تليفيزة صغيورة ....دخلت مشات سلمت عليهم و كدا ...و دخلت البيت حيدت العباية ...و خرجت عمرت كويس تاع اتاي ...و جلست معاهم تقصر عليه تنسا دوك الاجواء و داكشي
مريم : ابتسام شفتك جيتي بكري ماشي ليوم عندك بيرمانونس تاع السبيطار ابتسام شادة الخبز و اتاي و كتاكل و تفرج و كتجوبها : سبيطار مسيق مقاد غا دوزنا عليه دغيا دغيا و خرجنا بكرييي مريم : اااه وا مزيان انا انشاءالله غنقرااا كيف قلتي ليا و غنحيدكم نتي و ماما من هنااااا ابتسام دارت تبسمت ليها و عنقتهاااا : يخليييك لياااا ياربييي يخلييك لياااا .... هما يسمعوووو الغواااات على برااااا الحيحة ديال بصح ...ناضت ابتسام و مريم وقفو الحاجة تهيا تخلعت و ليني مقدتش تنوض توقف
الحاجة كلها تتفتف : ش ش شنو هادشي ؟ ابتسام : مريم بقاي مع الحاجة انا خارجة نشوف ....ابتسام دغيا خشات في رجليها سندالة صبع ....و خرجت تجارااا ...لقات ميلودااا و جيرااان كلشييي مجموووع في هاد ليييل و وسطهم راجل تهو من الحومة ....ابتسام مشات تجرييي و دخلت بيناتهم ووقفت حدا ميلودااا ابتسام : اش وااقع ؟ ميلودا : شو هاد الكلاب هادو تتكسلو و بان ليهم هاد القنت بغاو يحيدوها ابتسام : ايوليييي على يحيدوووها و سكنة ديالنا و دارنا ميلودا : ايوا الله يليكيها ليهم بانت ليهم غا هاد القنت مخسرة ليهم الديكور ابتسام : اويلي فين غنمشيو حنا ميلودا : هانتي لقيتي الناس كيغوتوو ...ابتسام شدات من حناكها اويلي على يحيدووو هاد القنت و هما معندهم فين يمشيو و معندهم تا لفلوس باش يمشيو لبلاصة اخرى ....بقاو كيتغاوتو لي ساكنين تماااا شي كيقووول خاصهم غيعطونا لفلوس شي كيقول خاص يعطونا لبقاعي نبنيوهم ....و المصيبة عند ابتسام ان مهما عطاوهم يا لفلوس ماشي لديك درجة لي غادي يشريو بيها شي برطمة و لا دويرة ...و تا لعطوهم بقعة معندهمش تا باش يبنوها ....شفتي لا كان اعلى عائلة ابتسام فهما مساكن على الدس الحضيض ديال بصح معندهمش تا باش ينقيو سنانهم .... ابتسام دارت يديها على حنكها مقدهم فيل زادتهم فيلة اش غيديرو داباااا ياربيي ....بداو الناس لي يتم يتافقو و يهدرووو باش يطلعو لبلدية هادي فرصة جاتهم باش يحيدو من البرارك و يمشيو لبلاصة بعقلها خاصهم يعطهم غا الفلوس و لا البقاعي ..... بقات ابتسام واقفة تما ماعرفة مدير تا لمحت مها جاية جارة كروسة الخبز ...و مشات عندها ابتسام
سعيدة : مال الجوقة تما اش كين ؟ ابتسام : اجي ندخلو و نعاود ليك ....جرتها دخلتها لللدار و خلاو كروية تاع خبز خاوية برااا و سدو عليهم و جلست مع مريم و الحاجة و بدات تعاود ليهم من طق طق تال سلام عليييكم
سعيدة غا سمعت هاد الخبار شدت من راسها : هادشي لي بقا لينا الله يسيدي ربي ماتكفينا مع الماكلة تجينا تا سكنة مريم : قلت ليك اختي نخرج من القرايا نعاونكم كون راه دابا جامعين فين نجلسو سعيدة : شحال قدنا شحاااال واخا منعرف اش نخدمو راه غدويرة دابا ولات ب20 مليون الحاجة : انا لي غا مثقلة عليكم و كون مت بلاصة ولدي كون راكم عايشيين بخير زايدة عليكم بالدوااا ابتسام عنقتها : متقوليش هاكا ا ميي الحاجة نتي هي كلشي و البركة ديال هاد الدار سعيدة : ايه االحاجة نتي هي كلشي واخا مات راجلي الله يرحمو خلاك معمرة عليا داري و شادة ليا بناتي فاش نكون خارجة نبيع الخبز و نتي لي ربيتهم باش مخرجوش للطريق و كحلو بوجههنا و بوجه باهم ....ابتسام كانت منغامسة معاهم و لكن تنغزت من لداخل تقول شي حد قرصها حدرت راسها كلشي عارفها ماشي تالهيه ...من غير عائلتها لي معمييين بيها باقين كيعقلو على ديك ابتسام لي قبل ماتفقد براءتها مع رجال قدهم قد جدها ...جمعت رجليها عندها اصلا هادشي لي عندها مادير فحال دابا شكون غادي يعاونهم و يصرف عليهم من غيرها ...اشمن خدمة غتقبل بوحدة مشادة تالباااك ..بقاو هاكاك كيهدرو قبالتها ...تابدات سعيدة تهدر مع ابتسام على قضية للمصروف خاصهم يبداو يصرفو قليل و يجمعو حتى لو خرجهم تكون تحت منهم شي حاجة يكريو بيها و لا شوف اش يديرو بيها ...كيبان لي هاد ليلة مغينعسوش ...حيت خاصهم يعرفو اش غيديرو حيت من غدا يقدرو يموتو بلبرد و يتشردو بلا ماكلة و تاحد مغيحن فيهم ...حيت الدولة اهم حاجة عندها هي ميبقاوش دور الصفيح.... حقا البناء العشوائيي بلا مايتسوقووو بلي كينين شي ناس راه تحت عتبة الفقر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
