Salvia

Salvia (Ep 7)

တစ်ပတ်လောက် အိပ်စက် ခဲ့ပြီးတဲ့နောက်မှာ မောင့်ရဲ့ နူးညံ့မှု တွေ ဂရုစိုက်မှုတွေ နဲ့ အချစ်တွေကိုရရှိခဲ့တယ်။
အမြဲတမ်း တောင့်တ မိနေတဲ့ ဒီပျော်ရွှင်မှုလေးတွေဟာ ဘာနဲ့မှု မလဲနိုင်အောင်တန်ဖိုးရှိလွန်းတာမို့ ဒီအချိန်လေးကို ပင်ရပ်တန့်ထားလိုက်ချင်မိပါရဲ့။

သေးသေးလေးက အစ မျက်စိအောက်က အပျောက်မခံ ဂရုစိုက်လွန်းတဲ့မောင့်ကြောင့် Haechan နဲ့ ChenJi အတွဲတို့ရဲ့ အမြင်မကြည်မှုကို ပါ အစစ်ရရှိခဲ့သေးတာ။

“Ren ရေးးးးးး”

ကဲပြောရင်းဆိုရင်ပင် အိမ်အောက်ကနေ ခေါ်နေတာပြန်ပါပြီ။
နောက်တစ်ပတ်နေရင် ကျောင်းပြီးတော့မှာဆိုတော့ နှစ်ယောက်တည်း short trip ထွက်ရန်စီစဉ်မိကြသည် မို့ စာမေးပွဲပြီးသည့်နေ့ တန်းသွားမည်ဖြစ်တာကြောင့် အခုတည်းက လိုအပ်တာတွေ၀ယ်ရန် မောင်တစ်ယောက် လာခေါ်ခြင်းဖြစ်မည်။

ဒီအတော အတွင်း Renjun တစ်ယောက် မောင်နဲ့ပတ်သက်ပြီးသိခဲ့ရတဲ့ အမှန်တရား တစ်ခုဟာဆိုရင်ဖြင့် မာနမင်းသား Na Jaemin သည် တကယ်တမ်းမှာကလေးဆိုးကြီးသာသာရယ်ပါ စိတ်ကောက်လိုက်တာလဲ သူအပြင်နှစ်ယောက်မရှိ။လိုချင်တာကိုမရရအောင် ဂျီကလဲကျတက်ပါသေးတယ်။

“Ren ရေ မလာသေးဘူးလားလို့။!!!”

“‌လာပြီမောင်။!!!
မောင် ~ ဘာလို့ အဲ့လောက်တောင် အော်နေရတာတုန်း လာမှာပေါ့ ဘယ့်နှယ်။”

(စိတ်မဆိုးရက်ပေမယ့် ဒေါသသံစွက်ကာ  နဲ့မာန်မဲလိုက်လေတော့ မောင်က မျက်နှာငယ်လေးနဲ့ စကားစလာသည်။)

“Ren ရာ အကြာကြီးပဲမောင်စောင့်နေတာကို။”

“ငါးမိနစ်တောင်မကြာတာကိုမောင်ရယ်။ ပါပါး မေးနေတာ ဖြေနေလို့ပါ။”

“Ren နဲ့ တွေ ဖို့ဆို မောင့်အတွက်က ငါးမိနစ်တောင် ငါးကမ္ဘာကြီးလောက်ကြာနေသလိုပဲ။”

“ပိုပြန်ပြီ ကဲပါ ဘယ်သွားကြမှာတုန်းအခု။”

“ဟောဒီက သခင်လေး Huang Renjun ရဲ့ ဒယ်ဒီ ပါပါး ပိုင်တဲ့ Huang Group လက်အောက်က Huang's Mall ကြီးကို သွားမှာဖြစ်ပါတယ်ခင်ဗျ။”