#فقيدي
الحلقة الخامسة
للكاتبه: Salma Elshwehdi
_________________________________________
وطلع وسكر الباب بقوة ، وبعدها سمعت صوت ضحك
عاليي قعدت أندور في مصدر الصوت لفيت علي الحوش كله مالقيتش حد باهي كيييف؟
أنا حاسه بأنه فيه شي مش طبيعي ، بس مرات يكون كلام خالد صحح أنا مريضة نفسية ؟
لازم ننتبه لروحي ونهتم بي سعد ومانشغلش نفسي بأشياء مش موجودة أساساً
كنت مستغربة ليش الجيران ماجونيش لعند توا لأن من عادات أهل الشرق لما يجي جار جديد يدزوله 🤔 مرات مايبوش خلطتي ، ولا يحسابوني مريضة نفسية؟ زعما خالد قاللهم شي عليا ؟
يارب صبرني ياريت عندي أهل قريبين نمشيلهم مليت من الإهانات والقهر
جاء خالد من جديد وهو قالب وجها قالي : طلع أسمي في البريد وجايني توا راجل يبي يركب تلفون أرضي 😒 خودي سعد وخشي أنتِ وهو للدار سكري الباب
(كان في وقتي التلفونات الأرضية مايركبوهم الأ بعض الناس ولازم يطلع أسمك في البريد بيش تحصلي يعني بالواسطة )
خشيت لِداري حطيت سعد في سريره ومعاه الألعاب ، وبديت أنلم في ملابس خالد اللي علي الأرض ، بس اللي خوفني انهم مش مقصوصات بالمقص ، هذا مقطع تقطيع ؟ وفيه دممم؟ كيف ؟
بس أنا متأكدة أني قاعدة بكامل قوايا العقلية مش معقول اني نقطع هذا كله مهما صار ماعنديش الغل هذا كله أتجاه خالد ولاعندي قوة وجهد للتقطيع 🤦🏻♀️
باهي لو عندي جهد للتقطيع وعندي غل هذا كله من وين جاء الدم هذا ؟😂🤦🏻♀️
قعدت مقعمزه والأفكار يلعبو في راسي فيه شي غريب في الموضوع ؟
قطع خالد حبل تفكيري وفتح الباب قالي أطلعي سيقي لأن الرجالة اللي ركبو خشو بكنادرهم
طلعت بديت أنسيق وخالد في الحمام رن التلفون الأرضي
خالد : رزااان ردي علي التلفون
فتحت التلفون مافيش اي صوت
طلع خالد وقالي : يعني حتى رد علي التلفون ماتعرفيش الصببر يارب ، ماتسمعيش في صوت من التلفون اهو يعيط علي طول حسه ؟
رزان : والله مافيه صوت
خالد : معش تحلفي اهو توا تكلمت قدامك وسمعت ، وخودي هذا رقم تلفون هلك بيش تكلميهم وتعالي نعلمك
كنت نبي نطير من الفرحة واخيرآ بنكلم هلي ، علمني خالد كيف نستخدم التلفون
كان فرق العمر اللي بينا هو المشكلة علشان أنا صغيرة في العمر يحسابني نكذب ونخوف فيه بس لو فكر يسمعني ويقعد في الحوش كان عرف الحقيقة
كلم خالد بالتلفون وهدرز مع خوه وقالي أنا طالع ومش هنروح مرات هنطول أكثر من أسبوع باب الحوش ماتطلعيش منه فاهمة؟
رزان : فاهمة
(جني كم بنت يقوللي ليش رزان مطيعه هكي ليش ماحولت تطلع من الحوش وتاخد ولدها وتسيبه؟ المرا الليبية من زمان تخاف بكل من الطلاق وتحترم في الراجل بدرجة مبالغ فيها ، كان حتي لما يموت بوها ولا أمها وراجلها يكون مش قاعد ماتطلعش حتى مع خوها ، ورزان أهلها في البيضاء ماتعرف حد في بنغازي وماتقدرش تطلع وعلي فكرة رزان نعرفها في الحقيقة كويس ؛ القصة حقيقية يابنات)
طلع خالد من الحوش (طلع روحه يارب😂)
ومشيت نغسل في مواعين الغداء وكل صونية نغسلها أطيح تتكسر ماعدلتش علي الموضوع وقعدت أنلم في المكسور ونغسل في الباقي ؛ أصلاً جاني يأس من الحياة 🤷🏻♀️
وفجأة سمعت شي كبير طاح وسعد عيط بقوة سيبت اللي في يدي ومشيت نجري نشوف شنو فيه لقيت الدولاب طايح متفترش تفتريش قطع صغيرة ، وسعد بعيد من عليه بس وجهه كان أزرق وعيونه مفتوحات علي الآخر من الصدمة ومايتنفسش
وفي نفس الوقت سمعت صوت دولاب المطبخ طاح ووحده تعيط في المطبخ بصوت عالي ورواشن الحوش ينفتحو ويسكرو بقوة ، وفيه أكثر من صوت
في الوقت هذا معش عرفت كيف نصرف ولدي وجهه منزرق ومنقطع عليه النفس ودولاب كبير طايحةمتكسر قطع صغيرة منو اللي طيحه ؟
ودولاب المطبخ طاح ووحده تعيط في المطبخ ومعاها ثانيات وكل رواشن حوشي يسكرو بالقوة لعند ماقريب يتكسرو ، حسيت روحي مسجونة قلبي وجعني
الحوش بدا يهز كأنه في زلزال قعدت نشهد ومشيت نجري لسعد وأنا نبكي
رزان : سعد سلم ولدي نوض حي عليا ياربي شنو ندير ولدي بيموت نهارك الأسوود يا رزان
مسكت سعد وحاولت نطلع من الحوش وكان فيه شي يكر فيا وصوت مرا تعيط كان صوتها يرعششش قعدت نزحف بيش نوصل للباب وفي يدي سعد كنت نرعش ونحاول نقاوم
وصلت لعند باب الحوش وفتحته ، وصوت المرا تقولي تطلعي من الباب تندمي فااااهمة
وأنا لما شفت الضي متاع الشارع عيوني وجعوني لأن من أول ماجيت للحوش هذا ماطلعتش
حاولت نتخطي عتبة الباب جاني صوت من ورايا وحده تعيط وتقولي هتندمي ماتحوليش تطلعي
وأنا بديت .............
_________________________________________
#يتبع
نزلت الحلقة السادسة💛
أنت تقرأ
فقيدي
Ужасыرواية غريبة ؟ احداث حقيقة؟ صارت في بنغازي تحديداً منطقة الماجوري شنو المعنى من أسم الرواية؟ وليش تسمت هكي ؟ هذا كله هتعرفوه ركزو في الأحداث .
