قصص عراقية:
#البارت_16
ـ يابوي شلون جماره حمره
*متت من الخوف لا احد سمعه أو شافني كمت ارجف اريد اكمل ماكدر بعد نثولت رجعت كطعت وخبزت وإني ميته خوف وبقت سالفه بالي لا يطلع احد سامعه ويحجي الـ. جاسم أو لغيره او اكيد محد راح يصدكني بوكتها كملت سريع ومشيت...
أسماء ـ عفيه بمرت اخويه المصونه تلعبين من ورئ ظهر اخويه وتحجين وتضحكين ويا إبن الجيران وهو يصوفرلج ويتغزل بيج أي ليش لا كلشي اتوقع من هيجي اشكال
زهرة ـ متت من الخوف اريد اتنفس ماكو ذبيت الخبز من ايدي ورحت عليه اتوسل بيها أسماء آلله يخليج صدكيني ولله مالي علاقه جنت اشتغل ومالي شغله بي حتى ماشفته بس سمعت صوته والله حرام عليج تتهميني بالباطل....
دفعتني
أسماء ـ لا تلزميني ساقطه أم رجوله لو ماا شفتج بعيني ها وتكليلي اتهمج بالباطل
زهرة ـ كمت ابجي واتوسل بيها وج حرام عليج وآلله حرام تتهميني واني مامسويه شي شفتيني فد يوم إني باوعت أو سويت شي غلط مو أنتي هم بنيه مثلي ماتخافين من آلله لا يطلع حوبتي بيج وأنتي تتهميني بالباطل وتطعنين بسمعتي...
أسماء ـ حقيره فوكاها تساوين نفسج بيه وتكليلي تطلع حوبتج بيه وآلله لافضحج اليوم ومااخلي أحد مااكله شفتها تأشر للولد وهو يصوفرله....
زهرة ـ تعلي صوته وتحجي كمت ابجي اكثر ابوس ايدج اسماء الله يوفقج لا تحجين هيجي وج والله ماسويت شي
*على صياحه اجوي جاسم وعمتي والبنات
أسماء ـ تعال يا خويه المصون تعال شوف مرتك وانته نايم ورجليك بالشمس وهي تمشي على حل شعرها وتضحك ويه الزلم وانته اطرش بزفه....
جاسم ـ ولج شنو هل الحجي إلي تحجينه هاا تخبلتي
اسماء ـ لا طبعا إني بعيني شفتهم يأشرون واحد للاخ اويحجون وهوه يصوفرله والله يا خويه....
جاسم ـ صدك الكلام إلي جاي دكول أسماء هاا احجي اخرسيتي...
زهرة ـ لا والله جاسم صدكني رحت اخبز وإني دااكسر حطب سمعت واحد يصوفر حتى ماشفته والله جاسم صارلي شكد من تزوجنه فد يوم شفت عليه شي.....
ام جاسم ـ حقيره قابل بنتي جذب هاا اعترفي...
زهرة ـ صدكوني والله ماسويت شي ولكم كافي تظلموني الله واكبر عليكم
ام جاسم ـ ااي مو من حاله اجه يأشر ويتغزل ويصوفر لو ما شايف شي ما يتجرأ ويتقرب يمه...
زهرة ـ ما اشوف آلا وجاسم صار يمي ضربني ضربه.....
جاسم ـ حقيره ساقطه تلعبين من ورايه وج اليوم موتج على ايدي يا كلبه...
