قصص عراقية:
#البارت_24
#نجمة_بين_قمرين 🌛🌟
حلاه العشگ #بالصدفه
وتذكرين من شفتچ ودنكتيّ
منهآ ومآ نمت بالليل ..
صارت بيچ #سالفتيّ ، 💜
توقف الزمن واللحظه والساعة وكل شي بهل دنيا.. وكفت واني عيوني غرغت بالدموع من الي داشوفه كدامي....اريد احجي او انطق خرسيت وماكدرت اكول شي..
بقيت واكفه ومصدومه ومامصدكه هذه الشخص واكف كدامي...معقوله وبهذه الوقت بالذات أسامة حبيبي وحب حياتي الضايع واكف كدامي
*اباوع عليه ارتبك وعيونه غوركت بالدموع مثلي واكثر.. وكام يرجع بشعره بأيده وهو مامصدك ويتنفس بقوه يباوع ومصدوم من شكلي.. وإني هم انصدمت من شكله..
كبران أكثر..وزايد وسامه اكثر من قبل جسم وعضلات بس تفاجأت بشعره.. بعض الشعيرات بيه شيب ابيض براسه ومطشرات ..معقوله يا أسامة ..طالع بيك شيب ليش وشنو السبب.. إني ادري هو اكبر مني بهوايه بس من شفته نصدمت ..لابس قاط زيتوني و مرجع شعره ليوره ومسوي سكسوكه بسيطه وحلوه وشوارب بسيطه.. اريد احجي أو انطق ماكو ..وهو يريد يحجي عبالك يرجف ومجاي يكدر يسيطر....
*كفت ونسيت نفسي ونسيت المكان الي إني بي عبالك بس إني ويا بقينا بهاي الدنيا. ورجعت ذيج الطفله الهادئه المراهقه بنت 13 سنة إلي جانت تحلم كل ليله بفارس احلامه إلي يجي على حصان ابيض وياخذها ويروح..
هو هذه فارس أحلامي اسامة حبيبي وروحي واكف كدامي بشحمه ولحمه ..وبكامل اناقته ووساماته وشعره زايده وسامه...
اوف يا أسامة وين جنت من جنت بأمس الحاجة إني الك من رحت وعفتني.. راح كل شي وياك كلبي وروحي وعمري كله وياك..اخ ياربي آلله لا يوفق كلمن جان سبب بفراكنه...
كوه حجه ونطق وهو دموعه تنزل بغزاره....
أسامة ـ زهرة حبيبتي معقوله أنتي زهرة نفسه ..زهرة بنتي الصغيره بنت كلبي وروحي
زهرة ـ من سمعته بجيت اكثر وجاوبته بدون ما انتبه على نفسي....
أي حبيبي انت.. زهرة نفسه بنتك.. بنت كلبك وروحك مثل ماتسميني...زهرة حبيبتك وحب حياتك....
*اوف كام بيجي اكثر.. كان موقف صعب بشكل.. بالنسبه النه اثنينه ..كعد على ركبه وهو ما مصدك كلامي الي كلته إله ..من شفته هيجي نزلت لمستواه وكمت ابجي ويااه قرب ايديه وهو يتلمسني
أسامة ـ معقوله أنتي طفلتي نفسه إلي حبيته وعشكته والي روحي حتركت على شوفته زهرة حبيبتي هاا ..رديلي وبردي كلبي واحجي
زهرة ـ اي حبيبي إني حبيتك زهرة نفسه إلي حبيته وعشكته....
أسامة ـ أي زهرة كلبي وعمري هايه كدامي..بشحمه ولحمه.. يارحمتك ياربي من عطفت على حالي وحققت امنيتي وخليتني اشوفه قبل لا اموت...
