قصص عراقية:
#البارت_20
#نجمة_بين_قمرين 🌛🌟
ابجي واضحك من القهر عبالك عصفوره وجانو حابسينه ويعذبونه وسجاجنينه واليوم فتحو قفصه وطارت وخلصت من السجن مالته
وصلت بيتنه واخيرآ ما صدكه رحت ركض وادك الباب بقوه واعيط الحكولي يابه وينك اخوتي وينكم راح اموت.. نفتح الباب وطلع مؤمن شافني وشهك شهكه مووت
مؤمن ـ يمه خيتي شصاير وياج
زهرة ـ ردت اوكع ولزمني قبل لا اوكع
مؤمن ـ احجي فدوه منو مسوي بيج هيجي زهرة حبيبتي يا عيووني أنتي جاوبيني من اذاج هيجي وكليلي وج اليوم اكلب الدنيا على راسه.....
زهرة ـ اريد اجاوبه ما اكدر الشهكة لازمتني ونفسي مقطوع اريد انطق جاسم ماكو
مؤمن ـ زهرة يابويه تنفسي تنفسي آلله اكبر ولكم وينكم همام تعالو لحكولي مصيبه وكعت.....
زهرة ـ اخوتي وابويه اجوي يركضون على صياح همام ابويه من شافني كام يضرب على راسه من القهر
ابو زهرة ـ يابويه يابنتي من سوه هيجي شي آلله اكبر
مؤمن ـ وخرو وسولي طريق خلي افوته ..
زهرة ـ شايلني ويركض بيه للبيت ويبجي اجني البنات يركضن ع صوتهم
زينه ـ يمه إسم آلله عليج يا خيتي شبيه احجو ومنو سوه هيجي زهرة حبيبتي ليش هيجي حالتج ...
مؤمن ـ عوفوها لحد يسأله خلي ترتاح هسه ....
زهرة ـ خلاني على الجربايه وهوه يبجي واني بس دموعي تجري مكدرت اجاوبهم شي..
مؤمن ـ وك همام اركض روح جيب مضمد ..صخام ع راسي
ابو زهرة ـ زهرة يا عيون ابوج احجي من سوه بيج هيجي....
مؤمن ـ عوفه يابويه عوفه خلي ترتاح هسه .والله والي خلق السما بدون عمد إلي سوه بيج هيجي يا خيتي إله انسي حليب أمه إلي رضعته كافي مااريد تبجين ااني اخذ حكج منهم...
زهرة ـ اوف منظري يفطر القلب واهلي داير مدايري وكله تبجي عليه وشويه واجه همام يركض ويا مضمد من شافني نصدم بس ماحجه شي عالج وجهي..ونطاهم علاج علمود النزيف مال خشمي وانطاني مسكن ومهدئ للألم علمود مااحس بوجع جسمي
ـ هسه بس تضرب ابره ترتاح وخلو راسه مرفوع علمود يوكف نزيف موزين يبقى هيجي خطر..
زهرة ـ بعدها راح المضمد واخوتي ظلو يمي..وإني اريد اسكت ماكو وج اسكتي واحجيلهم ياا زهرة بقيت اشاهك بقوه وارجف من الخوف والقهر مؤمن ماتحمل يشوفني هيجي كام ورفعني وخلاني بحظنه وحظني بقوه مثل الطفل من أمه تحضنه...فقدت من سوه هيجي وزدت اكثر ومجلبه بصدره واشاهك وابجي وهوه حاظني ويبجي اكثر.. وهمام يفتر بالغرفة وهو صاير نار ودموعه ماتوكف وابويه والبنات نفس الشي...
