آعصار تسوناميTsunami hurricane🖤🎶

البارت الخامس

كان خالد يقود بهم السيارة عائدين من المشفى إلى البيت.....
كانت بيسان شاردة الذهن تعتلي تقاسيم وجهها الحزن والضيق...
اسيل:ام البيس رجلها انكسرت والله وعشت وشفتك مدعوسة😂💔
خالد:ليه يعني بتتشفى فيها؟!
آسيل بـ غيظ: اه...دايما ماخديتني مسخرى...
خالد بتعجب من تفكير اخته:ولما الواحد يندعس بيكون مسخرى!مش اشي ينحكى فيه اصلا....!
آسيل وهي تهز بيسان:هاااااااي وين وصلتي!!
بيسان:راح على الشغل...
اسيل:هاد اللي مضايقك؟!
بيسان:اه....اكملت بأنكسار:ما كان سهل اني البقيه....وكمان برضوا ما كان سهل إقناع ابوي اني اشتغل...هلا رح يحكيلي خلص..
خالد:يمكن هاد الشغل مش خير الك...
وهنا لم تستطع بيسان إخفاء حزنها وضيقها فانفجرت بـ خالد : كيف مش خير الي وهو كان رح يساعدني ويساعد اهلي؟! كيف مش خير إلي وانا شايف اختي مش عايشة  زي باقي البنات اللي بعمرها؟! كيف مش خير الي وانا بشوف ابوي كل يوم بروح متأخر تعبان بمبلغ بالعافية بكفينا!؟كيف مش خير الي وامي حامل ومخبية حملها عشان تقلقش ابوي بالمصاريف؟! هاااا مش خير كيف قلي يا خالد بس....؟؟
بدئت دموعها بالتمرد لتسيل على خديها..
اخذت اسيل بيسان بحضنها ومسدت على ظهرها بقلة حيلة  فهي أيضا حزينة عاجزة عن مساعدة صديقة عمرها ويزيد حزنها حين تراها بهذه الحالة....
قال خالد بعد قليل من الصمت:لو انه خير الك كان رحتيله وزبط كل شي الله دايما بيختارلنا الأفضل "وعسٰي أن تكرهوا شيئاً وهو خير لكم وعسٰى أن تحبوا شيئاً وهو شر لكم"<البقرة ٢١٦>
يمكن الله خلى السيارة تخبط فيكِ عشان ما تروحيله صح ولا لأ؟! يمكن بعد ما اطيبي تلاقي شغل أحسن من الشغل هاد....مش كل شي احنا بنشوفه منيح بيكون فعلا منيح....ما في حدا بيعرف الخبايا غير الله ولازم ثقتك وإيمانك بالله يكونوا أكثر من هيك واتكوني واثقة انه اللي بختاره الله دايما احسن وأفضل النا....عشان هيك قلتلك استخيري قبل ما اتروحي.....
دايما احنا بنتطلع على المصايب اللي بتيجينا انها بس مصايب....ما بنشوفها بمنظور تاني انها ابتلاءات الله بيمتحنا فيها....وانها مثلا "متل ما صار معك" انه الله كان بده ينجينا من أشياء ثانية كانت ممكن تكون مضرة النا وتأذينا....
وما تخافي عأمك واختك انا رح اهتم بكل شي....
بيسان وهي تمسح دموعها:جد شكرا خالد على الطاقة الإيجابية اللي أعطيتني اياها هلا بكلامك
آسيل ملطفة الجو:هااااي تقلبوهاش فلم هندي......وخالد هلا رح يخليني هاد الشهر عند بيسان عشان أهتم فيها وأهلها صح!؟
خالد:صح.....بس اسألي امك وابوك..
آسيل:امك وابوك!!! يعني بطلوا امك و ابوك انتَ كمان....؟
خالد:عادي تسكتي لاني هلا مش رح اخلص من لسانك....!
بيسان:بهاي معك حـ....
لم تكمل الكلمة لأن آسيل ضربتها بكتفها بغل....
بيسان بألم:ااااااي يا جزمة ايدك عندي يا مهدة
"" "" "" "" "" "" "" "" "" "" "" "" "" "" "" "" "" "" ""
أمام بيت بيسان-داخل السيارة-
خالد: بـ ترني عـ.....
قاطعته اسيل:برن عـ ماما بقلها اني عند بيسان بروح العصر عـ البيت باخد اواعي وانا مروحا ما بخلي حد غريب يوصلني وما باخد من حد شكلاتة....افهمنا الدرس يبابا خالد...يلا سلااااام
خالد:الصبر يا الله....يلا روحي برتاح منك...ما تنسى بيسان انا دايما موجود...
آسيل وهي تغلق باب السيارة بوجهه:يلا مع السلامة يبابا افهمنا انك موجود..
"" "" "" "" "" "" "" "" "" "" "" "" "" "" "" "" "" "" ""
أمام باب البيت وفجأة تم تحويل الباب إلى "طبلة" من قِبَل آسيل...جاء صوت ام بيسان الصارخ من الداخل [رح احكيلها نهى أسهل من ام بيسان] :مـــــيــــــــــن!!
فتحت الباب وهي تظن أن إحدى الاولاد الصغار من يطرق الباب فهي اعتادت على هذا: آسيل وبيسان ليه اتأخرتوا وما بتردوا على التلفونات وكمـ.....
قاطعتها اسيل:شوي شوي علينا بس...خلينا ندخل اول بعدين بنعطيك التقرير يا ست الكل...
كانت آسيل تساعد بيسان على الجلوس وهنا انتبهت نهى أن قدمها ملفوفة[😂] قالت بخوف:اييه صارلك! شو سويتوا يا جوز المصايب...!؟
بيسان:شو بدنا نكون سوينا كل اللي صار يا نبع الحنان انه......(وقالت لها ما حدث)
نهى:آلله يهديكم ليه ما حكتولي!!بعدين انتِ صغيرة يا بيسان عشان تنتبهيش!!؟؟
آسيل:ما حكينالك لأنه الموضوع مش مستاهل انك تيجي اما انها مش صغيرة فهاد ما إله دخل بالعمر هاد نصيبها ومكتوبلها يصير فيها هيك "قل لن يصيبنا إلا ما كتب الله لنا"<التوبة ٥١> وخليني اقوم اسوي اكل الي والها لأني صراحة واقعة جووع.....
وذهبت إلى المطبخ قاصدة ان تترك مجال لبيسان أن تحدث امها على انفراد كي تأخذ راحتها فهي طلبت من صديقتها أن تقول لأمها أن لا داعي أن تخفي حملها وان تعتني بنفسها فهي الان مسؤوله عن روحان وسيحاسبها الله عليها...
"" "" "" "" "" "" "" "" "" "" "" "" "" "" "" "" "" "" ""
بيسان:من متى وانتِ بتخبي علي مش دايما بتقوليلي انَّا صحاب ونحكي كل شي لبعض....!؟
نهى:عن شو بتحكي..؟!
بيسان:ماما انتِ عارفة عن شو بحكي!! بتخبي حملك!! هو هاد شي يتخبى....؟!
نهى:بس....
بيسان:لأ ما بسش....الله بيقول بالقرآن "ولا يحل لهن أن يكتمن ما خلق الله في ارحامهن أن كن يؤمن بالله واليوم الآخر"<البقرة ٢٢٨> صح يا ماما!! خايفة من مصاريفه؟!
"ولا تقتلوا أولادكم خشية املاق نحن نرزقهم وإياكم أن قتلهم كان خطئا كبيرا" <الإسراء ٣١> مش انتِ هيك بتقتليه؟! لما تهملي صحتك واكلك مش هيك بتقتليه!؟دخلت آسيل وهي تحمل الطعام:آلله يكمل بعقلك يا حبيبتي....صح كلامها يا ست الكل؟! بكرا رح نروح على الدكتورة انا وانتِ نكشف على البيبي.....وتعيشي دور الأمومة مرة تانية 😂😂......
انفجرت آسيل وبيسان بـ الضحك من مجرد التخيل أن نهى حامل وسيصبح قريبا لها طفل ثالث 💙😌😂

اتمنى انكم استفدتوا من حصة الدين🌚😂
خلص البارت...
بتعجبكم طريقة كلامي؟ "بحاول كثير ما احكي بلهجة معينة (بس الطبع غلاب)..."
اي سؤال؟
اي انتقاد؟
اي فكرة(اي ملاحظة لا تبخلوا) ؟
كم تعطوا البارت من ١٠؟
يتحبوا البارت طويل/قصير؟
وانتوا طالعين ادعسوا على النجمة إللي تحت😂💔
تعليق حلو زيكم يحفزني البارت الجاي....🖤
بشوفكم بالبارت الجاي❤💋

اسف على الأخطاء الاملائية..
بحبگم 🖤 🌝