إسكريبتات متنوعة ومختلفة بقلم وتأليف :أية علي...

إسكريبت جديد وحصري "لم يحبني أحد"

إسكريبت جديد وحصري"لم يحبني أحد"
تأليف : أية علي.....
........................
.......كانت فتاة جامعية جميلة ورقيقة ملتزمة في دينها وحجابها وفي قمة البراءة والهدوء تجلس في مكان مختبئ خلف سور الجامعة التي تدرس فيها وبعيداً عن الناس والعالم وتبكي بكاءا شديداً بكل إنهيار وتفأجأت مرة واحدة بشاب جميل وهادئ ينادي عليها ويقول لها :
_الشاب :السلام عليكم ورحمه الله وبركاته ......
....البنت رفعت وجهها له متفاجئة ومحرجة
وردت قائلة :
وعليكم السلام ورحمه الله وبركاته....
_الشاب :خير مالك بتعيطي ليه بالحرقة دي كلها حد زعلك أسف لو فيه مني تطفل أو فضول بس حابب اطمن ولفت نظري شكلك وأنتي منهارة وبتعيطي كده لوحدك ....
_الفتاة :أبدأ أبدأ مافيش بس أنا تعبانة ومخنوقة شوية ولازم استأذن حالا .....
_الشاب :طب إهدي بس وماتقلقيش وقوليلي فيه ايه .....
_الفتاة :أبدأ والله مافيش ....
_الشاب : عموماً أنا عارف إنك قلقانة وخايفة مني أو بمعني اصح مخضوضة أنا معيد عندكم هنا في الجامعة لسه بقالي كام شهر متعين جديد بس طبعاً ماحصليش الشرف إني أكون معيد في المدرج اللي أنتي فيه وأتمني أعرفك ولو محتاجة أي شئ أو حاجة وقفت قدامك بخصوص دراستك أنا موجود أنا ارتحتلك والله وحاسك إنسانة كويسة ....
_الفتاة :تسلم ياارب ده من بعد ذوقك والله ....
_الشاب :الله يخليكي تسلمي بس حابب اطمن عليكي وحابب أعرف سبب عياطك ده ايه
أصلا ايه الأسباب اللي في الدنيا تستاهل إنك تعيطي
بالطريقة دي وفي مكان لوحدك وسايبة محاضراتك وحالك كده .....
_الفتاة بكل حرقة وبكاء أكثر وأكثر ردت قائلة : "للأسف ماحدش بيحبني في الدنيا دي رغم إني عمري مازعلت ولاأذيت أي حد في حياتي لا غريب ولاقريب طول عمري في حالي ودنيتي وبحب كل الناس وبتمني الخير لأي حد اللي أعرفه
واللي ماأعرفهوش اللي بحبه واللي مابحبهوش
عمري أصلا ماكرهت ولا أعرف أكره حد لكن أنا
اللي دائما مكروهة من كل الناس في حياتي ....
_الشاب :طب بس إهدي كده وفهميني ماحدش بيحبك إزاي وعرفتي منين كده وليه وصلك الإحساس ده إنك مكروهة من كل الناس ......
_الفتاة : من ربع ساعة كده كنت نزلت من المحاضرة عالمصلية اصلي الظهر وارجع لمكتبة الجامعة علشان اقرأ شوية قبل أخر محاضرة واليوم كان يخلص ونمشي سمعت اتنين شباب معانا في المدرج بيتكلموا مع بعضهم عالسلم ماكانوش يعرفوا
إني طالعة للمكتبة من المصلية .......
_الشاب :تمام وسمعتيهم بيتكلموا يقولوا ايه .....
_الفتاة :كلامهم كله كان عليا وإستهزاء وتريقة
وتنمر وضحك عليا وعلي شخصيتي .....
_الشاب بإستغراب وتعجب :يتكلموا عليكي أنتي ليه وتنمر إزاي هو أنتي فيكي حاجة وحشة أو شئ يعيبك لاسمح الله أنتي إنسانة كويسة ولحد دلوقتي مش شايف فيكي أي حاجة تخلي حد يتنمر
أو يتريق عليكي .....
_الفتاة بكل إنهيار أكتر : بيتريقوا عليا علشان أنا حد في حالي وفي دراستي وماليش أي دعوة ولاخلطة بأي حد غير في الأصول والحدود كل صحابي البنات هنا في الجامعة كل بنت بتحب شاب ومتصاحبين مع بعض وكل شاب كذلك الأمر مع بنت أنا ماليش في الجو ده وربنا يسامحني ما أقصدش اتكلم عليهم ولا اعيب فيهم لكن شكلي ومنظري أصبح ملفت ليهم ...
_الشاب :علي فكرة دي أحلي وأجمل حاجة في أي بنت أو ست والشئ ده بيكون نادر وجوده في زمننا "الإلتزام" ماتأخديش في بالك ولاتشغلي نفسك بيهم ولا بأي حد خليكي في نفسك وبس وماتخليش أي كلمة من أي حد تهزك أو تهز ثقتك في نفسك وبعدين سمعتيهم بيقولوا ايه يخليكي تزعلي كده .....
_ الفتاة : أهو كلام بقي زي كده ستنا الشيخة نزلت تصلي شيخة الجامعة هو مين اللي هيفكر يتجوزها ولايبصلها أصلا دي عاوزة شيخ زيها دي هتتجوز من الجامع ياعم ده الشباب عاوزة البنت الروشة الجامدة الأنثي كده دي مافيهاش ريحة الأنوثة والرقة بلاش خنقة واحدة دائما متحجبة يظهر شعرها وحش ولايمكن ماعندهاش شعر أصلا ويروحوا ضاحكين والتاني يرد عليه ويقوله فعلا والله تصدق شوفوا البنات العسل بقي تلاقيهم كل يوم قصات مختلفة لشعرهم لبس موضة وإستايل عالي لكن دي الدريسات والطرح ناقص تلبس النقاب والملحفة وفعلا تأخد لقب ستنا الشيخة وراحو ضاحكين أكتر ماقدرتش استحمل كده وحسيت إني عاوزة اعيط فجيت جري علي هنا أنا شخصيتي وطريقتي وحياتي كده ومرتاحة كده ومش معني إني عارفة ربنا إني ابقي مش بفهم في الذوق ولا في الموضة لكن لازم أكون محتشمة وعارفة الموضة وقتها أمتي وفين ولمين وأكون عارفة ربنا وحقه عليا وحق ديني والتزامي ......
_ الشاب : الله ينور عليكي كلام صحيح وتمام اومال زعلانة وشاغلة بالك بكلامهم واللي قالوه ليه سيبيهم يتكلموا ويقولوا وبعدين ده للأسف لانهم مش قادرين يطولوا الشئ ده زي مابيطولوا أي شئ عاوزينه يعني أنتي بتقولي كلهم بيحبوا بعض أصلها حاجة سهلة وأنا بشوف يعني أه أنا لسه معيد جديد بس بشوف من ده كتير لأنهم منتشرين جدا فا للأسف الحكمة بتقول :
"كلما تزاحم الكثير علي الشئ تزاحم من رخصه"
لانه شئ رخيص والكل عاوز يأخده بسرعة برخص التراب مش السلعة لما بينزل سعرها في السوق الكل بيجري عليها ويلحئق يشتريها لكن لما بتكون غالية قليل خالص اللي يروح يضحي بتمنها ويجيبها مثلا الدهب قليل حد خالص يشتريه لانه غالي ومش في مقدرة الناس كلها فأنتي جوهرة وكمان غالية أوي فلازم تحافظي عليها أكتر وأكتر وسيبك من كل الكلام الفاضي اللي مالوش لازمة ولاقيمة ده.......
_الفتاة :يعني أعيش والكل بيكرهني حواليا حتي أقرب الناس ليا بيكرهوني مع إني بحبهم كلهم والله بس مش عارفة ليه بيكرهوني وبيعملوا فيا كده ....
_الشاب :أقرب الناس مين اللي بيكرهوكي .....
_الفتاة :عماتي إخوات بابا وولادهم سواء بنات ولا ولاد بابا أصغر من عماتي والوحيد عليهم وهما الكبار فهو بيهيبهم وبيحترمهم ....
_الشاب :تمام وبعدين .....
_الفتاة :هما تلات عمات ليا وكل واحدة فيهم اللي معاها ولدين وبنت واللي معاها ولد وبنت وفيه اللي إتجوزوا الكبار ولسه فيه بنات وولاد كبار عني بحاجة بسيطة أنا أصغر بنت فيهم ووحيدة بابا وماما ......
_الشاب :ربنا يخليكوا لبعض كلكم يااارب .......
_ الفتاة : ويخليك ياارب....
_ الشاب : طب وهما حد فيهم بيزعلك برضه .....
_الفتاة : للأسف كلهم بيأخدوا مني جنب أولهم عماتي وطبعاً ولادهم لما طلعوا لقوهم كده بقوا زيهم زي مايكونوا عاملين عليا حزب وكلهم مع بعض حبايب يعني عماتي كلهم إخوات بنات فا لولاد وبنات بعضهم خالات أنا الوحيدة اللي بنت أخوهم يعني هما عماتي بس .....
_ الشاب : طب وايه الفرق بنت أخوهم ولا بنت أختهم ده بالعكس المفروض تكوني أنتي عندهم أغلي لانك بنت أخوهم الوحيد زي ما بتقولي يعني العصب ....
_ الفتاة : للأسف مافيش عندهم كده ده حتي من كرههم ليا كرهو أبويا فيا خلوه يشوفني حد مالوش قيمة في الحياة حد زي التمثال يأكل ويشرب ويتعلم وخلاص ويصلي حد مالوش في الجواز ولا في العيشة وإني يوم ماهتجوز مش هعمر في بيت ولامع رجل ومافيش شاب ولاراجل هيقبلني بالوضع ده ....
_الشاب بضيقة وخنقة : ياااه أنتي مكبرة الموضوع أوي كده ليه ماحدش هيقبلك بالوضع ده إزاي أنتي مش بنت زي البنات طب ما أنا قدامك اهوه شاب متدين وملتزم وعارف ربنا وبراعيه في كل شئ شغلي ودراستي ومعاملتي مع أي إنسان سواء أعرفه أو ما أعرفهوش وبصلي الوقت بوقته الحمدلله وبقرأ بعد صلاة الورد القرآني علي قد ربنا مايقدرني وبسعي إني أعرف واتعلم في ديني كويس وازيد علمي وبدعي ربنا يثبتني علي حالي كده لحد أخر يوم في عمري ومربي دقني خفيف هل أنا مافيش بنت هتقبلني بوضعي ده وتقول مااتجوزش الشيخ ده هو احنا لازم نغضب ربنا علشان الناس تقبلنا وتحبنا أنتي عندك حب ربنا ليكي أقل من حب الناس حب الناس بالنسبة ليكي أهم من حب ربنا ....
_ الفتاة : لا طبعاً لاطاعة لمخلوق في معصية الخالق وبعدين أنا يوم ماهقابل هقابل ربنا مش هقابل الناس يروحوا في داهية الناس مش هينفعوني يوم القيامة وأنا بتحاسب ولا بتعاقب يوم القيامة هو :
"يوم يتبرأ فيه الناس من أمه وأبيه وحتي أخيه "
_الشاب : الله ينور عليكي طب ماأنتي فاهمة وعارفة كل حاجة اهوه ايه اللي مزعلك ومدايقك بقي ومشغولة بالناس ليه ....
_ الفتاة : لا مش مشغولة بس نفسيتي بتتعب من كلامهم وأفعالهم حتي أهلي تصور عمتي الكبيرة خطبت بنت أختها لابنها الكبير طبعاً أنا أتمنالهم الخير دول إخواتي لكن بعد الخطوبة بكام يوم سمعت عمتي الوسطانية بتقول لعمتي الكبيرة ليه ماخطبتيش نورا لابنك الكبير ترد عليها تقولها ايه ...
_الشاب : ردت عليها قالتلها ايه ....
_ الفتاة : نورا مين دي اللي اخطبها أنا اخطبله العيلة اللي تحفظه وتسعده وتصون بيته العيلة الحلوة المفرفشة الفريش اللي تفرفشه وتفرحه مش تدفنه بالحيا وتقضي عليه وعايشة دور ستنا الشيخة اسكتي بلاش وجع دماغ ياختي .....
_ الشاب : ياااه معقول الستات الكبيرة تفكيرهم كده كمان دول حتي ناس من زمان وفاهمين الدنيا صح المفروض يفهموا البنات من بعضها .....
_الفتاة : للأسف هما باصين لدلوقتي ونسيوا زمان نسيوا الأصل واللي هما اتولدوا واتربوا عليه من البداية تخيل عمتي تقعد مع بنات إخواتها ويفضلوا يتكلموا ويحكوا مع بعضهم في سيرتي ويتريقوا ويعيبوا عليا وإن حصلتلي مشكلة ولاحاجة يعملوها سيرة وحكاية ورواية مع بعض وعماتي يقعدوا يحذروا البنات إنهم يتعلموا من تجاربي ومايعملوش زيي ......
_ الشاب : من ناحية ايه يعني ......
_الفتاة : يعني مثلا أنا اتخطبت مرتين وماحصليش نصيب أول واحد أنا سبته وفكيت خطوبتي منه لأنه كان شاب مش ملتزم وبيشرب ومش بيصلي ومستهتر ويبقي مستهون بالعبادة والصلاة فطبعا زي ماهجر ربه من السهل يهجرني واللي مايخافش ربنا نخاف منه أنا عملت كده وقولت كده اتريقوا عليا وبقوا يقولوا الرجل مايعيبوش إلا جيبه ودول شباب وعاوزين يعيشوا حياتهم لحد مابقي أبويا مش طايقني ويقولي هتغيري الكون علي مزاجك أنتي عايشة الدور أنتي واحدة مقفلة ماتوافقي وخلاص حد لاقي جواز والكلام ده كله وخلاص وبقت عمتي الكبيرة تنصح بناتها وبنات إخواتها وتقولهم كل واحدة فيكم تمسك في العريس اللي يتقدملها بإيديها وسنانها علشان تتجوزوا وتعيشوا حياتكم وتعمروا في بيوت خلوها هي اللي بايرة بقي ولاتبقي تروح تفصل عريس علي مقاسها ويروحوا ضاحكين كلهم ، تاني عريس جالي كان كويس وملتزم لكن كان كل أما يجي يقعد معانا شوية يفضلوا عماتي يتريقوا عليا قدامه زي مايكونوا كانوا بيتعمدوا يعملوا كده علشان استكتروا عليا يجيلي إنسان بتمناه ويفضلوا يقولولي قدامه وقال يعني بيضحكوا ويهزروا معايا ويقولوا جه اللي علي مزاجك اهوه يابت يانورا زيك مقفل كده وشيخ بس ابقي فرفشوا واسعدوا بعض وعيشوا حياتكم ماتبقوش تقفلوها علي نفسكم لحد ماعقدوه راح سايبني هو كمان من حقي ازعل بقي ولاافرح وكل ده بيحصل ليا وكمان الوضع يجرح عماتي مع بنات إخواتهم عليا ماأنا كمان بنت أخوهم وبنت خالهم يعني زي أختهم ومنهم لكن هما بقي بيعتبروني واحدة غريبة عنهم .....
_الشاب : كل شئ في الدنيا نصيب وربنا بيجعلها أسباب في الحياة للي بيحصل والعيب كان علي خطيبك التاني لانه سابك اللي بيحب حد مهما يسمع ومهما حد يقوله أو يقول قدامه الكلام مايأثرش فيه وبعدين مافيش أحسن ولا أفضل من العفة والحياء والطهارة في البنت أو الست لازم الإنسان فينا يكون طاهر ونضيف في أخلاقه وقلبه ودينه وتعاملاته مع البشرية كل ده عند ربنا أجره كبير وعظيم أوي لكن كل اللي بتحكيه ده مظاهر في الدنيا والمظاهر خداعة وأصلا اللي احنا عايشين فيها دي دنيا عارفة يعني ايه دنيا يعني الوحش والحلو ،السهل والصعب، النضيف والمبهدل ،الغالي والرخيص ، وفي النهاية كلنا رايحين فالدنيا فانية ومش هيبقي لينا فيها غير عملنا الصالح ورضا ربنا علينا فنصيحة مني ليكي حافظي علي نفسك وعفتك وطهارة قلبك وعلي صلاتك وتقواكي وإيمانك حافظي علي شخصيتك الجميلة بكل مافيها أنتي جوهرة وشئ غالي التمن ماتخليش الضعف والزعل وقلة الثقة بالنفس ترخصه ولو تقدري تكوني أحسن من كده وتتطوري أكتر في دينك وأخلاقك وإيمانك يااريت ......
....الفتاة بكل راحة نفسية وهدوء بعد كل الكلام
اللي سمعته منه ردت عليه وقالتله :
" يااااه كلامك ريح قلبي والله ولأول مرة في حياتي يحسسني بقيمتي وشخصيتي ويحببني في نفسي "
_الشاب: لازم تعرفي قيمة نفسك بنفسك وتحبي نفسك ماتعتمديش ولاتنتظري محبة من حد انتظريها من اللي خلقك بس اطلبي دائما محبته ليكي ورضاه عليكي وهو اللي هيحبب فيكي خلقه لانه ربك ورب كل الناس اللي أنتي بتحكي عنها دي ....
_ الفتاة : ربنا يخليك ياارب ويريح قلبك زي ماريحتني ورفعت من معنوياتي أنا رغم إني بقرأ كتير في الدين والحياة والدنيا وبتثقف لكن وأنا بسمعك وبسمع كلامك رغم إني عارفاه لكن حاسة كأني بسمعه لأول مرة حاسة كأني ماكنتش أعرف أي حاجة قبل كده كأني لاعمري قرآت ولادرست كأني بتعلم لأول مرة .....
_الشاب : كلنا كده عايشين بنتعلم وهنعيش بنتعلم وهنموت واحنا بنتعلم "يموت المعلم وهو بيتعلم "
أنا بتعلم من ناس زي وأكبر مني وأصغر مني كمان وأنتي كذلك الأمر وكلنا كده بنعلم بعض ونتعلم من بعض بس المهم ماحدش يستخسر يعلم حد شئ يعرفه لازم نستفاد بعلمنا ونفيد غيرنا بيه وهما يفيدونا .....
_الفتاة : أكيد طبعاً ....
....وكان اليوم الجامعي الدراسي انتهي ونزلوا البنات والشباب من المدرجات علشان يروحوا بيوتهم .....
...زعلت الفتاة وقالت :
" ياااه ده اليوم خلص وفاتتني المحاضرة ياخسارة الوقت سرقني واخدني الكلام كان في بالي اعيط شوية وخلاص واطلع للمحاضرة "
_الشاب : ولايهمك خير إن شاءالله المحاضرة مقدور عليها ابقي تعالي ليا في أي وقت راحة ومافيش فيه أي محاضرات وقوليلي وأنا اشرحالك لكن لو كنتي عيطتي بس وطلعتي للمحاضرة كنتي هتفضلي كده تايهة وحيرانة في حياتك لكن أنتي إتكلمتي وفضفضتي وخرجتي اللي جواكي وسمعتي كلام ونصائح استفدتي بيها صح ولا ايه ....
_ الفتاة بإبتسامة : صح طبعاً استأذن أنا بقي ......
_ الشاب : اتفضلي .......
....ومشيت الفتاة وأصبحت أقوي من الأول ومتمسكة أكتر بنفسها وشخصيتها ......
..وبعد فترة قصيرة من الأيام والشهور كان الشاب لايراها صدفة ولاتراه وأصبح لديه الفضول يعرفها ويعرف حالها فطلب نقله للمدرج التي تدرس فيه وبالفعل انتقل له ويوم عن اليوم اللي قبله تعلق بها وأحبها وتقدم لها وهي دون تردد أو كلام وافقت به وتمت خطبتهم سواء وانتظرها حتي انتهت من أخر سنة ليها في الجامعة وإتخرجت وتزوجوا وأنجبوا طفتلتين وعاشوا حياة سعيدة مع بعضهم في تقوي وإيمان وربوا بناتهم عالتقوي والدين والإيمان والصلاة .......
........................................................................
..إنتهي الإسكريبت ويااارب يكون حلو وعجبكم وحابة أشوف رأيكم فيه بصراحة ......