إسكريبتات متنوعة ومختلفة بقلم وتأليف :أية علي...

إسكريبت حصري "المتزوجة والمطلقة"

...إسكريبت حصري "المتزوجة والمطلقة"
.....................................................................
_مها :أنا تعبت وزهقئت من حياتي وعيشتي كلها ....
_مي :ليه بس كده ياحبييتي مالك فيه ايه ....
_مها :أنا وجوزي حياتنا بقت جحيم مافيش تفاهم مافيش نقاش مافيش أي حاجة خالص 7سنين غم وقرف وسواد وكل اللي مصبرني بنتي وابني خايفة اتطلق واحرمهم من أبوهم وابقي خربت بيتي وشردت ولادي أو هو يأخدهم مني وانحرم أنا منهم ولاهما يرجعوا بعد كده اما يكبروا يلوموني ويقولولي سبتي أبونا ليه ماهما مش فاهمين حاجة ومهما كان العيال بتقول أبويا مهما يكون حتي ايه  مابقتش عارفة اعمل ايه خلاص تعبت بقي والعيشة استحالت مابينا .....
_مي :طب ياحبيبتي استهدي بالله بس وماتتسرعيش في إختياراتك وأخذ قراراتك ....
_مها :طب قوليلي اعمل ايه استحمل إزاي أكتر من كده بقالي 7سنين مستحملة وبقول علشان ولادي من أول مااتجوزنا وأنا لقيته إنسان صعب في كل حاجة لقيته إنسان تاني خالص غير اللي حبيته في فترة الخطوبة حبينا بعض 3سنين واتخطبنا سنتين يعني 5سنين حب وخطوبة كان إنسان مالوش حل ولازيو حد أبدأ في الدنيا ولما دخلنا إتفاجئت  بشخص تاني خالص غير اللي كنت عارفاه وبحبه ....
_مي :ماهو ده اللي معروف ياحبيبتي إن الخطوبة والإرتباط فترة خداع جميلة ووهمية والحياة بتظهرلنا فيها وردية وكل شخص منهم بيظهر أحسن وأحلي ماعنده سواء هي أو هو ....
_مها :لا يامي أنا ماخدعتهوش وكنت بظهر الوحش قبل الحلو وكنت بتعامل معاه بكل طبيعتي عالأخر علشان مااخدعش حد بس هو اللي خدعني وغشني للأسف ....
_مي :خلاص ياحبيبتي معلش ارضي بنصيبك اللي كاتبه ربنا ليكي  وبعدين مش هتبقي اتحملتي السنين دي كلها وتيجي دلوقتي وتعملي كده بعد ولادك دول فكري فيهم قبل ماتفكري في نفسك فكري في العشرة اللي كانت بينكم حتي لو كانت فترة بسيطة وأكيد زي ماكان فيها الوحش كان فيها حاجات حلوة برضه الحياة لا كلها وردي ولاكلها وحشة ده العشرة ماتهونش غير علي ولاد الحرام حتي لو هو وحش ومش كويس اتحملي بقي وخلاص ويبقي الأجر والثواب عند ربنا هيتشالك في الأخرة ....
_مها :لا يامي مش هقدر استحمل أكتر من كده
"اعتزل مايؤذيك ولاتتحمله "
وأنا خلاص استكفيت بكده ومش هقدر اتحمل حاجة تاني والعيال مش صغيرين يعني وهما في حضانتي لحد مايكبروا وعاوزين يبقوا يروحوله يروحوله عاوزين يفضلوا معايا يخليهم معايا براحتهم لكن أنا ليه اجني علي نفسي مع شخص زي ده ليه وعلشان ايه إنسان همجي وماعندوش حسن التصرف وكل حاجة يهزأني في وسط الناس أنا كنت جارية عنده ولاهو كان اشتراني عبيدة ليه .....
_مي : ياحبيبتي الخراب سهل ومافيش أسهل منه لكن بيكسر القلب ووقتها بيكون صعب أوي ....
...يامها احنا سهل نخرب لكن صعب نعمر ....
....سهل نهد لكن صعب نبني ....
...لو احنا بنبي عمارة ولابيت ولاأي مكان هنتعب أوي علي مانبنيه ونأخد وقت كبير لكن تعالي نهده هنهده في أقل من ثانية .....
...تعالي لو بنطلع سلم من دور عالي علي مانطلع هنكون تعبنا وروحنا طلعت لكن تعالي أما ننزل هننزل في ثواني من غير أي تعب ......
فإستهدي بالله والجئ ليه وقولي ياارب صبرني علي حالي ياارب كافئني خير وباركلي في حالي وعيالي وإهدي ليا جوزي ولو مااتهداش ابعده عني بمشاكله خليني في حالي وحياتي واكفينا شر المستخبي......
_مها :اسكتي أنتي مش عارفة حاجة وبعدين أنتي اللي بتقولي الكلام ده غريبة ماأنتي اهوه مطلقة من سنين وعايشة أنتي وبنتك عند أهلك والحياة حلوة وجميلة معاكي أنتي وهي وبتشتغلي وتصرفي عليها وواخدة حريتك عادي ايه الضرر بقي .....
_مي : الحمدلله على كل حال ربنا يخليها ليا ياارب هي الحاجة الحلوة اللي طلعت بيها من الدنيا مسلياني حاسة إني عايشة علشان شئ في حياتي أه أهلي مش بيخلوها عاوزة حاجة فعلا وأنا بكون في الشغل وارجع يدوب اقعد معاها شوية اعملها حاجة هي عاوزاها بس برضه بنتي وحبيبتي واهي تبقي معايا قدام ياعالم الدنيا هتعمل فيا ايه تاني بس المهم ربنا يخليها ليا ويبارك فيها وتطلع حاجة كويسة وتكون حنينة عليا وتحس بيا وتحبني زي ماأنا بحبها ....
_مها :طب هسألك سؤال وتجاوبيني عليه بكل صراحة يامي أمانة عليكي ؟؟؟
_مي :اسألي ياحبيبتي.....
_مها :أنتي ندمانة علي جوزك اللي إتطلقتي منه ؟
_مي :لامش ندمانة عليه هو شخصياً لانه ماكانش يستاهل وبعدين احنا ماقعدناش فترة كبيرة مع بعض حتي سنة يعني لاهو لحئق يشوف مني حلو ولاأنا لحقئت أشوف منه حلو مالحقئناش نشوف من بعض حاجة حلوة نندم عليها جوازتنا دي كانت زي الحلم كده وصحينا منه علي غفلة مع إني كنت بحبه حب كبير أوي حبيته حب الدنيا كله حبيته أكتر من نفسي حبيته حب لو إتجوز عشر ستات بعدي مش هيحبوه الحب اللي أنا حبيته ليه الحب الصادق اللي كان خارج من القلب كان حب طاهر ونضيف كان حب حقيقي وبجد بس للأسف الحب ده كان من طرف واحد وكان للشخص الغلط ....
_مها : طب ايه الأسباب اللي خليتكم تتطلقوا من بعض كده علي طول ومافكرتوش حتي في بنتكم ....
_مي :بصي مش هقدر أقول أي حاجة كل اللي أقدر أقوله ماقدرناش نعيش مع بعض كان ليه دماغه وحياته وأنا كان ليا دماغي وحياتي لاأنا أنفعه ولاهو ينفعني احنا ماكناش مناسبين لبعض أصلا ويعلم ربنا أنا كنت علي إستعداد إني كنت اتحمل أي شئ إن شاءالله حتي لو ايه لو حتي كان موتني كنت أموت في بيتي وعالأقل أموت شهيدة وأنا عايشة ومحافظة علي بيتي وجوزي وبنتي ويبقي الأجر والثواب عند الله بس هو لا هو اللي كان لو بمسك في بيتي لحظة يفلت مني إيدي لو بداري علي شئ يطلع هو يعمله منشور في الدنيا كلها ولأهله وصحابه وكل حد يعرفه وأنا بس اجي افضفض مع أهلي ولاأهله بحاجة يعملولي حكاية ورواية هو وأهله وأنا كنت بحكي بغرض ايه الفضفضة وكان علشان ايه يقولوله يكون كويس معايا ونعيش مع بعض زي كل اتنين عايشين في بيتهم وسعداء حتي لو هما مش سعداء بيسعدوا نفسهم بنفسهم ويتخطوا الوحش ويعدوه ويفوتوا لبعضهم ويكملوا بعضهم ببعض بس للاسف ماكناش احنا كده ولاهو اداني فرصة اعمل معاه كده أنا كنت زي الغرقان وبيتعلق بقشاية.....
_مها : معلش ياحبيبتي ماكانش قصدي ازعلك ولله  ولاافكرك باللي فات  زي ما بيقولوا كده اقلب عليكي المواجع وبعدين ده أنتي في نعمة صدقيني يااريت أنا اتطلق وارتاح أنتي اهوه معاكي بنتك وفي بيتك ومع أهلك ومش بيزعلوكي أبدأ بالعكس بيحبوا البت أكتر منك  صدقيني أنا بجد تعبت منه ومابقتش قادرة خلاص ..
_مي : معلش ياحبيبتي كل إنسان مننا بيأخد نصيبه في الدنيا والحمدلله على كل حال ....
_مها :ونعمة بالله وحده ...
تصدقي وتأمني بالله يامي ...
_مي :ونعمة بالله ياحبيبتي...
_مها :عمرنا مااتكلمنا مع بعض حلو كده لازم خناقات عمره من يوم مااتجوزنا مااخدني وخرج بيا في إيده كده وفسحني عمره مادخل عليا بحاجة حلوة تفرحني ولو حتي بمنديل ولاافتكر أي مناسبة حلوة لينا سواء عيد ميلاد أو عيد جواز أنا اللي دائما بفتكر وافكره وهو أصلا مش بيهتم راجل قعدته كلها غم وقرف ونكد حتي العيال يحط همه فيهم في الرايحة والجاية وأنا استحملته 7سنين لحد ما خلاص فاض بيا يعني أنتي في نعمة ماحدش يعرفها مالحقئتيش تشوفي زي اللي كل واحدة متجوزة بتشوفه .....
_مي :ولله ماحد عاجبه حاله في الدنيا لا المتجوزة وعايشة في بيتها مرتاحة ولاالمطلقة وعايشة بحريتها مرتاحة كله بيشكي من حاله ويبكي عليه وعلي رأي "نجأة الصغيرة "
..لا العاشق مرتاح ولاالخالي مرتاح ...
ماحدش فينا مرتاح يامها بس أكتر إنسان مرتاح في الدنيا هو اللي بيرضي بنصيبه سواء حلو ولاوحش سواء خير ولاشر سواء سعادة ولاتعاسة لازم نسيب الأمور تمشي زي ماهي مكتوبة عند ربنا .....
_مها :يعني عاوزاني اعمل ايه استحمل كده عادي وأعيش في اللي أنا فيه واسكت واصبر لحد ماأموت ....
_مي :لا ياحبيبتي بعيد الشر عليكي ماتقوليش كده بس ماتسعيش عالطلاق والخراب ده أصعب شئ عند الست لما تأخد لقب مطلقة الناس تشوفها بصورة مش حلوة وتكون دائما في نظرهم هي الظالمة المفترية حتي لو هي ملاك وبرئية بس في النهاية حصلت على لقب المطلقة والناس والدنيا مابيرحموش  .....
_مها :مطلقة مطلقة وأنا ايه يجبرني أعيش مع راجل زي ده وادفن حياتي معاه أكتر وأكتر يمكن في الأول كنت استحمل واعدي وافوت دلوقتي خلاص كل إنسان مننا وليه طاقة وبيجي عليها وقت وتنفذ منه ومايبقاش فيه طاقة لكده  ....
مي : حبيبتي اللي تشوفيه واللي يريحك اعمليه  أنتي قدرة بحياتك أكتر مني ماأقدرش أقولك تعملي ايه أخاف أقولك اتطلقي ترجعي وتندمي وتحمليني الذنب وابقي أنا شجعتك علي خراب بيتك وولادك يعيشوا محتارين ومشتتين  مابينكم وكمان ماأقدرش أقولك عيشي واتحملي ربما تكون العيشة والحياة مستحيلة مابينكم ويمكن يحصل مصائب كبيرة ابقي أنا برضه خليتك تتحملي شئ صعب يتعبك أنتي وولادك شوفي اللي أنتي عاوزاه ايه وعلي أساسه اتخذي القرار النهائي اللي مش هيخليكي تندمي ولاترجعي تفكري أنا عن نفسي مرتاحة كده بحياتي ونفسي وحالي ومش عاوزة شئ من الدنيا تاني بعد بنتي وأهلي حقيقة ربنا مش مخليني محتاجة حاجة لاأنا ولاهي وبيحبوها أكتر مني أنا شخصياً ولو أنا مقصرة معاها في شئ غصب عني هما بيعملوه ليها يبقي هعوز ايه من الدنيا تاني راجل هيعملي ايه الراجل يعني مش شرط اكتمل بوجود راجل في حياتي أنا اللي اكمل نفسي بنفسي وشخصيتي انجح في حياتي العملية والعلمية اسعي لتحقيق أحلامي ليا ولبنتي حبيبتي اللي ماعنديش أغلي منها في الدنيا شئ مني ومن دمي حتة مني ....
_مها :صح كلامك ولله أنتي فعلا اللي ريحتي نفسك من البداية خالص أنتي قوية متحملة وعايشة تلاتة سنين من غير جواز غيرك بيطلق ويجري يتجوز علي طول وأنتي ولافي بالك الجواز خالص مع إنك أول مااتطلقتي كان بيتقدملك شباب زي العسل ولحد دلوقتي ومااتجوزوش قبل كده وأنتي صغيرة وحلوة وتستاهلي كل خير وأي حد يتمناكي ومع ذلك  ترفضي وتقولي هعيش لبنتي ولنفسي .....
_مي :بصي التأني فيه السلامة والعجلة فيها الندامة
ليه أول مااتطلق اجري اتجوز ليه أخرج من حكاية ادخل نفسي في حكاية غيرها وياعالم هتكون أصعب منها ولاعاملة إزاي طب مااستني شوية كده اخد وقتي مع نفسي افوق حتي من حكايتي الأولي لما اجي اختار واخود قرار ابقي عارفة ومتأكدة إني هكون المرة دي قده وهقدر اتحمله بصعوباته لأن مافيش راجل كامل ومريح كلهم متعبين أنا أه اخترت جوزي أول مرة شفته فيها وحبيته وكان معايا زي الملاك بس اما دخلت انصدمت بيه لما لقيته شخص تاني المرة دي بقي اختار وابقي عارفة إني هتحمل وأكون قوية وصامدة وجامدة وشديدة قدام كل صعب لاني هكون كبرت وقتها وخوضت تجربة قبلها والدنيا بتعلمنا كتير في حياتنا مش عاوزة اتجوز الجوازة التانية وارجع اندم عالأولي وأقول ياريتني كنت عيشت واتحملت جوزي أبو بنتي واهو كان جواز بجواز وخلاص مش عاوزة اتجوز واتطلق تاني وينحسبوا عليا جوازتين في العمر وأنا مالحقئتش أتهني ولا أفرح بجوازة منهم ..
_مها :ربنا يعوضك ياارب ياحبيبتي خير ويسعدك ويرزقك بالشخص المناسب ابن الحلال اللي فعلا يعوضك بجد وينسيكي كل حاجة زعلتلك في حياتك أنتي تستاهلي كل خير ولله أنتي إنسانة جميلة وطيبة وجدعة وقلبك أبيض وأنا أكتر واحدة عارفاكي وفهماكي ده احنا صحاب وإخوات أكتر كمان وعمرنا ماننسي بعض أبدأ مهما الحياة تلهينا وتشغلنا عن بعضنا برضه احنا اللي بندوم لبعض كفاية إنك طول عمرك من واحنا صغيرين في المدرسة وأنا كنت احكيلك كل اللي يزعلني ويفرحني وأنتي تسمعي من هنا ولاكأنك سمعتي ولاعرفتي ولما كنت احكي لأي بنت غيرك كانت تعملها ليا منشور في المدرسة كلها وترجع في أول خلاف ولاخناقة بينا تقولي اللي يزعلني لكن انتي لا مهما كنت ازعلك ونزعل من بعض كنتي ماتقوليش حاجة فعلا أنتي كنتي كاتمة أسراري ياحبيبتي ماتعرفيش أنا بحبك اد ايه وحاسة إن ربنا عوضني بيكي أنتي ودامك ليا في حياتي الحاجة اللي تهون عليا وتصبرني وكفاية إني احكي وافضفض وأنا مطمنة ومش خايفة من اللي جاي ولاحاملة هم أي حاجة .....
_مي : طبعا يامها أنا مش بعمل حاجة كبيرة ولاعظيمة لازم اسمع اللي يحب يحكي معايا ويفك عن نفسه شوية حتي لوكان عدوي لازم اللي يأمني علي سر أو شئ يخصه احافظ عليه وأكون اد الأمانة دي "من امنك لم تخونه ولو كنت خاين "
يعني حتي لو أنا خائنة وحد استأمني علي شئ مااخونهوش أبدأ لكن أنا عمري ماكنت خاينة  ....
_مي : حبيبتي ربنا يجزيكي كل خير يااااارب 🤲
....وبعد فترة كبيرة اتجوزت مي إنسان محترم جدا وعارف ربنا وكان متزوج مرة ومراته اتوفت ولما شاف مي حبها وطلبها من أهلها للزواج واحب بنتها مثل بنته تماماً وربنا كرمهم تاني بالذرية الصالحة وكانت حياتهم حياة جميلة وسعيدة وربنا عوض علي مي عوض  كبير عن اللي فات كله في حياتها .....
......ومها زوجها توفي  بعد ماأنجبت طفل ثالث  وهي كانت تحمتله سنين كتيرة وهو علي نفس حاله بل بيتحول من أسوء لأسوء فقررت القرار النهائي  وعاشت وحدها بأولادها وربتهم أحسن وأفضل تربية وحزنت هي وأولادها كثيراً علي فراقه ولكن هذا أمر الله ولاإعتراض عليه وحمدت ربنا علي ذلك ولم تفكر تتزوج بعده اكتفت بأولادها في حياتها واكتفت بعشرة السنين بينها وبينه حتي لو كانت صعبة بس كانت عشرة وكان زوجها أبو أولادها  .....
.....................................................................
..إنتهي الإسكريبت ويااارب يكون حلو وعجبكم وأحب اسمع رأيكم فيه بكل صراحة ....
بقلم وتأليف:أية علي...