إسكريبتات متنوعة ومختلفة بقلم وتأليف :أية علي...

إسكريبت بعنوان "الصداقة المزيفة"الجزء الأول

بنات هكتب لكم إسكريبت جديد وثاني إسكريبت ليا
بعد إسكريبت "إن الله إذا أحب عبدا ابتلاه"
جزء أول
"وإن عوض الله إذا حل أنساك مافقدت"
جزء تاني
وهذا الإسكريبت الجديد بعنوان :
"الصداقة المزيفة "الجزء الأول
وياااارب يكون حلو ويعجب كل الناس اللي تقرأه :
ونبدأ بقي الإسكريبت :
_____________________________________
_كانت بنوتة جميلة ورقيقة جداً وهادئة وذات أخلاق عالية وبراءة في ملامحها وتتميز بعيونها العسلية الجذابة وتحمل كل الصفات الجميلة الحسنة تدرس في بداية المرحلة الثانوية العامة للبنات وكل مدرسينها ومدرساتها يحبونها ويحترمونها جداً لثقافتها العالية ولتفوقها الممتاز وذكائها الخارق وأخلاقها التي تعرفها كل الناس
وأهم وأجمل الصفات تدينها وإيمانها القوي والمواظبة علي صلاتها وقراءة القرآن الكريم وعلومه
اسمها "آيات "وكان الإسم علي مسمي أيات من الرحمن ولها من اسمها نصيب ليس فيها أي غلطة وكانت دائما تجلس عالنت لمذاكرتها ونشر بوستات ثقافية ودينية علي حسابها الشخصي وكان بروفايلها جميل جدا ومفيد من منشوراته وفي يوم من الأيام كانت تذاكر ومشغولة كثيراً وجاء لها طلب صداقة غريب من بنت عالفيس لم تعرفها ولكن دخلت بروفايلها ولقيته كلو بوستات بنوتات وصفحة جميلة جدا ووثقت فيها وتحدثت معها وأصبحوا أعز صحاب معرفة فيس أقوي وأكثر من المعرفة الشخصية وكان الحوار بينهما في أول مرة للتعارف
_البنت :هاي ياقمر
_آيات :أهلا وسهلا بيكي حبيبتي ⁦❤️⁩💜
_البنت :ممكن نتعرف على بعض ونبقي صحاب
_آيات : طبعاً حبيبتي عيوني ليكي
_البنت :تسلملي عيونك ياحبي أعرفك بنفسي
أنا اسمي هايدي ودلعي دودو
عندي 20سنة من إسكندرية
ومرتبطة بشاب وأنا وهو بنحب بعض
كتير وواعدني أول مايكون نفسه هيجي يتقدم لأهلي ونتخطب ونتجوز علي طول
_آيات :حبيبتي اسمك جميل والعمر كله ليكي ياارب وإن شاءالله ربنا يتمملكم بخير ويسعدكم
_هايدي :أمين يااااااارب ياحبيبتي هاااااا مش هتعرفيني بنفسك بقي أنا عرفتك علي نفسي اهوه وقولتلك كل حاجة تحبي اجبلك رقم بطاقتي القومي كمان ولا ايه
_آيات :هههههههههههه لا حبيبتي مش لدرجاتي
وبعدين أنا اتشرف بمعرفتك ولله
أنا اسمي آيات عندي 16سنة
في سنة أولي ثانوي عام ومن القاهرة
_هايدي :صغيرة أوي وقريبة مننا كمان مصر وإسكندرية واحد ياترا بقي ايه العلاقة
_أيات :علاقة ايه حبيبتي ⁦⁦❤️⁩😍
_هايدي :مرتبطة ولامخطوبة ولا علاقة معقدة
_آيات :لا مافيش حاجة من دول أنا أصلا مش بشغل بالي بالكلام ده كل هدفي في الدنيا أنجح في الثانوية العامة وادخل كلية ليسانس أداب
_هايدي :ربنا يحققلك أهدافك حبيبتي بس برده ده مايمنعش إنك تحبي وتتحبي وتعيشي حياتك كده
_أيات :أنا سايبة الكلام ده لوقته المهم احقق حلمي وهدفي وبعد كده ربنا يسهل كل شئ بأوانه والحياة مراحل وأنا عاوزة أعيش مرحلتي دلوقتي مرحلة تعليمي ونجاحي واعمل الحاجة اللي أنا عاوزاها وبحبها إنما الحب والحاجات دي بعدين أنا أما اجي أحب وارتبط أحب صاحب نصيبي وارتبط بيه ويكون إنسان صالح ويراعي ربنا في كل شئ بيعمله
علشان أعيش معاه مرتاحة ومش خايفة منه أبدأ وأحس معاه بالأمان والطمأنينة لان اللي يخاف ربنا ماحدش يخاف منه أبدأ وربنا يوعدني ويوعدك ويوعد كل البنات اللي زينا بيه حبيبتي ⁦❤️⁩
_هايدي :يااااارب ياقلبي 💜
_آيات :طب ياحبي عاوزة أي حاجة لاني عندي مذاكرة كتير وعاوزة اخلص ونبقي نتكلم مرة تانية إن شاءالله وربنا يديم المودة والمحبة مابينا
_هايدي :تمام حبيبتي بس المرة دي ماتحسبش دي كانت مرة تعارف بعد كده بقي نبقي صحاب ونحكي ونتكلم مع بعضنا في كل حاجة احنا عاوزينها تمام
_آيات : أوكيه حبيبتي انظم حالي بس واخلص مذاكرتي واحاول أفضي ليكي يوم ونتكلم سواء
_هايدي :تمام حبيبتي منتظراكي
_آيات:إن شاءالله ياحبيبتي هقفل بقي سلام
لاإله إلا الله
_هايدي :سيدنا محمد رسول الله
وقفلوا مع بعضهم وآيات ولا في بالها وكانت مشغولة في حالها ولكن كانت هايدي دائما تكلمها وتفتح وتشوفها إن كانت فاتحة ولا لا وكانت لم تراها فاتحة غير في أوقات قليلة جدا أثناء سهرتها في أوضتها وهي بتذاكر واستمرت آيات لم تكلم هايدي لمدة يومين ولكن كانت ليلة سهرانة تذاكر وفتحت نت لتكلم صحباتها بنات في المدرسة للمذاكرة والإستسفار عن أي شئ لم يعرفونه واتفاجئت برسائل كثيرة عالماسنجر من هايدي تقول فيهم :
_هايدي :آيات حبيبتي 💜
عاملة ايه
فينك ياقلبي مختفية ليه بقالك كام يوم
طمنيني عليكي
أنتي كويسة ولافيكي حاجة
_آيات : حبيبتي الله يسلمك الحمدلله أنا بخير ولله
اطمني مافيش حاجة بس أنا كنت مشغولة شوية
مذاكرة كتير بقي وكده ودروس فقليل لما بفتح للمذاكرة ولا أي حاجة مهمة اعذريني ياقلبي ⁦❤️⁩
_هايدي : أوكيه حبيبتي بس عاوزة اتكلم معاكي شوية تعبانة وعاوزة افضفض كده أحسن هموت أوي
_آيات :خير ياقلبي مالك فيه ايه
_هايدي :الشاب اللي بحبه اتكلم مع باباه ومامته يجوا يتقدموا ليا بس هما مش موافقين ولا أهلي كمان موافقين بيقولوا إني لسه صغيرة عالجواز وهو مش بيشتغل ولسه مش مكون نفسه وأنا وهو مانقدرش نستغني عن بعض وقررنا نحاول معاهم ولو ماوافقوش نهرب ونتجوز ونحطهم قدام الأمر الواقع علشان يوافقوا نكون مع بعض وقولت اخد رأيك برده صح كده ولا غلط
_آيات :لا طبعاً ياحبيبتي غلط وأكبر غلط كمان إزاي تعملي حاجة تغضب ربنا قبل أهلك كل شيء في الدنيا نصيب ولو مكتوب ليكم تكونوا مع بعض هتكونوا مع بعض غصب عنكم وعن أي حد في الدنيا النصيب أقوي من كل شئ بس في النهاية يكون بما يرضي الله ولو مش مكتوب تكونوا مع بعض مهما تعملوا برده مش هتكونوا مع بعض حتي لو عملتوا ايه ارجعي عن اللي في دماغك حبيبتي 💜
"ماكتب لنا فهو لنا حتي لو لم نريده ؛
وماليس لنا ليس لنا حتي لو متنا لأجله .!"
_هايدي :يااااه يا آيات صدقي كلامك ريحني وريح قلبي ولله وحاسة إني كنت هعمل مصيبة كبيرة وارجع أندم عليها كتير ربنا مايحرمني منك ياروحي
_آيات :ولايهمك حبيبتي الناس لبعضها قومي بس صلي ركعتين لله واستغفري ربك كده وادعي إن لو كان اللي بتحبيه ده إنسان صالح وفيه الخير وهيسعدك وأنتي معاه يجعله من نصيبك
ولو كان غير كده يبعده عنك وإن شاءالله هترتاحي
_هايدي :حاضر ياحبييتي هعمل زي ماقولتيلي كده
_آيات :تمام حبيبتي محتاجة حاجة قبل مااقفل
_هايدي :لا حبيبتي سلامتك بس عاوزة أسألك سؤال
_آيات :اتفضلي ياقلبي عنيا ليكي
_هايدي :أنتي بتبقي عاوزة تقفلي معايا بسرعة ليه
وأنا ببقي عاوزة اتكلم معاكي واحكي ليكي علي كل اللي جوايا وبمر بيه أنا تعبانة أوي ومحتاجةحد اكلمه ويكون معايا دائما وابقي مرتاحة معاه كده
_آيات :أبدأ ولله ياحبييتي بس أنا وقتي ضيق ومذاكرة كتير ودروس طول اليوم وببقي عاوزة أنام علشان اقدر أواصل لتاني يوم دراسة وكذلك الأمر
_هايدي :ربنا يقويكي ويعينك ياارب علي حالك ويوفقك وينجحك ويحققلك كل أمنياتك
_آيات :أمين يااااااارب ياحبي وأوعدك يوم الخميس اللي جاي ده اسهر معاكي بكون الجمعة أجازتي وراحة حتي هبقي صابحة نايمة براحتي ياروحي
_هايدي :بجد حبيبتي مستنياكي أوعي تنسي
_آيات :حاضر حبيبتي عيوني ليكي
تصبحي علي خير
_هايدي :وأنتي من أهله حبيبتي ⁦❤️⁩
ونامت آيات واستقيظت لليوم التالي لدراستها
تتؤضا وتصلي وتذهب إلي مدرستها وكان يومها في الدراسة ضغط كبير عليها مواد وحصص كتيرة ومهمة ومن المدرسة عالدروس ولكن اليوم انتهي عليها بخير وتفوق وكانت إمتحاناتها أخر العام قربت خلاص وانشغلت كتير عن النت ولما تفتح تفتح للضرورة وللمذاكرة مع صحباتها البنات والمدرسين والمدرسات في جروب المدرسة بتاعهم وكانت هايدي تكلمها وتبعت لها رسائل كتيرة عالماسنجر وآيات لم تراها ولم تفتح وفي يوم من الأيام آيات فتحت الماسنجر صدفة ورآت رسائل هايدي إنهيار وعصبية وكلام كبير مؤلم فردت عليها آيات :
_هايدي:آيات فينك الحقيني أنا بموت
وتعبانة أوي ومحتاجاكي معايا
_آيات : حبيبتي مالك فيه ايه إهدي بس كده واتكلمي براحة وطمنيني عليكي مالك ياحبيبتي ⁦💜
_هايدي :الشاب اللي بحبه جاب أهله وجه اتقدم لبابا بس للأسف بابا مش موافق لانو مش بيشتغل بس أنا عاوزاه وبحبه وهو زعلان أوي ومن يومها مش بيرد عليا ولا علي تليفوناتي وزعلان مني كتير وأنا مش قادرة اتحمل بعده عني كتير كنت بحاول الإنتحار بس برجع وأخاف وأقول يمكن يكون في الأيام من نصيبي ويرجعلي من تاني حبيبي قوليلي اعمل ايه ياآيات أنا بموت كل يوم ألف مرة وحبيبي عني بعيد أنا بحبه أوي وبموت فيه ولولا إنك قولتيلي لا مااهربش معاه كنت هربت معاه واتجوزته وعشنا مع بعض أنا وهو بعيد عن أهله وأهلي وأي حد عاوز يقف في طريق حبنا وعشقنا احنا اللي بينا مش حب بس ده عشق وفوق العشق بمراحل كمان هموت علشانه ياآيات أنا لو مابقتش ليه ولا بقي ليا أنا هنتحر وأموت نفسي هأعيش في الدنيا لمين بعده
_آيات : حبيبتي ايه الكلام اللي أنتي بتقوليه ده
ماتزعليش مني كل ده كلام فاضي مالوش أي لازمة تنتحري ليه ايه في الدنيا يستاهل إنك تضيعي حياتك وتموتي كافرة وتخسري دنيتك وأخرتك ليه وعلشان ايه علشان واحد شاب زيو زي باقي كل الشباب وحب ايه ده اللي يخلي أي بنت تعمل في نفسها كل ده اسمعي كلام باباكي هو أكتر حد يعرف مصلحتك وبعدين اللي أنتي بتحبيه ده بطل يكلمك من يوم باباكي مارفضه يعني فكر في نفسه وكرامته وكبريائه ومافكرش يتمسك بيكي لحظة أو يتغير علشانك وعلشان يتقدملك وباباكي يوافق بيه يبقي أنتي تتنازلي عن نفسك وكرامتك اللي أهم منه واللي هو المفروض يعمل كده علشانك مش أنتي ياحبيبتي
نصيحة مني انسي الشخص ده وعيشي حياتك وافرحي وفرفشي واعملي أي شئ بتحبيه واشغلي نفسك بحاجات وأولويات مهمة في حياتك أهم من الحب والجواز وكل ده والأهم من كده خليكي مع ربنا وافتكريه دائما وصلي وادعيلوا بكل خير وبصلاح الحال دينك وحيائك وعفتك ورضا ربك وأهلك عنك أهم من أي حاجة ولازم تكوني غالية عند نفسك مش تنتحري وتخسري نفسك ربما تقابلي الشخص اللي يناسبك واللي أحسن منه وفي النهاية تفتكري كل ده وتكتشفي إنك كنتي ماشية ورا سراب
_هايدي :ياااااه يابت آيات عالكلام اللي يريح القلب
بقولك صحيح عاوزة أشوفك
_آيات :اشمعني يعني ياحبيبتي أصلي بتحرج شوية
_هايدي :ليه يابت تتحرجي ده احنا بنات زي بعض وبعدين أنا حبيتك من كلامك وذوقك وكلك ذوق ورقة كده فحاسة إنك بنت قمراية وجامدة عالأخر
_آيات:تسلمي يااارب 🤲🤲
_هايدي :طب سيبك من موضوع الصورة أنتي لابسة ايه دلوقتي وأنتي في البيت كده وبتكلميني وكمان احنا في الصيف والجو حر أكيد لابسة صيفي بقي
_آيات :عادي ياحبييتي لابسة بيجامة نص كم
_هايدي :بيجامة ايه يابت أنتي مش عايشة في الموضة ولا ايه عارفة بقي أنا لابسة ايه دلوقتي
وفجأة هايدي بعتت لآيات صورة بنت غير محترمة ولابسة صيفي عالأخر وعريان والصورة غير لائقة
_آيات :أول ماشافت الصورة انصدمت وسكتت ولم ترد من شدة إحراجها وكسوفها وحذفت الصورة
_هايدي :هااااااا ايه رأيك فيا بقي بذمتك مكنة صح
_آيات : حبيبتي أنا ماشوفتش الصورة أصلا ومسحتها أول ماوصلت لاني مش بحب أشوف الحاجات دي ولو سمحت ماتبعتيش حاجة ليا من النوع ده تاني لاني زي ماقولتلك كذا مرة
بتحرج واتكسف
_هايدي :سوري ياقلبي من ثقتي فيكي وحبي ليكي وعاوزاكي أنتي كمان تثقي برده فيا وماتخافيش أبداً
_آيات :طب ياحبييتي هقفل بقي دلوقتي لاني تعبانة وعاوزة أنام علشان اقدر اصحي أصلي الفجر وأذاكر وورايا مذاكرة كتير ياحبييتي تصبحي علي خير
_هايدي :وأنتي من أهله ياقلبي بس أوعي تكوني لسه زعلانة مني أنا أسفة ليكي ولله وأوعدك مش هزعلك تاني في أي حاجة تمام حبيبتي احنا إخوات
_آيات :لا ياحبيبتي مش زعلانة حصل خير خلاص
لا إله إلا الله
_هايدي :سيدنا محمد رسول الله
وقفلت معاها آيات واتضايقت أوي من المحادثة ولكن كبرت دماغها ونامت والتفتت لحالها ومذاكرتها ومرت الأيام وحان وقت ميعاد الإمتحانات وآيات كانت كل يوم ترجع من إمتحاناتها سعيدة ومبسوطة لأنها تجاوب بكل ثقة وتفوق وعند المراجعة لاتجد غلطة لها وانتهت الإمتحانات علي خير وآيات نتيجتها ظهرت ونجحت بتفوق ودرجاتها عالية وطالعة الأولي علي مدرستها وكانت في منتهي السعادة والفرحة وفتحت النت ونشرت بوست لنفسها يعبر عن فرحتها بنجاحها وباركو لها مدرسينها ومدرساتها وصحباتها بنات عالنجاح وبيباركوا كلهم لبعضهم ونشرت بوست أخر مشترك بينها وبين صحباتها البنات المتفوقين وناجحين مثلها وعلقت لها هايدي وكلمتها ماسنجر وباركت لها وطلبت منها يتكلموا طول الليل ويسهروا مع بعض عالنت إحتفال بنجاحها ولأنها كانت واحشاها كتير طول فترة الغياب وكده كده آيات بقت في الأجازة مافيش وراها مذاكرة ولامشغوليات وأصبحت رايقة وفاضية
_هايدي :قلبي ألف مليوووووون مبروك نجاحك وعقبال الثانوية العامة والكلية يااارب كده
_آيات : حبيبتي الله يبارك فيكي تسلمي ياارب
_هايدي :وحشتيني ابت
_آيات :وأنتي كمان ولله
_هايدي :آيات فيه سر مخبياه عنك بقالي فترة كبيرة من أول ماعرفنا بعض وجه الوقت المناسب إني أعترفلك بالسر ده
_آيات :خير حبيبتي اتفضلي
_هايدي:أنا مش بنت ياآيات ولا اسمي هايدي وكل حكاياتي اللي كنت بحكيها ليكي كانت كذب أنا ولد
_آيات انصدمت صدمة كبيرة ومابقتش مصدقة نفسها ولا الكلام اللي بتقرأه وسكتت ولم ترد
الولد أحس بسكوتها وأرسل لها رسالة أخري يقول :
آيات أنتي روحتي فين معايا ولاايه
_آيات :يعني ايه اللي بيحصل ده يعني الفترة دي كلها كنت بتكلم مع شاب من غير ما أعرف
_الولد :أيوة ياآيات سامحيني أنا أسف أنا ندمان ولله وبالأكتر لما لقيتك إنسانة محترمة وعارفة ربنا وبتخافي منه وبتعملي حسابه في كل خطوة بتمشيها أنا أصلا كنت دائما بحب اتسلي عالنت واتكلم مع بنات علي إني بنات زيهم وكانت البنت منهم تتكلم معايا في أي حاجة سواء حاجة محترمة أو حاجة غير محترمة وفيه اللي كانت تبعتلي صورتها بلبس البيت وفيه اللي كانت تطاوعني علي كلامي سواء صح ولاغلط حلال ولا حرام وكنت اتكلم في الأول مع البنت منهم علي إني بنت زيها وأعرف كل حاجة عنها بتحب ايه وتكره ايه وكده وفي النهاية ارجع من بروفايل تاني اكلمها بشخصيتي من غير ماتعرف إني كنت نفس البروفايل اللي بيكلمها بشخصية بنت ويتكلموا معايا عادي لحد ماازهق منهم وأشوف غيرهم
_آيات:أه طب وكنت بتستفاد ايه من كده يعني
_الولد :اديني كنت بضيع وقتي واتسلي وخلاص
_آيات:وأنتا ايه كان اللي بيضمنك إنهم بنات أصلا مش يمكن كانوا ولاد زيك وبيعملوا بروفايلات بنات
_الولد :لا ماأنا كنت ببقي عارفهم معايا في مدرستي وكليتي وبيبقي لينا جروب نذاكر كلنا عليه فكانت البنت اللي تعجبني كنت اغير بروفايلي واعمل بروفايل لكده واكلمها وفي الأخر الاقيها بنت أي كلام
_آيات :بس أنتا لاتعرفني ولاأنا أعرفك ايه اللي خلاك واثق بقي إني بنت
_الولد :إحساس بروفايلك بوستاتك عجبوني دخلت وكلمتك واتاكدت من طريقة كلامك وشخصيتك وكنت بختبرك في كل الكلام اللي بقوله ليكي والاقيه كلام جميل وأول مرة اسمعه وأشوفه من بنت في زمنا ده بقيت مستغرب إزاي لسه فيه بنات طاهرة ونضيفة كده وبيكونوا بالبراءة دي رغم إني ماشوفتكيش ولما طلبت منك صورتك وأنتي رفضتي كبرتي في نظري أوي وبالأكتر لما لاقيتك اتضايقتي من الصورة اللي بعتهالك علي إنها صورتي دي صورة جبتها من عالجوجل كده علشان تصدقيني وتبعتيلي صورتك بس أنتي كنتي صامدة وعند رأيك وشخصيتك علشان كده كبرتي في نظري كتير
_آيات:طيب عموماً ماتتكلمش عالبروفايل ده تاني ولاتفكر تكلمني من أي بروفايل لاني هعملك بلووك
_الولد :ليه بس كده ياآيات بقي ده جزات صراحتي ليكي هتخليني أندم إني صارحتك ليه من الأول وماقدرتش أتحمل إنك تفضلي مخدوعة فيا
آيات :كده لاني ماينفعش أتكلم مع ولاد أصلا أنا بستخدم النت لمذاكرتي وأتكلم مع صحباتي البنات والمدرسين والمدرسات علشان جروب دراستنا والإستسفار عن أي حاجة في مذاكرتنا وبابا وماما عارفين كده وواثقين تماماً فيا وعمرهم مابيسألوني علي حاجة ولا يدخلوا في حريتي وحياتي من شدة ثقتهم الزيادة ليا يبقي أنا في النهاية اجي اكافئهم واتكلم مع ولاد عالنت واعمل شئ يغضب ربنا قبلهم وازعلهم مني واضيع الثقة اللي هما ادهولي لاطبعا وبالفعل عملت آيات بلووك للولد ودخلت في نوبة بكاء شديدة من صدمتها وخوفها أحسن تكون غلطانة لما اتكلمت مع ولد عالنت لفترة طويلة حتي لو كان غصب عنها بدون علم وانهارت كثيرا تبكي وتبكي حتي وقعت أغمي عليها في الأرض لساعات قليلة من الليل وأفاقت علي صوت آذان الفجر وكانت تفوق ببطئ وتحس بدوخة ولكن حاولت أن تتمالك أعصابها ونفسها لتقوم تتؤضا وتصلي الفجر وتدعي ربها أن يسامحها ويكفيها كل شر وبالفعل فعلت ذلك وفتحت النت ونشرت بوست أنها سوف تقفل حسابها نهائياولم تفتحه ولاتستخدمه تاني وقالت لصحباتها ومدرسينها ومدرساتها أنها سوف تتواصل معهم واتس لانو خاص ولا أحد يستطيع الدخول أو التحدث مع أحد دون معرفة رقم فونه وقررت آيات أن ترتدي النقاب وتلتفت لمذاكرتهاولحياتها وصلاتها والتقرب من ربنا أكثر وأكثر ونسيان أي شئ يزعلها
وبالفعل ارتدت آيات النقاب واستمرت في قرارها التي أخذته بينها وبين ربها ونفسها وبقت تستغل أجازاتها الدراسية في الندوات الدينية والصلاة في الجامع وتعليم قرأءة القرآن الكريم وعلومه وبالتجويد وأصبحت تتقنه جيداً وكان الله يزيدها من علمه أكثر وأكثر
___________________________________
_انتهي الإسكريبت وياااارب يكون عجبكم وانتظروني في الجزء الثاني منه إن شاءالله رأيكم بكل صراحة وتفاعلكم وتشجعيكم معايا دائما
تفاعل حلو كده يا قمرات زيكم
بقلم الكاتبة"أية علي"