الفصل الثامن
بعد رحيل احمد من المكان الموجود به قمر ذهب الي قصر المنساوي لانه علم بموجود امه علي الجزيرة اسرع حتي يعلم لما هي موجوده فهي لا تاتي الا لوجود مصيبه او تحضر لمصيبه كما هي دايما فهي لا تتغير
احمد وهو يركب عربيته :ايه اللي جابك اكيد في مصيبه هتحصل قريب
في نفس الوقت في قصر المنساوي
نجلاء :هو في ايه يامنصورة هو ايه اللي بيحصل من وراء ضهري
منصورة :متخافيش يانجلاء هتكون حاجة هتفرحك قووي
صقر :هو في حاجة بتاجي منك وبتفرح حد
منصورة :انا طول عمري بفرح اللي بيسمع كلامي ياصقر وانت عارف كده كويس والا ايه
احمد وهو يدخل مرة واحدة
احمد بابتسامة كله سخرية :وانا بقول الجزيرة اتقلبت ليه فاكيد علشان ستات عيلة المنساوي هنا ممكن اعرف ايه سبب الزيارة دي
نجلاء :اخس عليك ياابن اخوي دي حمد لله علي السلامة
احمد بسخرية :حمد لله علي السلامة
منصورة :اهلا يااحمد باشا ايه مش عاوز تسلم علي امك كمان
احمد بسخرية :لسه فاكرة انك ام وليكي ناس تسالي عليهم
منصورة :طول عمري فكركم ودايما الاخبار بتواصل ليا ودايما علي أتصال مع ابوك وعارفه اخباركم خطوة خطوة ....وهي تنظر لاحمد نظرة كله غموض :تحب اقولك انت كنت فين دلوقتي ومع مين وكنت بتعمل ايه كمان
احمد بتوتر ولكنه يحاول ان يغير الموضوع نظر لابوه نظرة كله غضب :تقصدي بتدي الأوامر وهو يسمع واحنا نفذ صح يامنصورة هانم
منصورة بضحك وهي تجلس علي الكرسي :طول عمري الكلمه اللي انا بقولها سيف علي رقبة الكل... ثم تنظر للجميع :علي الكل حتي لو كان مين
احمد وهو يضحك :الكل الا انا فاهمة
ثم يترك المكان ويصعد لغرفته
منصورة وهي تنظر لمكان احمد :لازم يااحمد تكون تحت ايدي لازم وهخليك بس الاول في كام حاجة لازم تحصل انت خلاص بقيت كارت محروق بس ممكن اعاوزك بس ساعتها هتراضي غصب عنك بس لازم الضربة التانية ابعتها لعيلة الحديدي لازم الهدية تكون حلوه بمناسبة رجوع منصورة الجزيرة
اما في مكان اخر
كان رعد وزين في العربية
رعد يضرب مقدمة العربية :انا هخلي كل واحد يدفع التمن غالي بس ارجع قمر الاول وهيشوفوا
زين :وانا معاك بس اول حاجة لازم نشوف قمر لازم ترجع تفتكر مين عمل كده
رعد وهو ينظر للطريق :هيكون مين غيرهم يازين هو في حد يقدر يعمل كدا غيرهم
