الحلقة 4 مروان دخل لدار مغشش من لي دارو خوه سقسا يماه وينو خوه قاتلو راهو في شامبرتو دخل مروان وخبط لباب محمد : وش تبغي واخرج من شامبرتي مروان : منحبكش زيد تقرب ليها محمد: من نيتك خو منزيدش نقرب ليها هذيك كانت ليا مروان : كانت معاك وحبيبتك بصح ضك منحبش نزيد نشوفك معاها وراح لشامبرتو من جيها اخرى الهام فطنت علا صوت عماد الهام: صباح الورد بابا حبيبي عماد: صباح النور كي صبحتي بنتي لغالية الهام: غاية راني في نعمة ونتا يانور عيوني عماد : الحمد لله وينها.ايا اوقفي وجدي روحك باه تروحي لشركة الهام : اك بابا حبيبي خرج عماد من لبيت ديالها وهي راحت دوشت ولبست سروال نوار معا بودي بلونش وطلقت شعرها ونزلت تفطر عماد: عبالك شكون لي عقدتي معاه الاجتماع الهام: هههه نعرف عليه غير اسمو عماد : اسمو مروان وهو صغير فلعايلة ويكون ولد سليم(سليم خو عماد) الهام حست دنيا دارت بيها كلام بوها كان صدمة بالنسبة ليها خرجت من لبيت بلاما تحكي اي كلمة (الهام عايشة مع بوها . وعندها اخ واخت عايشين معا امها /تكره امها لاسباب من بعد نعرفو لاه تكرها/
أنت تقرأ
كرونيك جديدة بعنوان: ❤ انت_قدري❤
Fanfictionكرونيك بعنوان : انت قدري❤ #منقولة يوم بعد يوم حياتي تتبدل مرة بفرحة ومرة بدموع مرة نتعذب ومرة نحس دنيا فرحتلي 😢💔 قاعدة فلبيرو ديالي ونخمم وش مزالت مخبيتلي دنيا هذي خسرت بزاف ناس غالين وعزاز عليا اه ياربي شريط حياتي فات عليا . حياتي كانت عذاب مي ع...
