كرونيك جديدة بعنوان: ❤ انت_قدري❤

الحلقة9

الحلقة9 مروان انزلي تشري وش راكي باغية تشري ردتلو وصوتها مبحوح منشريش بركيت غير امشي ضحك مروان وقال بصوت منخفض مكاش فرق بينك وبين طفلة صغيرة الهام: وش راك تهدر مسمعتش وتخنزرت فيه🙄 مروان : هههه متسمعيش خير ريحي هنا ضك نجي الهام: نن متخلينيش وحدي اديني معاك مروان : وين نديك قتلك ريحي عاقلة ومنسمعش حسك راح جابلها غزل البنات ورجع لقاها تخزر فيه قبل ما يمدولها قاتلو الهام اييي ماغسي ربي يخليك مروان وشكون قالك بلي جبتلك غزل البنات ليك الهام : هه ماغسي بركيت منوكش خلاص حطهملها توالها وقالها نقسر معاك برك متزعفي موالو الهام: منوكش خلاص شبعت من كلامك مروان تزعفي بلخف زي ولاد صغار ضحكت معاه وقاتلو مغسي مكنتش عبالي كمل يسوق ويخزر فيها كيفاه راهي توكل من بعد قال استغفر الله وش هذا الشعور لاه راني نخزر فيها بطريقة هذي نزل عينيه وبقا يستغفر بيسك هو صح مش سلفي بصح مدين ومتربي مشاو نص نهار وصل وقت لغدا قاتلو معليش نروحو نتغداو انا مفطرتش وجعت مروان :اك نزلو تغداو فمطعم ومن بعد كملو طريقهم وصلو للبلاصة لي يديرو فيها الاجتماع قالولهم بلي لي يعقدو معاه صفقة مجاوش لغدوة باه يجيو الهام:اووووووف وش زهر هذا لي عندي مروان معليش روحي ترقدي راكي تعبتي من طريق ومن بعد نحكو علا لخدمة