"الفصل الرابع عشر"
مجهول2:
-ايوه يا معلم الي يخصك مينفعش حد يقرب منه حتي
نظر المجهول1 في غرور:
-هههه عفارم عليك يا واد هو كده الكلام الصح
"في المستشفي"
( دخل الجميع غرفه ادهم وكان الجميع يدعوا ربه علي سلامته)
جلست تيا بجانب ادهم:
-ادهم حمدالله علي سلامتك
نظر لها ادهم بعيون عاشقه:
-الله يسلمك يا تيا
ليلي ببكاء من الفرحه:
-كده يا ادهم تخضنا عليك يعني لو كنت موت من الخوف عليك كنت هتتبسط
اقترب حسين منها بحب:
-بعد الشر عليكي يا احن قلب المهم كلنا بخير وان شاء الله نعرف مين السبب في كل ده
"في غرفه عشق بالمستشفي"
عشق وهي تمسك رأسها وقد بدأ يختل توازنها:
-انا مصدعه قوي
(وفجاه كادت أن تسقط ولكن يد ما امسكتها)
مراد بخضه:
-عشقققق مالك
عشق بابتسامه صغيره:
-معرفش دايخه وعايزه اروح اشوف ادهم هو بخير صح
رد مراد سريعا:
-ايوه بخير وكلنا حواليه ورقم العربيه جبته متقلقيش انا جنبك
نظرت عشق للأرض:
-اسفه تعبتك معايا
رفع مراد رأس عشق مواجه له:
- لما تحبي تتكلمي معايا تبصيلي متبصيش علي الارض لان وكاد أن يكمل
ترجل مازن داخل الغرفه :
-عشق ادهم طالب يشوفك
ابتعدت عشق بسرعه عن مراد :
-حاضر جايه وترجلت خارج الغرفه مع مازن
شرد مراد:
-قريب هتكوني ليا يا عشقي ليا انا وبس لو تعرفي حبي ليكي قد اي مش هتصدقي
"في فيلا السيوفي"
أمسكت شريهان الهاتف:
-الو ميرو انت فين وحشتني، هتيجي امتي
ومال الي اسمها عشق دي
اها اوك
ثم أنهت المكالمه
لمحت جميله شريهان عليها الغضب:
-مالك يا شاهي
شاهي بضيق:
-مراد قال اي شويه وجاي لما يتطمن عليهم كلهم ينفع كده يعني يا طنطي جي جي
ملست جميله علي شعر شاهي:
-معلش يا حبيبتي استحملي مراد بيحبك
نظر زين لجميله ببرود:
-ميرو مبيحبش حد
شاهي بعصبيه:
-انت مالك بيا يا زين معرفش اي ده
اخرج زين لسانه:
-هنشوف ياشوشه
"نرجع للمستشفي في غرفه ادهم"
ليلي بقلق شديد:
-ها يا ادهم حاسس بي اي
ادهم وهو يتكلم بصعوبه من التعب:
-متخافيش يا ماما انا كويس والله
حسين بكل فرح:
-مقلقيش يا ليلي ابنك بطل وهنخرجه بكره وانتو روحوا وانا هبات هنا معاه
