البارت 34💗
"في الفندق"
رن هاتف عشق وهي في بوفيه الفندق ردت وهي تأكل:
-الوو مراد
مراد:
-هنا وهناك برضه اكل هههه هتتخني وتبقي بطه
عقدت حاجبها:
-وماله البط يا سلام انت فين
مراد بحب:
-حد قال حاجه هو في احلي من البط ده لو بقيتي بطه هحبه اكتر انا داخل عليكي اهو
رفعت عشق يدها وشاورت له:
-شوفتك انا اهو تعال وهات معاك ليا طبق فروت سلاط
كتم مراد ضحكته:
-احم اكيد دي التحليه بقي
عشق:
-هات وانت ساكت ويلا متتاخرش
مراد:
-حاضر حاضر
وذهب الي البوفيه
*****************
"في احد مدن صعيد مصر التي تطل علي النيل فهي مدينه مصريه تلقب باسم عروس الصعيد (المنيا)"
"ترجلت عنود هي وعمر ومحمد الي منزل أهل والدتها لا يقل علي القصر بشيء"
اقتربت منها سيده في منتصف السبعين من عمرها ملامحها كملامح والدتها وحضنتها:
-اتوحشتك جوي يا بنت الغاليه انا ستك صفيه
شعرت عنود بالدفيء لاول مره بعد وفاه والدتها التي كانت احن شخص عليها بادلتها الحضن:
-حضرتك شبه ماما اوي
صفيه:
-ايوه يا روحي انتي نفس روح امك نفس
رد احمد خال عشق ووالد عمر:
-سيبيها ترتاح شويه يا امي
"ونادي علي الخادمه تأخذ الحقائب وعنود الي غرفتها التي كانت غرفه والدتها"
صفيه:
-يلا يا بنتي اطلعي غيري خلجاتك علشان تاكلي زمانك علي لحم بطنك
"ترجلت عنود مع الخادمه الي غرفتها وكانت غرفه في غايه الجمال والرقة فكانت بذوق والدتها"
الخادمه:
-خدي راحتك يا ست الهانم ولو عوزتي اي حاجه انا موجوده
*****************
"في حديقه الخلفيه لفيلا السيوفي"
جائت رساله من رقم مجهول:
-(وديني لاطلع الي عملته فيا في اقرب حد ليك يا ابن السيوفي)
اغلق مروان هاتفه بعدم اهتمام ثم رن هاتفه من رقم مجهول
ردت وصمت عده دقائق:
-...............
الطرف الآخر:
-الو يا بشمهندس مروان انا عنود سكرتيره حضرتك
زفر مروان بارتياح:
-الو اهلا عنود اخبار (البقاء لله والدوام لله) والله لو اعرف في ساعتها كنت جيت بس انا لسه عارف من الشركه
دمعت عنود:
-(ونعم بالله)ولا يهمك يا بشمهندس علي العموم انا بطلب من حضرتك اسبوع اجازه لحد ما ارجع من البلد
مروان:
-مفيش مشكله وقت ما ترجعي سواء بعد الاسبوع تيجي الشركه في اي وقت مكانك زي ما هو هيفضل
عنود:
-شكرا جدا ليك
اغلق مروان الخط بعد أن شعر بشعور غريب
