البارت 36.....
"في قصر سليمان المهدي"
لمح عمار عنود واقفه في الشرفه تبكي...
لوح لها بيده:
-هالوووو
ابتسمت له عنود ابتسامه بسيطه ودخلت الي الغرفه دون أن تنطق بكلمه
عمار في سره:
-مالها مش مظبوطه ابدا لازم اروح اشوف في ايه
وترجل نحو الغرفه وطرق الباب
جففت عنود دموعها:
-اتفضل ادخل
دخل عمار وهو يتغزل بها:
-القمر ماله مظهرش انهارده حد مزعلك اقتلهولك
ظلت عنود ناظره للجهه الأخري:
-لا مفيش عادي تعبانه شويه
عمار:
-الف سلامه اسيبك بقي ترتاحي ولو احتاجتي اي حاجه انا موجود وخرج خارج الغرفه
**************
"في احد المستشفيات"
كان مراد جالس علي الارض واضع رأسه بين يده:
-استر يارب ربنا يقومها بالسلامه بس لازم انتقم منها برضه
خرج الطبيب من غرفه العمليات ونظر الي الارض في حزن:
-................
مراد:
-خير فيها ايه
رد الطبيب بكل حزن:
-المريضه عندها كانسر ولازم تبدأ تاخد كيماوي وتركه
نزلت هذه الجمله علي مراد كالصاعقة:
-يعني خلاص هفقدها لا يمكن تروح مني لا
عقله:
-ايه الي مزعلك يعني يا مراد ماانت كده كده هتنتقم منها
قلبه:
-اسكت انت يا اس المصايب ما يمكن سوء فهم حصل وهي ملهاش ذنب
عقله:
-طلاما في دليل يبقي ليها ذنب
****************
"في مطار القاهرة الدولي"
كان حسين وعهد وليلي يودعوا ادهم وتيا:
حسين:
-خلي بالكم من نفسك اول مره تتغربوا بعيدنا
عهد:
-افتكرنا بقي يا دومي بحاجات من انجلترا وابقي ابعتلي زياره
ادهم:
-هههههه أن شاء الله يا ستي
ليلي وهي تحتضنهم:
-توصلوا بالسلامه اول ما توصلوا تتصلوا تطمنوني
رد كلا من ادهم وتيا:
-حاضر من عنيا يا ماما
وترجل كلا منهم الي داخل المطار
*************
"في قصر المهدي في غرفه عمار"
سمع عمار صوت دق الباب:
-ايوه ادخل
دخلت عنود الغرفه وهي في قمه حزنها:
-ممكن اتكلم معاك شويه في حاجه مهمه
اعتدل عمار في جلسته:
-ايوه اتفضلي تعالي اقعدي انتي اصلا متغيره من مده كده
عنود:
-ممكن تساعدني اطفش من هنا ارجوك لازم امشي من هنا
عمار:
-مينفعش ابدا يا بنت عمتي ده كان اخوالك قتلوكي
عنود:
-يقتلوني مبقتش فارقه عايزه امشي هتساعدني ولالا
عمار:
-حاضر عايزه امتي
عنود:
-انهارده الفجر المهم قبل بكره اكون ماشيه
عمار:
-عمار حاضر بس ليه
عنود:
-هتعرف قريب متستعجلش
*************
"في فيلا السيوفي"
زين:
- يا بابي بقي عايز اروح مصيف وانا اخترت خلاص الفندق
فريده:
-وماله يا مروان نروح كلنا
مروان:
-عندي شغل مهم جدا يا جماعه ليه مش مقدرين
دخل مختار علي كلامهم:
-اسمع كلام فريده وزين وروحوا غيروا جو وعلي الشركه انا موجود وقصي معايا متحملش هم
مروان بعد تفكير:
-موافق جدا بس عايزين امتي
زين:
-انهارده وانا هروح اجهز شنطتي مع الداده وطلع يجري
فريده:
-ههههه طب اروح انا بقي اجهز شنطنا
مروان:
-تمام جهزوا جهزوا نعمل ايه بس فيكم ثم زفر في ضيق
تسأل مختار بدهشه:
-مالك
ضحك مروان باستهزاء:
-قال ايه جايلي رساله تهديد
مختار:
-ده الي هو ازاي يعني
مروان:
-والله معرفش مصيرنا نعرف مفيش حاجه بتفضل علي حالها
*********
خلص البارت يلا سلكوا بيه لحد ما تبقوا تزودوا التفاعل ابقي اطول البارت 😒❤️
