"الفصل التاسع والعشرون"
"في منزل عنود"
خرج الطبيب من الغرفه:
=............
اقتربت عنود بخوف من الطبيب:
-طمني يادكتور ماما بخير صح مالك ساكت كده ؟!!
رد الطبيب بكل حزن:
-البقاء والدوام لله
"شعرت عنود انها فقدت كل الاشخاص التي تحبها في حياتها وأصبحت وحيده في هذه الدنيا بين الذئاب والوحوش ولم تشعر بنفسها غير وهي فافده الوعي"
امسك بها عمر
-عنووووود فوقي يا حبيبتي ثم حملها ووضعها في غرفتها
*************
"في مقر عمل مراد"
سلم مراد الملف الي اللواء:
-اتفضل يا فندم قريته وهظبط انا بقي كل حاجه وهنسافر الجمعه بليل أن شاء الله
اللواء:
-ان شاء الله تقدر تتفضل
ترجل مراد خارج المكتب بكل غرور ثم أمسك بالهاتف:
-الوو عشق حدود ربع ساعه واكون تحت المستشفي هرن تنزلي اول ما اوصل تمام
ردت عشق بكل حب:
-تمام الحق اجهز بقي
مراد:
-اشطا اجهزي
ثم ترجل عند أحد محلات بيع الورد واشتري بوكيه ورد خيالي وتوجه نحو المستشفي الخاصه بالقوات المسلحه
وقفت عشق أسفل المستشفي:
-انت اتاخرت ليه انت قولت ربع ساعه يا مراد
أقترب مراد منها ووضع يده علي فمها بعشق:
-هششش اسف واعطاها الورد يلا اركبي عازمك علي الغدي انهارده
ظلت عشق تحت تأثير الصدمه عده دقائق:
=...........
فتح لها مراد الباب:
-يلا يا عشق واقفلي بوقك بدل ما تبلعي دبانه وضحك ضحكه رجوليه
خبطته عشق في يده:
-يععععع مقرف والله يلا بينا وركبت السيارة
****************
"في الشقه الخاصه بتيا وادهم"
امسك ادهم بكوب الماء:
-كفايه بقي انهارده أنا تعبت اوي اقعدي اقعدي
جلست تيا بجواره:
-لازم نخلص الشقه انهارده يا ادهم الفرح بعد بكره مفيش وقت لسه نفرش وخلاص
اخذ ادهم الهاتف:
-الوووو عشق ما تيجي تساعدينا في الشقه علشان نلحق نخلصها
عشق:
-رايحين نتغدي مراد عازمني علي الغدي
ادهم:
-يلا يا عشق وهنطلب اكل هنا اسمعي الكلام والله تعبت اوي
عشق:
-تمام هقول لمراد ونشوف
ادهم:
-مفيش الكلام ده قال نشوف قال اديني مراد وانا أكلمه مفيش منك منفعه اعوذ بالله عليكي بومه يا سعديه
ضحكت عشق بصوت مرتفع:
-ههههه بس يا عبيط
رفع مراد حاجبيه:
-بتكلمي مين يا عشق وبتضحكي اوي كده
اعطته عشق الهاتف:
-ادهم عايزك
تمام هنيجي مسافه الطريق بس يلا باي
عشق:
-هنروح؟!
بدأ مراد في السواقه:
-ايوه لازم نروح نساعدهم مفيش وقت اصلا لازم كل حاجه تخلص
شبكت عشق يدها:
-اممممم تمام للي تشوفه
امسك مراد بيدها:
-تتعوض يا عشقي اسف
عشق:
-ولا يهمك يا روح عشق تتعوض في مره تانيه عادي
**************
"في فيلا السيوفي"
ترجل مختار بعصبيه:
-اي الي انت عملته ده في الاول والاخر يبقي حماك علفكرا لو ناسي
رد مروان بكل برود:
-حمايا مش يكون واحد زي ده ده شخص قذر حرامي والله حرام العيشه فيه الموت ارحم لينا وليه
وقفت فريده بكل عصبيه ومسحت الدموع المنهمره علي خديها:
-مروااااان احترم نفسك لحد كده وكفايه ده بابا برضه
أقترب مختار من مروان:
-قوم معايا علي المكتب عايزك ضروري
ترجل مروان مع مختار:
-حاضر يا بابا
-
-
خلص البارت تحبوا ننزل كل كام يوم واي توقعاتكم بقي اي الورقه الي عنود مضت عليها وهتعمل اي بعد موت امها واي مصير رأفت الصياد ومختار عايز يقول اي لمروان انتظرونا البارت الجديد 🥳
وهكمل فيس عملت صفحه ليا الي عايز اللينك يبعت في الكومنتات
وده لينك الواتباد❤️❤️
https://www.wattpad.com/story/254288925?utm_source=android&utm_medium=link&utm_content=story_info&wp_page=story_details_button&wp_uname=ShahdMohamed358772&wp_originator=7LSC2JFCXSu0N6qzJRwEeUudpT1%2BEHyGc00LNXT%2FKvnbY5%2Ft4bg7rCh9aYOVutveyNraxguOfxYaruy89gA6cNceP4yj80Y1EyyzzeKpfk2ZBVMPZ9nLGDySXSHkaRCQ
