في القصر نزلو كلهم تحت ويزن رن علي أسر راحله
وأسر وصل
يزن : انا جمعتكو كلكو هنا علشان موضوع مهم
امال : خير يابني قول.
يزن : انا قررت اتجوز و كتب كتابي كمان تلات ايام والفرح بعد اسبوع من دلوقتي
امال : الف مبرووك يا حبيبي مين دي بقا و اسمها اي
يزن : نيره اسمها نيره
شاهي : اوعي تكون نيره إلى في بالي
يزن : ايوه هيا نيره عامر
شاهي : الف مبروك يا حبيبي
حازم : يزن بخصوص موضوع مريم انا عاوز اتجوزها وفرحي يبقا معاك وكتب الكتاب معاك
يزن : مفيش مشكله هجهز كل حاجه
زين : انا كمان عاوز اتجوز
شاهي بصتله نظره متفحصه
يزن : انتو كلكو عاوزين تتجوزو معايا ولا اي
زين : اه مليش دعوه
يزن : مين
زين : شاهي
يزن : شاهي مين
زين : ابوس ايدك مش وقت غباء عاوز انتجوز شاهي اختك
شاهي خجلت وبقت زي الطماطم
يزن قعد حط رجل على رجل : هفكر وارد عليك
زين : انت حبيبي يا يزن مش هتعمل فيا كده هتخليني تخلل جمبك
كلو ضحك عليه وشاهي هتموت خجل
يزن : خلاص يبقا كتب الكتاب معايا انا وحازم والفرح معانا بردو
أسر بتوتر : يزن
يزن بنفاذ صبر : خير منتش عاوز تتجوز انت كمان
أسر بتردد: عاوز اتجوز
يزن : ها ومين تعيسه الحظ
أسر بندفاع : ميار بنت عمك
زين : اختي
أسر : ايوه اختك
زين قعد حط رجل على رجل وقعد : هفكر وارد عليك
كلو ضحك على الموقف علشان عمل شكل يزن
أسر : ابوس ايدك واللهي هخلي يزن يرفضك
زين بمزاح : لا وعلى أي الطيب احسن
أسر : حبيبي واللهي
زين بجديه : مبدئيا انا معنديش مانع علشان مش هلاقي احسن منك لاختي بس هتكلم معاها واشوف رأيها اي وارد عليك ولو وفقت هيبقا خطوبه بس لحد ما تخلص السنه دي اي رايك يا يزن
يزن : وانا معنديش مشكله ومش هلاقي احسن من أسر لميار
أسر : اكتبو الكتاب معاكو والنبي علشان متعاملش مع بعض برسميه
يزن : موافق بس نشوف رأيها الأول
أحمد بمزاح : صدق الي قاال الله بتدور على غطاها انت وميار نسخه واحده نفس التفاهه والرخامه
أسر : وانت متغاظ ليه ولا علشان انت الوحيد الي لسه متجوزتش
أحمد : عليا النعمه بارد
الكل ضحك عليه
امال : الف مبروك يا حبايبي ربنا يتمملك بخير يارب
الكل : يارب
_____________________________________
طلع حازم وزين عند اوضه ميار وزين خبط على الباب فتحت ميار
زين : ازيك يا حبيبتي عامله اي
ميار: كويسه يا ابيه
زين : تعاي معايا هنتكلم شويه
ميار لمريم : خمس دقايق وجايه يا مريم متتحركيش من هنا
اومآت مريم برأسها وهيا مش باصه ناحيتها وخد زين ميار وراحو اوضته
ودخل حازم الاوضه عند مريم
حازم : ازيك يا مريم عامله اي دلوقت
مريم : كويسه
حازم : يارب ديما
مريم : يارب
حازم بجديه : كتب الكتاب هيبقا كمان ٣ ايام والفرح كمان اسبوع كده كويس
مريم : بس دا بدري اووي
حازم : ولا بدري ولا حاجه
مريم بندفاع : انت هتتجوزي ليه يا حازم لو يعني علشان مليش حد وانك شفقان عليا فملوش لزوم الجوازه دي مش لازم تخصب نفسك على حاجه
حازم : انا مش هقولك غير الكلام الي انتي بتقولي دا كلام فارغ واذا كان انا متجوزك ليه فدا علشان بحبك وسابها ومشي
ومريم فرحت جدا من جواها انو بيحبها وزعلت انها زعلته
______________________________________
عند زين في الاوضه
زين : بصي يا حبيبتي انتي كبرتي وبقيتي ماشاء الله جميله و كل بنت بيجلها يوم وتتجوز
وانتي جيلك عريس وهوه حلو واحنا عارفين كويس
وانتي كمان عارفاه
ميار : انت زهقت مني وعاوز تجوزني ولا اي وبعدين انا لسه مخلصتش دراسه
زين : عمري ما ازهق منك يا حبيبتي وبعدين القرار قرارك وبعدين مش لما تعرفي هوه مين الاول
ميار : مين يا ترى
زين: أسر نعمان
ميار بتسرع : بجد أسر صاحب ابيه يزن
زين بضحك : ايوه
ميار بخجل : إلى تشوفه يا ابيه
زين بضحك وهوه يقلدها : إلى تشوفه يا ابيه مفكرني اهبل يا بت على العموم كتب الكتاب هيبقا كمان ٣ ايام معايا انا ويزن وحازم والشبكه هتبقا مع الفرح بتاعتنا كمان اسبوع
ميار : انتو هتتجوز
زين : ايوه
ميار : اكيد شاهي
زين بضحك : هوا انا كان باين عليا اووي كده
ميار بضحك : دا انتو الاتنين مش انت لوحدك
زين بابتسامه :بجد
ميار وهيا قايمه : ايوه بجد انا هروح اوضتي
زين وهو بينام على السرير : اووك
وفضل يفكر في محبوبه لحد اما ناام
______________________________________
وكل واحد فضل يفكر في محبوبته لحد اما ناام
______________________________________
تابعونا علشان تشوفو الأحداث الجديده
وايه يا ترى خيفضلو مبسوطين كدا ولا اي إلى هيحصل هيشقلب حياتهم
بقلمي shahd okasha
_____________________________
بليز يا جماعه فلوو لللاكونت وتصويت لكل جزء والناس الي متبعاني كومنت علشان اعرفكو يا حلوين 😊❤️❤️
أنت تقرأ
اسياد العشق
Misteri / Thrillerروايه اسياد العشق (الجزء الأول ) بقلمي shahd abd elnaser okasha الحب هو لون الحياة الذي لا تزهو إلّا به.الحب بقع قتيلاً بين أنثى عنيدة ورجل ذي كبرياء. في الحب تعزف القلوب أجمل إيقاع لا يسمعه إلّا الحبيبين. ونحن لا نحب أشخاص كاملين ولكن نرى الكما...
