خنجر الغضنفر

بارت٥١

#خنجر_الغضنفر
#الجزء_الثاني_بارت٥١
#حنين_حاتم

بقيت للصبح نايمة يمها بجربايتها
اليل كلة تتفزز مرة تفز مخنوكة مرة تكلي عطشانة انطيها كلاص تخلصة وتاخذ لدولكة تصك عليها
فرفحت كلبي
تفز وتحاجيني بس احسها ماواعية
صبحية فزيت قبلها عفتها نايمة ماوعيتها
لتمست كصتها عبالي مسخنة

طلعت برا لكيت انغام قبلي كاعدة تسوي ريوك المنصور متريك وطالع
سولفتلها على منة وسألتها هم حاجيتلها شي

لاكلشي ماحاجيتلي
خاف مريضة مسخنة وتهلوس

لاكلشي مابيها وكلشي مايوجعها
جرت اليل كلة تكلي مخنوكة وعطشانة وترجع تسولف بيهم
منصور يكدر ياخذنا هلأيام

وين ؟

نروح لقيصر

شعجب؟

كسرت خاطري لبارحة دموعها موتت كل اصراري

من يرجع سألي وشوفي

ماشي

كمت من يمها رحت على منة بس فتحت لباب تحركت
كامت
عاينتلي بتسمت بياس
تقربت الها كعدت علطرف
شبيج ماما لبارحة فرفحتيني اليل كلة

شبية ؟

صدك تحجين

شنو ماما

ولج اليل كلة تتفززين وتونين وتكليلي مخنوكة وتشربين ماي وترجعين لورا

يمتة

ولج لتخبليني صدك عود.متدرين

ماادري والله ولا حاسة

شحيت نضري عنها واني متفاجأة واستغفر
طلعت برا حطيت ريوك توني اريد اصيحها
اجت لابسة كوت فوك تراكها وشال

_ها وين

_يم بثينة

_شكو ماطايرة بثينة تريكي وروحيلها

_موخاف تروح للدوام

_اي من تحل روحي

_لاء هسة احجي وياها بسرعة واجي

_شتحجين وياها

_اسألها علمود ملابس للسفرة اريد اطلب منها

_وهاي الملابس التارسة كنتورج وكل شهر تجددين قطعة

_يوووو ماما رح تروح وانتي تسولفين

طلعت وسدت لباب وراها
بقيت يم لباب واكفة واعاينلها دكت لباب طلعتلها بثينة دخلتها
لحكتها وبقيت واكفة بلممر شوية وطبن جوة
بقيت الوب
شوية ولحكتها دكيت لباب
فتحتها الي بثينة جانن كاعدات ثنينهن

سألتها وين طالب

طلع يجيب ريوك ويجي

يلله شوية وخل تجي منة مو تتأخر