حب اعمى

8

وعد بصدمه : 68missed call !!!
روز : وريني وريني
ثم أمسكت هاتفها..
روز بصدمه : 7 مكالمات من بابا و 11 مكالمه من ماما و خمسين مكالمه و عشر رسايل واتس من اوس !!
وعد بخوف : يارب اعمل ايه
روز : شوفي رسايل الواتس الاول....و نشوف هو كان متعصب و لا لأ .....لو مش متعصب يبقى ربنا بيحبك  و كلميه فون....و لو متعصب ف ربنا معاكي بقى
وعد بتردد : ماشي
فتحت الشات و سمعت الريكوردات....
اوس : ها وصلتي و لا ايه؟؟
_ هااا؟؟؟
_ طب انتي نسيتي طيب؟؟
_ مش بتردي عليا ليه؟؟
_الله.....ده فونك مقفول
_ طب انتي ف الشغل و لا فين بالظبط؟؟
_ بصي انا عندي حصه دلوقتي.....يا ريت لما اخلصها الاقيكي بعتيلي
_ طب ايه؟؟؟... انا النهارده مركزتش في الحصه.....انتي كويسه طيب؟؟
_ انا حاسس انك متهوره في السواقه و شكلك كده......لا خلاص بعد الشر
_ ما المشكله دلوقتي اللي انا عمال اكلمك بس تليفونك مقفول.....اعمل ايه انا دلوقتي؟؟.....اجيلك يعني؟؟
روز : اسمعي مني.....بيحبك
وعد بخوف : بيحبني ايه و زفت ايه....انا هيتطين عيشتي النهارده
تليفونها رن.....
وعد رمت تليفونها...
وعد : الحقيني.....اتصرفي بسرعه
روز : و انا مالي.....بصي ردي عليه و اشرحيله و هيبقى كله تمام
وعد اخذت نفساً عميقاً و ردت على هاتفها...
وعد بخوف : الو
انتي كويسه....في حاجه حصلت......انتي فين دلوقتي....قولي...اتكلمي....فيكي حاجه طيب..
وعد : اديني فرصه اتكلم
اوس : اهم حاجه انتي كويسه؟؟
وعد : اها انا كويسه و خلصت شغل
اوس بغضب : كنتي قافله تلفيونك ليه؟؟....مكنتيش بتردي على الرسايل ليه؟؟......انتي عايزه توقعي قلبي و خلاص....المفروض تقدري خوفي عليكي و متلعبيش بمشاعري و تستهوني بيها
وعد بغضب : هو ايه الأوڤر ده؟؟.....تليفوني فصل شحن عادي محصلش حاجه يعني....و محدش قالك تخاف عليا انا مش عيله صغيره و عارفه كويس انا بعمل ايه.....و مش من حقك تتحكم فيا
اوس بغضب : يعني انا اللي غلطان في الآخر !!
وعد : ايوه انت اللي غلطان و .....
اوس بغضب : سلام
ثم اغلق المكالمه...
وعد : قفل في وشي السكه... انا قرفت بجد
روز : مهو يا انتي غبيه يا انتي غبيه..... الراجل قلقان عليكي عادي يا هبله......المفروض تفرحي مش تعملي اللي انتي عملتيه ده
وعد : مهو لو هنبدأها انتي روحتي فين.....متصلتيش ليه....و الكلام ده...بلاها احسن
روز : كلميه اعتذريله......انتي اللي غلطانه مش هو
وعد : بصي انا مش ناقصاكي
ثم والدها اتصل بها...
مصطفى : ايه يا بنتي تليفونك مقفول ليه؟؟؟؟.....ده اوس كان هيتجنن عليكي
وعد بغضب : اوس اوس.....انا زهقت
مصطفى : طب انتي فين طيب؟؟
وعد : انا جايه يا بابا
★★★★★★★★★★★★★★★★★
اوس في بيت زين....
زين : مالك؟؟
اوس : وعد.....حاسسها مش بتحبني.....و لا معجبه بيا حتى
زين : ده انت لسه قاري فاتحتها امبارح....فأكيد هتلاقي عدم اللامبالاه دلوقتي...بس بعدين لما تتكلموا و تتعرفوا على بعض اكتر هتلاقي الموضوع اتغير
اوس : طب انا غلطت في ايه....واحده بتكلمني و هي سايقه قولتلها ركزي في الطريق و طلبت منها انها تتصل بيا لما توصل.... انا غلطان !!
زين : لأ
اوس : لاقيتها مكلمتنيش ف إتصلت بيها لاقيته مغلق......ف طبيعي اقلق....كلمت باباها قاللي انها ممكن تكون في مكان مفيهوش شبكه....روحت بعتلها واتس و أديت الحصه و روحت كلمتها مغلق برضو......ف كلمته تاني.....راح قاللي هي مش متعوده تقفل تليفونها...فقلقت اكتر...... انا غلطااان !!
زين : لأ....كمل
اوس : فين و فين لحد ما لاقيت تليفونها اتفتح....اتصلت بيها....و اطمنت عليها و بعد كده قولتلها كنتي قافله تلفيونك ليه و مش بتردي ليه و كده....روحت لاقيتها بتقولي مش من حقك تتحكم فيا و مين قالك تخاف عليا هو انا عيله و الكلام ده....روحت قولتلها سلام....... انا غلطااااااااااااان؟؟
زين : لأ و الله
اوس بغضب : انا عايز اعرف دلوقتي....انا غلطت في ايه؟؟؟!!!
زين : ممكن هي فهمتك غلط مش اكتر
اوس : فهمتني غلط و لا بتتلكك؟؟
زين : يا بني....هي لو ماكنتش عايزاك مكانتش هتوافق من الاول
اوس : طب مانا عايز افهم برضو
زين : اهدى بس.....دي ساعة غضب و كل شيء هيتصلح ان شاء الله
اوس : انا قرفت و الله
زين : اقولك على فكره عشان تعرف هي بتحبك و لا لأ؟؟؟
اوس : قول
★★★★★★★★★★★★★
يا بنتي قلقتينا....ايه اللي حصل؟؟
وعد : انا خلاص يا ماما....انا زهقت من كل حاجه
سناء : احكي طيب
وعد : مين اداله الحق انه يتحكم في حياتي
سناء : هو خوفه و قلقه عليكي في قاموسك يعني بيتحكم فيكي !!
وعد : اومال؟؟
سناء: بصي انتي عارفه اصلا اللي انا مكنتش موافقه عليه بس بعد الموقف ده عرفت انه هيحافظ عليكي و انك هتبقي في ايد امينه
وعد : انا بجد مش فاهمه انتوا ازاي شايفين ان ده شيء كويس
سناء : يا بنتي ميزي مابين الشخص اللي يقولك متلبسيش ده متروحيش المكان ده متصاحبيش فلانه دي متعمليش كذا متسويش كذا....ده يبقى بيتحكم فيكي أما اوس قلق عليكي عشان ماتصلتيش عليه و فوق كل ده تليفونك كان مقفول ........ده انا كنت هموت من القلق عليكي
وعد : يعني انا غلطانه !!
سناء : آه غلطانه....و المفروض تكلميه دلوقتي وتصالحيه
وعد : بس....
سناء : متعانديش في الغلط....احسن حاجه انك تعترفي بغلطتك
وعد بخيبة أمل : ماشي
★★★★★★★★★★★★★★★
اوس ذهب إلى بيته كالعاده بواسطه زين...
على الغداء..
كريمه بخبث : يا ترى بقى وعد اخبارها ايه؟؟
اوس بدون اي تعابير وجه : اتخانقنا
منار بنغمة صوت سعيده : بجد !!
اوس بغضب : نعم !!
منار بمكر : قصدي ليه بس ده انتوا لسه قاريين فاتحتكوا امبارح
اوس بغضب : هو انا كل ما اتكلم مع حد يقوللي نفس الكلمتين دول
كريمه بمكر : بص يا بني بقى.....انتوا بدأتوا تتخانقوا و انتوا لسه بتقولوا يا هادي فتخيل كده ايه اللي هيحصل بعدين؟؟....ده غير أصلا ده فال وحش....آه فال وحش اومال انت فاكر ايه يعني
اوس : قصدك ايه ؟؟
كريمه بخبث : مش قصدي حاجه صدقني....انا بس عايزه اوَّعييك...فكر بعقلك مش بقلبك....و بعدين في مثل بيقولك خد اللي يحبك و متاخدش اللي بتحبه و لا ايه يا منار؟؟
......................
#يتبع