حب اعمى

14 و الأخير

كريمه : احسن برضوا ان انتي جيتي....امسكي شنطة هدومك اهي متوضبه من امبارح....و يا ريت مشوفكيش هنا تاني
وعد بصدمه : حضرتك بتهزري صح؟؟
كريمه : و انا اهزر معاكي ليه.....يلا يا حبيبتي وريني عرض اكتافك
وعد : اوس فين؟؟
كريمه : نايم فوق
منار بدلع : مين يا ماما على الباب
كريمه : دي وعد
منار : انتي ايه اللي جابك هنا؟؟
وعد : ده بيتي....انتوا هتمنعوني ادخل بيتي؟؟
منار بضحك : بيتك !!!....ده كان زمان...اما دلوقتي ده بيتي انا....انا و بس
اوس و هو ينزل من على السلم : وعد !!
وعد : اوس هو ايه اللي بيحصل....انا مش فاهمه حاجه
منار : انا هفهمك...مش اوس بقى جوزي
وعد بصدمه : اوس....الكلام ده صح ؟؟
اوس : استني بس هفهمك و الله
منار دخلت الغرفه و أحضرت بعض الأوراق...
منار ببرود : و لو مش مصدقاني قسيمه الجواز اهي....بس انا بصراحه بعتذر منك اني معزمتكيش...اصله كان على الضيق
اوس بغضب : منار
وعد بحزن : طلقني
اوس : اديني فرص....
وعد بحزن : بقولك طلقني
كريمه ببرود : هو فعلا طلقك....و الورقه اهي...ناقص بس انك تمضي عليها
وعد بحزن : ده انت مرتب كل حاجه بقى
اوس : و الله كدب انا ما مضيتش على حاجه
وعد ببكاء : كفايه كدب بقى....انت طلعت خاين....انت أحقر شخص شوفته في حياتي...و على فكره بقى....انا حامل
ثم فتحت شنطتها و أمسكت بيده و وضعت الورقه في يده....و وضعت مفتاح السياره على الطاوله و قالت : و مفتاح العربيه اهو....ثم ذهبت...
كريمه بعدما اخذت الورقه من يد اوس : دي حامل بجد
اوس : خلاص عملتوا اللي في دماغكوا؟؟.... منار انتي طا..
كريمه بغضب : اوس.....انا قولتك استحمل اسبوع....اسبوع بس
فلاش باك...
كريمه : انت لازم تتجوز منار يا اوس
اوس : استحاله....انتي ناسيه أن وعد مراتي؟؟
كريمه : منار مش مستحمله....خلي في قلبك ذرة رحمه... و اكيد وعد لو عرفت بالحكايه هتقدر الموقف
اوس : انسي اللي بتفكري فيه ده
كريمه : بس....
ثم قامت منار بغلق باب غرفتها بالقوه..
كريمه : يالهوي البت هتعمل في نفسها حاجه
ثم نزلت و هى تركض..
كريمه على باب غرفة منار : افتحي يا بنتي....طمنينا عليكي ابوس ايدك
منار و هي تبكي : سيبوني بقى...انا هموت نفسي و هترتاحوا مني كلكوا
اوس : الأمور مش هتتحل بالطريقه دي يا منار....افتحي الباب عشان نتكلم
منار : الكلام مش هيفيد في حاجه....سيبوني في حالي بقى
كريمه : يا مصيبتي يانا...البت اتجننت
فقام اوس بكسر زجاج باب غرفة منار و فتح الباب...
كريمه : ايه السكينه اللي انتي مسكاها دي
منار ببكاء و هي تضع السكينه علي يدها : محدش يقرب مني...و الله لأموت نفسي
اوس : اهدي....كل شيء هيتحل بالهداوه
منار : لا انت بتكدب عليا....موتي هو الحل الوحيد
اوس و هو غير مقتنع بنفسه : لأ.....جوازي بيكي هو الحل
منار : اكيد انت مش هتتجوزني...اكيد مش هتسيب وعد عشاني...انت بتقول كل ده عشان تسكتني صح
اوس : انا هتجوزك النهارده.....و انا مش هسيب وعد....انا هشرحلها و هي اكيد هتقدر...ممكن تسيبي السكينه من ايدك بقى
منار تركت السكينه و بدأت بالبكاء...و قامت كريمه بالإتصال بمأذون..
و قام اوس بالإتصال بزين..
اوس : انا عايزك تيجي حالا....و يا ريت يبقى معاك واحد صاحبك
زين : خير
اوس : هفهمك اول ما تيجي...بس ضروري
★★★★★★★★★★★★★★
زين : انت اتجننت؟؟....تتجوز منار....و وعد؟؟
اوس : انا مجبور....لازم اعمل كده
زين : بطل الهبل ده....و الغي كل حاجه
اوس : مينفعش....منار هتموت نفسها
زين : استغفر الله العظيم.......يعني انت جايبني هنا عشان أشهد على الجوازه
اوس : ارجوك...اقف جمبي....هو اسبوع بس و الدنيا هترجع تاني زي الاول
بعدما مضت منار على قسيمة الجواز...قام اوس بالإمضاء أيضاً و لكن...
كريمه وضعت ورقه على الطاوله( ورقة الطلاق )..
كريمه بخبث : و امضي في الحته دي كمان يا اوس
فقام بالإمضاء..
★★★★★★★★★★★★
باك...
وعد ببكاء : ازاي ده حصل؟؟....انا بجد مش فاهمه....هو ده اوس اللي كان بيحبني و يخاف عليا....لا لا استحاله....هو انا بحلم و لا ايه
سناء : و الله يا بنتي معرفش...هم غسلوا دماغه و لا ايه.... الموضوع فيه إن
وعد : هم ليه كل الرجاله خاينين كده...و لا انا ماليش حظ...ده انا ضحيت عشانه كتير.....ده انا اتبعتتلي سفريه تانيه و انا رفضتها عشان مسيبهوش....هو ازاي كده...ازاي بياع و خاين....ازاي كان لابس وش الملاك....ازاي....في عقلي بتدور اسئله كتيره مش لاقيالها اجابه...انا مبقتش فاهمه اي حاجه
و ظل اوس يتصل بها و لكن هي أغلقت هاتفها...
★★★★★★★★★★★★
روز : بكلم وعد فونها مغلق.... معرفش ليه؟؟
زين : هي عرفت و لا ايه؟؟
روز : عرفت ايه ؟؟
زين : ان اوس اتجوز منار
روز بصدمه : ده امتى و ازاي و فين....و بعدين مين اللي قالك
زين : امبارح اوس اتصل و كان عايزني عشان أشهد على الجوازه
روز : و انت ازاي تشارك في حاجه زي دي؟؟
زين : صاحبي و كان محتاجني....فإتصرفت
روز بغضب : و الله!!....يعني لو صاحبك قالك تعالى ننط في النيل هتنط؟؟.....انت ليك عقل و انت اللي تتحكم في تصرفاتك مش حد تاني....و بعدين انا مش فاهمه هو ليه يتجوز منار....طب و وعد؟؟
زين : هو مجبور....في حاجه جبراه على كده....انا برضو مفهمتوش قاللي لو معملتش كده منار هتموت نفسها....مش فاهم ايه دخل ده في ده....بس طلاما منار و كريمه موجودين في حياة اوس و وعد كل ده المفروض يبقى طبيعي بالنسبلنا....الله اعلم دخلوا ايه في دماغه و لا عملوا فيه ايه
★★★★★★★★★★★★★
في اليوم التالي..
كريمه ذهبت لوعد..
كريمه : انا اوس بعتني ليكي عشان اقولك تسقطي البيبي
وعد : نعم !!!!....ده بيحلم.....و بعدين اوس بقى طليقي خلاص....مش من حقه يتحكم بيا و لا بحياتي....يا ريت يخليه في نفسه و في منار بتاعته دي
كريمه : طب انا بقولك تسقطيه.....و اديني بقولهالك بالذوق
وعد : و انا بقولك مش هسقطه....و هددي زي مانتي عايزه....و اتفضلي بره
كريمه : انا !!
وعد : آه انتي...و مش عايزه اشوفك تاني و لا انتي و لا ابنك
كريمه : انا بقولهالك للمره الاخيره هتسقطيه و لا؟؟
وعد غير مباليه لها : بره
كريمه بغضب : ماشي
★★★★★★★★★★★
اوس : زين....انا عايز اروحلها... تعالى وصلني
زين : تمام
ثم جاءت كريمه..
كريمه : انا لسه جايه من عند وعد
اوس بلهفه : قولتيلها ايه؟؟
كريمه بمكر : قولتيلها اللي حصل كله...و ع السبب اللي خلاك تتجوز منار....بس هي بقى قالت إن ده مش سبب مقنع و قعدت تزعق فيا...و قالتلي انها و لا عايزه تشوفني و لا تشوفك
و ظلت تبكي : انا اتهانت النهارده....انا عمري ما حد هانّي بالطريقه دي
اوس : انا رايحلها دلوقتي...و هي اكيد هتصدقني
كريمه : رغم كل اللي انا قولتهولك ده...مصر انك تروحلها
اوس : هحاول
★★★★★★★★★★★
اوس ظل يطرق الباب و لكن لا يوجد أحد موجود...
سناء بصوت منخفض : ما تفتحي الباب
وعد بصوت منخفض : لأ... عشان هيطلب مني انزل البيبي
اوس من خلف الباب : وعد....انا عارف انك جوه..بس اسمعيني ارجوكي...و الله مجبور...انتي لو كنتي في مكاني كنتي هتعملي كده....ارجوكي افتحي عشان نتكلم
و لكن وعد لم تجيب عليه...ف يأس و عاد إلى منزله ..
سناء : يا بنتي كنتي تسمعيه
وعد : و لو يا ماما....مفيش سبب مقنع في الدنيا دي عشان يتجوز عليا....بصي بقى....عشان اخلص من الكابوس ده و احاول أنساه....انا هرد على موضوع السفريه ده...و يا رب يقبلوه
سناء : حتى لو ردو و وافقوا....انتي كده هتنسي؟؟
وعد : هحاول انسى....بس لازم اعمل حبة تغييرات كده...اللي هو اغير رقم تليفوني....نبيع الشقه دي و نجيب غيرها
سناء : ليه يا بنتي كل التعب ده
وعد : عشان احنا لو فضلنا هيقعدوا ينطولنا كل شويه....بس ادعي بس انهم يقبلوا طلبي في السفريه
★★★★★★★★★★★
في الصباح..
سناء : انتي رايحه الكورس؟؟
وعد : آه زي كل يوم
سناء : طب ما تاخدي النهارده اجازه
وعد : و هو انا هوقف حياتي على اوس يعني....مش انتي عودتيني اني مخليش حاجه تأثر على شغلي
سناء : تمام...اللي انتي شايفاه
ثم ذهبت الكورس...
روز : عامله ايه؟؟
وعد : الحمدلله...و انتي
روز بقلق : الحمد لله
وعد : مالك يا بنتي في ايه...مش على بعضك كده
روز : انتي اللي مالك... حساكي متغيره
وعد : مفيش حاجه
روز : ده انتي صاحبتي و انا عارفاكي
وعد : اوس طلقني
روز بصدمه : يعني اتجوز منار...و فوق كده طلقك؟؟
وعد : و انتي عرفتي منين أنه اتجوز منار؟؟
روز : اصل....اصل زين قاللي....بس صدقيني اوس في حاجه جبراه على كده....انتي محاولتيش تستفسري طيب؟؟
وعد : لا....و مش عايزه استفسر....و بصي بقى مش عايزه سيرة اوس تتجاب طلاما انا قاعده معاكي...تمام؟؟
روز بقلق : تمام
★★★★★★★★★★★
عندما انتهت وعد من الكورس...كانت في الطريق لتعود إلى منزلها...
و لكن وقفت بجانبها سياره و نزلوا منها رجال...و وضعوا منديل على وجهها لكي يخدروها ثم وضعوها في السياره و ذهبت...
في عياده...
كريمه : سقطها
الدكتور : بس دي متخدره..انتي جايباها غصب؟؟
كريمه : 10 آلاف كويس؟؟
الدكتور : بس....
كريمه : 20 كويس؟؟...هاااا
الدكتور بإنشكاح : هعملك العمليه حالا...بس لو ماتت انا مليش دعوه
كريمه : يسمع من بؤك ربنا و ادينا نخلص منها خالص
ثم قامت كريمه بالإتصال بسناء..
سناء : عايزه ايه يا كريمه؟؟
كريمه ببرود : ايه المعامله الوحشه دي....يعني انا غلطانه عشان هطمنك على بنتك؟؟
سناء : مالها وعد؟؟....انطقي
كريمه : متخافيش هتبقى كويسه....هي دلوقتي بتسقط البيبي...و هكمل واجبي معاكي و هعمل حساب العيش و الملح اللي ما بينا و هوصلهالك لحد باب البيت
★★★★★★★★★★★★★
سناء وجدت الباب يُطرق..
فقامت بفتح الباب... وجدت وعد جالسه على الارض و هي متخدره..
أدخلتها سناء و هي تبكي على غرفتها..
سناء ببكاء : وعد....ردي عليا....فوقي يا وعد
وعد : فيه ايه؟؟...انا جيت هنا ازاي؟؟....انا آخر مره كنت ماشيه في الشارع...ايه اللي حصل؟؟
سناء ببكاء : كريمه هي اللي عملت فيكي كده.... عملت اللي في دماغها....و خلتك تسقطي
وعد ببكاء : أسقط؟؟.....انا....انا كنت عايزاه....ده هو الوحيد اللي كان مصبرني على كل ده....هي كريمه دي ايه.....شيطان متخفي في بني ادمه...ازاي قدرت تعمل كده
سناء : انتي كان عندك حق....احنا المفروض نبيع الشقه و نغير كل حاجه
★★★★★★★★★★★
كريمه بحزن : اوس....انا....انا كنت عايزه اقولك على حاجه
اوس : قولي
كريمه : اصل....اصل وعد
اوس بقلق : مالها؟؟
كريمه بحزن و مكر : اصل روحتلها النهارده.....قولتيلها اخبار البيبي ايه...قالتلي سقطه....سقطت البيبي يا اوس
اوس : انا عارف وعد و هي استحاله تعمل كده...انتي اكيد بتكدبي
كريمه بحزن : طب لو مش مصدقني اتصل بيها....هتلاقي كل كلامي صح
اوس اتصل ب وعد...
و لكن هاتفها مغلق..
ثم اتصل بسناء....
اوس بغضب : وعد سقطت؟؟
سناء : انت ليك عين تتكلم اصلا
اوس : انا عايز اجابه وعد سقطت؟؟
سناء : ما تسأل امك....ما هي السبب
اوس : قصدك ايه؟؟
سناء : قصدي انك عامل فيها من بنها.....و انك غلبان....و انت اصلا متفق مع امك عشان كل ده يحصل؟؟....بص بقى و لا تيجي هنا....و لا تتصل تاني....احنا مش عايزين نشوف وشك تاني
ثم أغلقت المكالمه..
كريمه : ها....صدقت ؟؟
اوس : صدقت انك استحاله تتغيري....و صدقت اني كنت مغفل و اهبل لما سمعت كلامك....اتاريها كانت تمثيليه عاملينها عشان اسيب وعد.....انا غلطان عشان حطيت لنفسي امل عشان تتغيروا...بس اتاري ديل الكلب عمره ما يتعدل
كريمه : منار حامل بجد يا اوس.....موضوع منار ده كله صدق....بس انا عايزاك تنسى وعد.....انسى وعد يا اوس.....لو خايف بجد على مصلحتها انساها....و هي نسيتك.....هي بقت تكرهك كره العمى....خليك مع منار....وعد مش هتنفعك في حاجه....اسمع كلامي
اوس : انتي كلمة ماما متستحقيهاش.....انتي استحاله تكوني ام....انتي انانيه....عايزه تعملي اللي في دماغك و بس.....عايزه تعملي كل حاجه لمصلحه منار...و تولع مصلحتي انا و وعد
★★★★★★★★★★★★★
وعد : قبلوا السفريه.....جهزي الشنط يا ماما...بكره هنسافر
سناء : بس انتي تعبانه
وعد : مش مهم....انا عايزه امشي من المكان ده بأي طريقه
اليوم التالي...
وعد : يلا...اوبر مستنينا تحت
سناء بحزن : يلا
ثم قاموا بغلق البيت و نزلوا و ركبوا السياره....و آنذاك وصل اوس و زين للمكان...
زين بإستغراب : مش دي وعد اللي راكبه العربيه؟؟
اوس : امشي وراها طيب
و بعدما وصلوا للمطار..
اوس : اجري وراها يا زين و وقفها
زين ظل يجري ورائها…
زين و هو ينادي : وعد....يا وعد
وعد : زين !!....ايه اللي جابك
زين و هو يتلقى أنفاسه : انتي...انتي رايحه فين
وعد : مسافره...هكون رايحه فين يعني....استأذن بقى عشان هتأخر على الطياره
اوس : و ترضي تسيبيني و تمشي؟؟
وعد كادت أن تذهب و لكنه أمسك بيدها....و لكنها افلتت يدها منه و قالت..
وعد : عايز مني ايه بعد ما دمرتلي حياتي
اوس : صدقيني انا زي زيك مش فاهم حاجه....منار حامل و كانت هتموت نفسها فكان لازم أنقذ الموقف و اتجوزها..بس ده كان لمده اسبوع يعني عشان كلام الناس و كده....و والله ما مضيت على ورقة الطلاق....دي خدعه امي كانت عملاها...تقريبا و انا بمضي على القسيمه..خلتني امضي عليها....و انا مكنتش اعرف انك سقطي...و الله كل ده مكنش ليا دخل فيه....ارجوكي سامحيني....و انا هطلق منار و هسيبلهم الشقه....بس تعالي معايا
وعد و هي تبكي : مش هقدر....مش هقدر
ثم ذهبت مع سناء...
★★★★★★★★★★★
بعد أشهر..
روز : يا بنتي اوس من غيرك بجد كإنه مش عايش....مبقاش يروح شغله و لا يكلم حد....ده حتى مبقاش يكلم زين.....وعد ارجعيله
وعد : خلاص أنبتيني؟؟....لا يا روز مش هرجعله....كل الوقت اللي عشت معاه فيه كان كله حزن و نكد.....و انا مش عايزه الايام دي ترجع تاني....اكيد ربنا عمل كل ده عشان يوريني أنه إنسان ميستاهلنيش
روز : وعد....انتي لسه بتحبيه....و مش قادره تنسيه...انا عارفه...و مهمها كدبتي عليا انا عارفه...ف ليه العناد؟؟
وعد : يوووه...انا غلطانه اني اديتك رقمي و الله...غيري الموضوع بقى
روز : طب انتي هتنزلي امتى؟؟
وعد : بعد بكره
روز : تمام....استعدي بقى لإن اول ما هتروحي البيت هتلاقيني في وشك....عشان نروح النادي
وعد : حبكت يعني اول ما اروح....استني لما ارتاح شويه
روز : ابداااا.... اول ما هتروحي على طول
وعد : طب لما ييجي وقتها بس
★★★★★★★★★★
روز على الباب..
روز : يلا
وعد : يلا ايه؟؟
روز : نروح النادي...انتي نسيتي و لا ايه؟؟
وعد : بصي بقى... انا ماما دخلت نامت جوه و انا هغير اهو و هنام...الطريق كان متعب اوي
روز : لأ....انا هاخدك دلوقتي و انتي لابسه و قمر اهو عشان نروح النادي
ثم أمسكت يدها و شدتها لتخرج..
روز : يلا
وعد بخيبه امل : خلاص خلاص...هلبس الجزمه....زنانه صحيح
★★★★★★★★★★★★
عندما وصلت النادي..
زين : ازيك
وعد : الحمدلله
روز : تعالي بقى معايا اوريكي جوز اختي
وعد بإستغراب : انتي هتستهبلي؟؟...انتي ليكي اخوات اصلا؟؟
روز بقلق : بصي امشي معايا و انتي ساكته
ثم صعدوا مبنى في النادي لتلقى الهواء الطلق..
روز بخبث : يييييه...نسيت حاجه مهمه جدا مع زين.....خليكي انتي تتأملي في المنظر هنا...و انا هنزل اجيبها
وعد : طب انا جايه معاكي
روز : لا تيجي معايا ايه؟؟....خليكي هنا و انا نازله على طول و هاجي
وعد بخيبة أمل : ماشي ياستي
ثم قامت روز بتركها....و وقفت وعد مغمضه عيناها و تتأمل في كل ذرة هواء تلمس وجهها و هي تسند يدها على السور...
و لكن وجدت شخص أمسك بيدها...فقامت بفتح عيناها و وجدت اوس...كادت أن تسحب يدها و لكن هو امسك يدها بشده و قال..
اوس : مش هسمح لنفسي تاني اني اسيبك تمشي زي المره اللي فاتت..... أرجوكي كفايه لحد كده.....عارف أن انا مش احسن حد في الدنيا....بس برضو مش اوحش حد....ممكن اتغيرت فجأه و كنت بصدقهم و اقف جمبهم ساعات....بس لما فوقت اكتشفت انك كنتي صح في كل حاجه...الفتره اللي فاتت دي مكانش حد بيفهمني غيري...أو...أو لو كنتي موجوده كنتي هتفهميني...كنت فاكر أن مع الوقت هبقى كويس..بس حصل العكس.....كنت بتدهور اكتر و اكتر....و منار ولدت...خلفت بنت و سمتها تاليا....و ماما توفت.....انا بس كل اللي انا عايز اعرفه.....انتي ازاي رضيتي انك تبعدي عني 11 شهر و 4 اسابيع و 5 ايام و 6 ساعات و 54 دقيقه و 26 ثانيه؟؟
دُهشت وعد من منظر اوس و لحيته الكثيفه و شعره الغير متساوي و عيناه الحمراوتان و نبرة صوته الحزينه و من كلامه القاسي...
لم تشعر وعد بنفسها الا و هي باكيه و تفضفض له ما في قلبها...
وعد و هي تبكي : يعني انت فاكرني اني لما بعدت عنك كنت كويسه و فرحانه....انت فاكر بعد كل اللي اتعمل فيا ده قدرت انساك....انا كل ده بوهم نفسي اني نسيتك....و لكن كل حاجه كانت بتحصلي كانت بتفكرني بيك....انت اللي غلطان ع فكره....انت ازاي سبتني امشي المره اللي فاتت ..انت ازاي موقفتنيش تاني
اوس بضحكه خفيفه : لسه اللماضه فيكي.... وحشتيني و وحشتني لماضتك
وعد و هي تبكي : و انت كمان
وقف اوس غير مصدق نفسه..
فإرتمت وعد في حضنه...
و عادوا لبعضهم مره اخرى....و ظل اوس يعطي منار كل شهر مصاريف بيتها لتصرف على ابنتها....و قام اوس بشراء بيت ل وعد و عاد للعمل....و كل الأمور عادت طبيعيه مره اخرى....و عاشت وعد و اوس مع ابنهما عمار في تبات و نبات
و توته توته خلصت الحدوته❤️
هتوحشوني جددددددا و بشكركم جددا على الدعم اللي على الروايه بجد انا بحبكم جددددا❤️❤️❤️و اديني خليتها نهايه سعيده اهي...اي خدعه😂❤️يا ريت تقوليلي رأيكم في الروايه كامله ❤️❤️🥰