حب اعمى

9

كريمه بخبث : مش قصدي حاجه صدقني....انا بس عايزه اوَّعييك...فكر بعقلك مش بقلبك....و بعدين في مثل بيقولك خد اللي يحبك و متاخدش اللي بتحبه و لا ايه يا منار؟؟
منار : انا بصراحه شايفه كلام ماما صح ميه في الميه
اوس بغضب : انا شبعت
ثم نهض و اتجه نحو غرفته...
ثم أمسك هاتفه فوجد ريكورد من وعد..
وعد : مبدئيا كده انا اسفه....بس انت مسألتنيش يومي كان عامل ايه النهارده....تليفوني اتقفل ليه.....نسيت اتصل بيك ليه.....و فوق كل ده متدنيش فرصه اني ادافع عن نفسي.... عموماً النهارده كان عندي كورس و فوق كل ده انا كنت متأخره فروحت لاقيت ال Students موجودين فروحت بدأت على طول ف طبعا نسيت و بعد كده لما خلصت الكورس قعدت ارتاح شويه افتكرت اني متصلتش بيك ف مسكت الموبايل لاقيته فصل شحن و بس.....و مبحبش حد يكلمني و انا متعصبه لإني مش بكون في وعيي بجد.....بص حصل خير
اوس لنفسه : انا عايز ارد بس مش هقدر
فترك هاتفه...
فأرسلت له ريكورد آخر...
وعد : على فكره انت اتأخرت عليا دقيقتين في الرد....و فوق كل ده سمعته و مردتش
اوس لنفسه و هو يضحك : بتقلدني كمان
ثم قال : اوعى تضعف....اياك
وعد : ده موضوع مستفز على فكره....بس ريلاكس ريلاكس.... عادي يعني رد وقت ما تحب
اوس اتصل ب زين...
اوس : انا مش قادر اسيبها تكلم نفسها كده
زين : استحمل بس......اجمد كده
اوس : هحاول
ثم اغلق المكالمه و قام بفتح الشات...
وعد : انت بتردهالي يعني؟؟؟
_ براحتك على فكره
_ احب اقولك ان انا شخصيه زنانه ف انت اللي هتتعب مش انا
_ و مش صبوره برضو
_ طب و بعدين؟؟
_ اوكيه انا اصلا غلطانه.......تصبح على خير....انا بس كلمتك عشان مش بحب حد ينام و هو زعلان مني ها....يلا سلام
اوس : طب هي زعلت و لا ايه طب؟؟.....الله يخربيت أفكارك يا زين
★★★★★★★★★★★★★★
وعد بغضب : مااااااااااامااااااااااا
سناء بقلق : ايه في ايه اللي حصل !!!!....انتي كويسه؟؟
وعد بغضب : كلمته و مش بيرد عليا....بيسمع ريكورداتي و مش بيرد.... البيه عامل نفسه زعلان
سناء و هي تضحك : حقه و الله
وعد : يا ماما ده شيء مستفز
سناء : بصي طيب.....انتي عارفه هو بيعمل كده ليه؟؟
وعد : عشان يردهالي
سناء : تبقي هبله......هو عايز يعرف انتي معجبه بيه و لا لأ.....الموقف اللي حصل ده خلاه مش عارف انتي عايزاه و لا لأ........هو انتي معجبه بيه؟؟
وعد : ايه لازمة السؤال ده دلوقتي
سناء : جاوبيني بصراحه
وعد : معجبه بيه سيكا
سناء بخبث : سيكا و لا سيكات؟؟
وعد : خلاص يا ماما بقى......انا غلطانه و الله
سناء : يا بت ما انا كنت قدك و فاهمه حركاتكوا دي كلها
وعد : طب اعمل ايه انا دلوقتي؟؟
سناء : خلاص بقى متكلميهوش دلوقتي....لا يفتكر انك مدلوقه عليه و لا حاجه.....بكره تبقي تكلميه تاني....و صدقيني هيرد عليكي
وعد : اما نشوف
★★★★★★★★★★★★★★★
* في الصباح....*
وعد و هي في السياره ممسكه بهاتفها...
وعد ارسلت ل اوس ريكورد : صباح الخير
وجدته سمع الريكورد و لم يُجيب...
فأرسلت ريكورد آخر تقول فيه : بص يا اوس.....انا دلوقتي هتصل بيك....و هتصل بيك مره واحده بس ها.....لإن برستيچي و كاريزميتي ميسمحوليش اني اتصل كذا مره.....و لو مردتش....انا اللي مش هكلمك تاني.... و عناد بعناد بقى
ثم اتصلت به و فتحت الاسبيكر و رد عليها....
وعد : اخيرا رديت !
اوس بكبرياء مصطنع : انا بس رديت عليكي عشان اقولك اني مش بتهدد
وعد : مهو باين
اوس : انتي سايقه صح؟؟
وعد : ايوه؟؟
اوس : ماشي براحتك
وعد : انا عايزه أسألك سؤال؟؟؟......ايه لازمة اللي انت عملته ده؟؟
اوس : زعلان
وعد : و الله؟؟؟..... اتصدق كنت فكراك مبسوط
اوس : خلاص خلاص نفتح صفحه جديده
وعد بغرور : هحاول
اوس بإستغراب : اللااه !!......مش انا اللي مفروض أبقى زعلان؟؟
وعد بغضب مصطنع : على فكره بقى انا دايما على حق...... ها عاجبك و لا؟؟
اوس : خلاص يا ستي عاج........
ثم قال فجأه : حاسبي العربيه
وعد وضعت قدمها على الفرامل بسرعه و أغلقت عيناها و صرخت....
ثم قامت بفتح عيناها و لم تجد اي سياره...
اوس و هو يضحك على الهاتف : عشان تعرفي بس ان انتي مش مركزه في الطريق
وعد بخوف : حرام عليك و الله....وقعت قلبي
اوس : طب بالعقل كده انا واحد بكلمك فون هشوف ازاي ان في عربيه
وعد : ما انا معرفش بقى....و الله انا غلطانه اني كلمتك....اقفل اقفل
اوس : خلاص خلاص اهدي كده و سوقي براحه......و لما توصلي كلميني ها.....متنسيش
وعد : حاضر....انا مش عارفه اصلا هسوق ازاي و انا اعصابي سايبه كده
اوس و هو يضحك : تعيشي و تاخدي غيرها
وعد : في المشمش
اوس و هو يضحك : يلا سلام
وعد : باي
و بدأت تتحرك بالسياره....
عندما وصلت...أخرجت هاتفها و اتصلت به....
وعد : اتصلت اهو
اوس : ايوه كده....تمام انا خلاص كده اتطمنت عليكي
وعد : و على فكره بقى مش نسياهالك
اوس و هو يضحك : ما خلاص بقى قلبك ابيض
وعد : ماشي ابقى اشوف الحكايه دي لما اخلص شغل
اوس : تمام
وعد : باي
★★★★★★★★★★★★★★★★★
زين : ايه الاخبار؟؟
اوس بسعاده : انا نفسي اخدك بالحضن
زين بسخريه و هو يفتح ذراعيه : تعالى في حضن اخوك يا فواز
اوس بسخريه و ضحك : ماشي يا اخو فواز
ثم احتضنوا بعضهما البعض...
زين : احكيلي بقى.....طريقتي جابت نتيجه؟؟
اوس بسعاده : انت شايف ايه؟؟
زين : انا شايف أن الفرحه مش سيعاك
اوس : اها.......بص هي مزنتش عليا كتير....بس انا مبسوط و حاسسها بتحبني
زين بخبث و هو يضحك : يا جامد انت
اوس : عيب عليك........انت عملت ايه مع وعد بتاعتك دي؟؟؟
زين : معملتش حاجه.....انا بس عايز انسى اللي حصل ده...و هقابلها ان شاء الله
اوس و هو يضحك : خليك قاعد كده يا سنجل
زين و هو يضحك : هو اللي كنت بعمله فيك زمان بيطلع عليا دلوقتي و لا ايه
اوس و هو يضحك : تستاهل...يوم ليك و يوم عليك
★★★★★★★★★★★★★★
سناء : وصلتوا لحد فين؟؟
وعد : لا خلاص...اتصالحنا
سناء : بصي بقى انا عايزاكي تهريه اختبارات
وعد بخبث : انتي شايفه كده؟؟؟
سناء : عشان تعرفي هو كويس و لا لأ
وعد بخبث : من العين دي قبل العين دي....بس نتخطب بس
★★★★★★★★★★★★★★★
في المساء...
اوس : انا نسيت و مسألتكش عن شكل وعد.....هي حلوه؟؟
محمد : هي........
قاطعته كريمه قائله بخبث : بص دي خلقة ربنا طبعا....بس ايه ده!!....مفيهاش ذرة انوثه....و لا مناخيرها يااااا.....انا طبعا مش قصدي حاجه لا سمح الله بس احنا استنينا كل ده عشان نشوف ملكة جمال العالم مثلا و لا حاجه....و في الآخر طلعت دي !!!!!.....انا عن نفسي اتصدمت
اوس بخيبة امل و سخريه : شكرا على الطمأنينه دي
محمد و هو يضحك : انا هقوم اجيبلي كوباية مايه
ثم اقترب من اوس و همس في اذناه قائلا : البنت قمر
ثم ذهب....
اوس ابتسم عند سماع هذه الكلمه....
كريمه ب غيظ : مالك منشكح كده ليه؟؟؟.....قولتله ايه يا محمد
ثم ذهبت وراءه...
عندما خلت الغرفه له قال بصوت مرتفع و بهيام : يا مشوقني ياني
ثم امسك بهاتفه.....
و ارسل ريكورد ل وعد....
★★★★★★★★★★★★★★★
_اخبارك ايه؟؟
وعد لنفسها : يا ترى ارد عليه دلوقتي و لا؟؟؟؟.....انا لو رديت عليه في وقتها هبقى مدلوقه.....و لو رديت متأخر هبقى مش مهتمه.... و انا و لا كده و لا كده....خلاص خلاص....انا هستنى دقيقه و ارد عليه
ثم انتظرت دقيقه و قامت بالرد عليه.... : الحمد لله...انت عامل ايه؟؟؟
_كويس....الكورس عامل ايه؟؟
وعد و هي تضحك : بيسلم عليك....حبيت أءلش في النص كده
اوس و هو يضحك : بدأنا بقى.....انا عندي مراره واحده و عايز احافظ عليها
وعد و هي تضحك : عيوني حاضر مش هكررها تاني
اوس و هو يضحك : ها...عملتي ايه في الكورس....اديني غيرت سياق السؤال
وعد : اهو عادي.....و انت عامل ايه في الشغل؟
اوس : اهو عادي برضو
وعد : للدرجه دي احنا زهقانين من شغلنا
اوس : مهو مفيش جديد
وعد : اتفق بصراحه.....هو انا ممكن أسألك سؤال؟؟
اوس : انتي تؤمريني
وعد : ايه هي اكلتك المفضله؟؟
اوس : المكرونه بالبشاميل....دي عشقي
وعد : و انا كمان.....بالذات بقى لما الوش يكون مقرمش...يااااه
اوس و هو يضحك : انا جوعت
وعد و هي تضحك : خلاص خلاص نغير موضوع الاكل ده
اوس : بتعملي ايه؟؟
وعد : قاعده على وشك النوم
اوس : هتروحي بكره الكورس؟؟
وعد : لا معنديش بكره حاجه
اوس : يا بختك.....انا نازل
وعد بخبث : ربنا معاك....يلا تصبح على خير عشان هتصحي بدري يا عيني....اما انا بقى هصحى في الوقت اللي انا عايزاه براحتي
اوس : بقى كده....احنا في بيننا الكلام ده....بس عادي على فكره مردوده
وعد بضحك : خلاص الله يخليك...اصل انت لما بتردلي اللي انا بعمله فيك بيبقى حاجه مش ع البال
اوس و هو يضحك : خلاص يبقى تقولي حرمت يا بابا
وعد و هي تضحك بسخريه : حاضر يا بابتي
اوس : ايوه كده....يلا تصبحي على خير
وعد : و انت من اهل الخير
اوس : سلام
★★★★★★★★★★★★★
اليوم التالي...
اوس في بيت زين...
اوس : حياة الارتباط جميله اوي
زين : طب ما توريني صورتها....حتى اوصفهالك
اوس : عندك حق
ثم أخرج اوس هاتفه..
اوس : انا معنديش صوره ليها....بس اكيد هي حاطه صوره ع الواتس
ثم أمسك زين هاتفه....و قام بفتح الواتس...
اوس : هاااا طمني؟؟... حلوه؟؟
..............
#يتبع