حب اعمى

10

اوس : انا معنديش صوره ليها....بس اكيد هي حاطه صوره ع الواتس
ثم أمسك زين هاتفه....و قام بفتح الواتس...
اوس : هاااا طمني؟؟....حلوه؟؟؟
زين و هو يضحك : حاطه صورة قطه
اوس بضحك : باين عليك كده مش مكتوبلك تشوفها
زين : مانا هشوفها يعني هشوفها ماليش دعوه
اوس : تعالى الخطوبه و انت تشوفها...و بالمره توصفهالي
زين : عيوني....ده انا يوم الخطوبه دي هبقى معاك من اول ما تصحى لحد ما الخطوبه تخلص
اوس : جدع يا واد يا زين
★★★★★★★★★★★★★★
أثناء شراء الشبكه..
محمد : اختاري يا عروسه اللي انتي عايزاه و احنا تحت امرك
و عندما أظهرت وعد إعجابها بشىء..
كريمه بمكر : لا لا مش عاجباني......شوفي دي كده عاجباني اوي.....احلى من اللي انتي اختارتيها
وعد : تمام
اوس : خليني كده المسهم
وعد : اتفضل
اوس و هو يمسك الشبكه : اممم....دي اللي انتي اختارتيها صح؟؟
وعد : ايوه
اوس : ذوقك حلو اوي على فكره.....دي عاجباني جددا.....خديها طبعا
وعد بسعاده : تمام
★★★★★★★★★★★★★
كريمه بغضب : عاجبك اللي ابنك عمله ده؟؟
محمد : مهو انتي اللي حطيتي نفسك في الموقف ده......هو انتي اللي هتلبسي الشبكه و لا هي؟؟
كريمه : بس.....
محمد : بصي انا عارف انتي عايزه تعملي ايه كويس....بس مينفعش....البنت كويسه و محترمه....حرام تضيعيها من بين ايديه.....و ان شاء الله لما ربنا يتم على خير و يتجوزوا....هتبقي انتي و هي في بيت واحد......فلوسمحت فكري قبل ما تعملي حاجه...و متجبريش اوس على حاجه غصب عنه....دي وصيتي
كريمه : بعد الشر عليك يا حبيبي
★★★★★★★★★★★★★
اوس على السفره و هو ممسك بهاتفه يسمع ريكورد وعد : انا بفكر اعمل الخطوبه في البيت عشان العدد مش كتير....انت ايه رأيك؟؟
اوس : انا موافق طبعاً
منار بغضب جالسه ع الطاوله : عامل ايه؟؟
لم يرد عليها اوس لأنه كان يسمع وعد و هي تقول : تمام....بتعمل ايه؟؟
اوس و هو يضحك : باكل.....تعالي كلي معايا
كريمه بغضب : اوس
اوس بتعجب : في ايه؟؟
كريمه : مش بترد على منار ليه؟؟
اوس : مسمعتهاش
منار بمكر : مهو طبعا....وعد لحست دماغك
اوس : انتوا مالكوا بوعد؟؟
منار : هو انت عايزني اسيب اللي سرقت حب حياتي كده بالساهل !!....ده في المشمش
اوس بغضب : طب و الله العظيم لو حاولتوا توقعوا بيني و بينها.....مش هتشوفوا وشي تاني...و انتوا عارفين أن انا قد كلامي.... اشطا؟؟
ثم نهض من على الطاوله و صعد الى شقته..
قام بفتح هاتفه و سمع ريكورد وعد : بتاكل ايه؟؟
ثم قام بتهدئه نفسه و قال لها : مكرونه بالصلصه و الناجتس
★★★★★★★★★★★★★
وعد بتفكير : اممم؟؟...البيه بقى يتعلم يرد متأخر....يا ترى كان ايه اللي شاغله عني؟؟...طب استنى عليا بس نتخطب و انا هوريك النجوم في عز الضهر
وعد و هي تضحك : حالا و هتلاقيني عندك
ثم بعثت له الريكورد..
اوس و هو يضحك : انا مستنيكي على الباب اهو
وعد : عملت ايه في الشغل النهارده؟
اوس : اهو هترقى و هبقى موجه الماده قريب
وعد : مبروك.....بس صحيح انت مدرس ايه؟؟
اوس : عربي
وعد : النحو كان عقدة حياتي
اوس و هو يضحك : و انا بردو عشان مكدبش عليكي...و في الآخر طلعت مدرس عربي
وعد و هي تضحك : و انا كنت بكره الحفظ و الانجليزي...و بقيت مترجمه
★★★★★★★★★★★
يوم الخطوبه...
في الصباح..
زين ممسك ب طبله و يقف فوق سرير اوس و هو نائم..
زين و هو يطبل : بسم الله الرحمن الرحيم..و هنبدأ الليلاااااااه...آآآآآآه آآآآآه
اوس بخضه : ايه فيه ايه؟؟....ايه اللي حصل؟؟
زين بسعاده و بصوت مرتفع : اصحى ياعرييييس
اوس : في حد يصحي حد كده
زين : هي دي الطريقه ال Special بتاعتي
اوس : و انا مستغني عن طرقك يا أخي...و بعدين ايه اللي جابك؟؟
زين : انا وعدتك....و اديني وفيت بوعدي
اوس : يا ريتك ما وفيت
زين : يلا قوم صحصح كده....احنا لسه هنروح للحلاق عشان يظبطك
★★★★★★★★★★★★
في المساء..
وعد بقلق : ماما....ايه رأيك؟؟
سناء : زي القمر يا حبيبتي
وعد بقلق : ربنا يستر
مصطفى : مبروك يا حبيبتي
وعد : الله يبارك فيك يا بابا
★★★★★★★★★★★★★★
تحت منزل وعد....
زين : الشارع ده مش غريب عليا.....هي في انهي عماره؟؟
اوس : عماره رقم 26
زين بقلق : يا خوفي لو طلع اللي بالي
اوس : ايه اللي في بالك؟؟
زين مغير الموضوع : لا خلاص.....مبروك يا عريييس
ثم صعدوا في المصعد...
زين في عقله : و نفس الدور كمان و نفس الاسم....يعني صديق عمري طلع بيحب خطيبتي
كريمه : يلا يا زين يا بني....مالك واقف كده ليه؟؟
زين : أنا آسف....سرحت
ثم قامت منار بطرق الباب...
و قامت سناء بفتح الباب..
سناء بسعاده : اتفضلوا اتفضلوا
ثم قال زين : السلام عليكم
سناء و الابتسامه تختفي تدريجياً : و عليكم السلام...اتفضل
ثم قاموا بالجلوس في الصالون...
ثم جاءت وعد و هي تحمل العديد من اكواب العصير و بجانبها صديقتها روز...
و عندما رأت زين جالس و ينظر لها..اختفت الابتسامه و ارتجلت و قامت بإيقاع صينية الأكواب....
اوس وقف بإنتفاضه : ايه اللي حصل...انتي كويسه ؟؟
وعد بتوتر : انا أسفه....انا أسفه جدا بجد
سناء : حصل خير
كريمه بخبث : لو انتي مبتعرفيش تقدمي الكوبايات...اومال هتشيلي مسئولية بيت ازاي؟؟
روز و هي ملطفه الجو : خلاص يا جماعه....اخد الشر و راح....يلا يا عروسه عشان تلبسي الشبكه
ثم جلست بجانب اوس و هي حزينه...
اوس ملطف الجو : متزعليش.....و بعدين انا حاسس كده انك غيرتي ريحة البيرفيوم بتاعتك
وعد بإبتسامه : ايه ده انت عرفت؟؟
اوس : عيب عليكي دي لعبتي
وعد : طب انهي احلى ده و لا التاني؟؟
اوس : انتي احلى
وعد لم ترد و كانت في قمة الكسوف..
روز أعطت الشبكه لأوس و ساعدته كي يلبس وعد الشبكه و و اوس البس وعد الدبله و هي ايضا...
ثم بدأت الزغاريط.....
و زين جالس ينظر لهم يفكر في الخروج من البيت و لكنه وعد صديقه أنه سيقف معه في هذه الليله و سيسنده....فإضطر للبقاء و كانت كل دقيقه تمر عليه ك ساعات....
و قامت روز بتشغيل اغاني و دعت وعد و اوس للرقص...
كريمه بصوت منخفض لمنار : قومي اتلحلحي شويه
منار بغضب : عايزاني اعمل ايه يعني؟
كريمه : اتصرفي
منار بخيبه امل : حاضر
و كانت وعد ممسكه بيد اوس و يرقصان معا و الجميع كان يسقف و لكن....
قامت منار بدفع وعد للإبتعاد عنه....و مسكت يده و بدأت بالرقص معه و الميل عليه...ثم اقتربت منه عند اذناه و قالت له (مبروك)...
مما اشعل شعور الغيره عند وعد..
روز أخذت بيد وعد و رقصت معها....لعل و عسى تهوِّن عليها....و كانت تتمنى أن تنتهي هذه الليله سريعا..
بعد الرقص....جلس اوس جانب زين..
اوس : حلوه؟؟
زين بحُرقه و حزن : حلوه كلمه قليله اوي بالنسبالها...ضحكتها مفيش احلى منها....عينيها جمالها لا يوصف.....رقيقه جدا...و ...
اوس مقاطعا له : انت هتكتب شعر و لا ايه؟؟.....خلي بالك دي خطيبتي و انا بغير
زين ملطف الجو : الللاااه...مش انت قولتلي اوصفهالك
اوس : هعديهالك المره دي
كريمه طلبت من وعد الجلوس بجانبها...
كريمه بمكر : انا مش عايزاكي تزعلي يا حبيبتي
وعد بإستغراب : ازعل من ايه؟؟
كريمه بمكر اكثر : من اللي عملته منار.....اصل منار متربيه مع اوس بعد ما اختي ماتت....و كانوا بسم الله ماشاءالله لايقين على بعض جامد...و كانوا هم صغيرين بيحبوا بعض....و كل اللي كان بيشوفهم كانوا بيقولوا منار ل اوس و اوس ل منار....بس النصيب يا حبيبتي..... متزعليش ها
وعد بغليان داخلي و لكن بإبتسامه خارجيه : لا خالص ازعل ليه يعني
★★★★★★★★★★★★
في نهاية اليوم...
وعد : النهارده أسوأ يوم في حياتي بجد
سناء : وقعتي الكوبايات يا هبله...خليتي أمه تشمت فيكي
وعد : ماما انا بجد مش مستحمله حاجه....انا هتصل بيه هطلب منه نتقابل و احكيله عن زين و استفسر عن منار
سناء : هتحكيله عن زين !!!
وعد : انا عايزه علاقتنا تبقى مبنيه على الصراحه....و بصراحه ضميري مأنبني عشان مخبيه عليه
سناء : اللي انتي شايفاه
أمسكت وعد هاتفها و اتصلت به...
اوس : الو
وعد : هو انا ممكن بعد ما اخلص شغلي بكره اعدي عليك و نقعد نتكلم شويه؟؟
اوس : طبعا
وعد : تمام....تصبح على خير
اوس : و انتي من أهل الخير
★★★★★★★★★★★★
عندما تقابلوا...
وعد بصوت رقيق : عامل ايه؟؟
اوس : كويس...انتي عامله ايه حسيتك امبارح و انتي بتكلميني متغيره
وعد بهدوء و بعصبيه مع احمرار وجهها : ايه اللي بينك و بين منار يا اوس
اوس : بنت خالتي
وعد بهدوء و تهديد : ايه....اللي....بينك....و بين....منار...يا اوس
اوس : مالك يا بنتي ايه اللي حصل طيب فهميني
وعد : انت بتكدب؟؟
اوس : طب بصي طيب هحكيلك....بعد ما خالتي ماتت جت منار و عاشت معانا و بس...ده اللي بيننا و الله
وعد : كمل
اوس : اكمل ايه؟؟...مهي دي الحكايه كلها صدقيني
وعد : طب و لو قولتلك ان طنط قالتلي كل حاجه....هتكمل؟؟
اوس : لا بجد احكيلي هي قالتلك ايه؟؟
وعد بسخريه : قالتلي أن انت و منار بتحبوا بعض من و انتوا صغيرين و كل اللي يشوفكوا يقول منار ل اوس و اوس لمنار...ها؟؟
اوس بضحك : هي قالتلك كده
وعد بغضب : ايوه
اوس بضحك : تبقي هبله و الله
وعد غضب : ممكن تفهمني انت بتضحك ليه...و بعدين انا غلطانه اني طلبت أن احنا نتقابل اصلا....انا ماشيه
ثم نهضت من مكانها...
اوس بضحك : تعالي طيب متزعليش.... تعالي و افهمك
ثم اتجهت نحو سيارتها و لكنها شعرت بالندم ثم عادت إليه مره اخرى..
وعد بغرور مدموج مع الحزن (مقموصه يعني😂) : يلا نروح
اوس بضحك : رجعتي ليه؟؟
وعد : على فكره بقى انا لسه زعلانه .....متفتكرش أن انا كده مصالحاك
اوس بضحك : هصدقك حاضر
ثم دخلوا السياره..
اوس بتساؤل : انتي زع.....
لم يكمل كلامه لأنها ردت بسرعه قائله : ايوه
اوس : طب استني اكمل جملتي ياستي....بصي منار بتحبني
وعد بغضب : و بتقولها في وشي كمان
اوس : اسمعيني للآخر بس....حب من طرف واحد....انا دايما بقنعها ان هي اختي و كده... صدقيني دي الحقيقه
وعد و هي ما زالت مقموصه : حاسه كده انك بتقول الحقيقه معرفش ليه
اوس : صدقي احساسك
وعد : حاضر....انا كنت عايزه اقولك على موضوع كده
اوس : خير؟؟
وعد : زين صاحبك
اوس : ماله
وعد : انا كنت مخطوبه و اليوم اللي انا و انت اتقابلنا فيه اول مره كان يوم فشكلة خطوبتي....و خطيبي السابق كان زين....انا بس حبيت اقولك عشان تبقى علاقتنا مبنيه على الصدق
........................
#يتبع