جرح الماضي

الجزء ٥،٦

#جُرحً_اَْلّمٌاَْضيِ,,,,,
#الجزء_الخامس

طلعت هبة بسرعة من البيت لحتئ تلحئ تروح ئبل ما يجي ،وكانت بدا تئطع الشارع لحتئ تروح عسيارتها مكان ما ركنتها وهي ماشية وعدي مو منتبه ....
عدي :ههههه اي اي ليكني وصلت...
وأخيرا انتبه وعطول داس بريك ووئفت السيارة ....اما هبة وئعت من رعبتها وئعدت بالأرض وهية عم تلهت ....😓
نزل عدي وركد لعند هبة اللي كانت لسا ئاعدة وشعوا كلو مغطي وشا ....ولسا عم تلئط نفسها..
عدي :انسة صرلك شي ؟ اخدك عالمشفئ
رفعتلو هبة ايدها انو هية منيحة...
عدي :طب خليني اتطمن عليكي ،تعالي ساعدك لتوئفي..
مسكها عدي من ايدها رفعها ...ووئفها
هبة :شكرا..
ورفعت شعرا عن وشا وبس شافها عدي ئال :هبة هي انتي هبة 😳
اتطلعت هبة بعدي ..
هبة :عدي !!!؟شو الئصة عم صادف الكل هالأيام 😰
عدي :لك انتيايمتا رجعتي عالبلد
هبة :من حوالي 5 شهور...
هديت انفاس عدي وئال بصوت هادي :5 شهور وانا اخر من يعلم 😔
هبة :.....
اتطلع عدي بعيون هبة وئلا :اشتئتلك كتير ،كيف بتسافري هيك بدون ماتودعيني ،بتعرفي شو صار فيني لما سافرتي 💔
هبة :عدي انا رايحة بالازن
وفتلت بدا تمشي ،مسلا ايدها وئلا :هبة انا لسا بحبك ❤ وماتغير شي بئلبي ،لأني نطرتك كتير وكنت متأكد اني رح ارجع شوفك 😢❤
هبة :الله يريح ئلبك عدي ...بس كان لازم تكمل حياتك من بعدي لأني حاليا مابدي فكر بحدا لا فيك ولا بغيرك ، عكل حال فرصة سعيدة اني ارجعت التئيت فيك بالازن...
وتركت هبة عدي وائف وضلت ماشية ....
رجع لحئا وئلا :طب عطيني رقمك
هبة :مافي داعي
عدي :انتي كنتي زايرة كنان ؟
هبة :اي
عدي :ليش ،حتئ قيس بيعرف انك رجعتي وانا مالي خبر !
هبة :عدي .... انا ماكنت بدي ارجع بس الظروف حكمت ورجعت ،بس لاتحلمو ادخلوني بدوامات مشاكلكون متل ايام زمان .💔
وطلعت بسيارتها ومشيت....

==========================\
طلع ريان من غرفتو وهوة لابس بدلة رمادية وعليها ئميص أبيض ....
جيني :ياعيني شو سر هالاناقة الزيادة
ريان :اناقة زيادة ليش ئالولك متعود اطلع مبهدل من البيت 😒
جيني :ههههه لا انتة عطول بتطلع جنتل بس اليوم متل كأنك دالئ ئزازة عطر علئ حالك وللا هالبدلة شكلا جديدة 😍ليكون عندك موعد ...
ريان :هههه حزرتي
جيني :عنجد شو اسما شو مواصفاتا طويلة ئصيرة سمينة وللا نحيفة بيضة وللا شئرا 😍
ريان :ههههههههه لك خدي نفس جنجونة انا رايح احضر غدا لعرس واحد صاحبي 😂
جيني :اااه يعني مافي بنت 😒
ريان :لا مافي بنت 😁
جيني :بتعرف ريان صرت شك انك gay«شاذ » 😂😂
ريان :ههههه انا gay «شاذ»تعي لهون
وطلعت جيني لسانها علئ ريان وهربت عغرفتا

طلعت فرح من الغرفة ولما شافت ريان رجعت خجلت وبلش ئلبا يخفئ من الرهبة
ريان :اهلين انسة منئ
فرح :اهلين سيد ريان

ضل ريان يتطلع علئ علئ فرح وبلش يئرب عليها شوي شوي وهية مرعوبة وعم ترجع خطوات لورا...
ريان :يعني مابدك تئولي من شو هربانة
فرح :ااانا ...😰
وضل يئرب عليها وهوة عم يتطلع بعيونا وهي ترجع لورا لحتئ لزئت بالحيط ،سند ايدو عالحيط من جنب وش فرح والايد التانية حطا بجيبة البنطلون ...وضلت فرح تطلع بعيون ريان اللي كانو عم يلمعو وريحة عطرو يلي تغلغلت جواتا عئد ماكان ئريب عليها....وحتئ انها حست بانفاسو ....❤ وبلش يحاكيها بهدوء
ريان :ليش هيك عم ترجفي ؟
فرح :مو ...شي 😓
ريان :انا متأكد اني شايفك ،مابدك تعترفي انتي منين اجيتي ومن ايمتا بتعرفي اختي هبة 🔥
فرح :اانا حكيتلك انا من ايمتا بعرف هبة 😥
ريان :مااقتنعت ...
بلشو عيون  فرح يدمعو وكانت بهديك اللحظة رح تعترف بكل شي لحتا ترتاح...
بعد ريان فجأة وئال ؛:يالله انا اتأخرت عن ازنك انسة .....منئ 😏
وطلع وفرح ضلت لازئة بالحيط ومصدومة من الموقف اللي صار 😳
فرح :ياربي هاد لسا شاكك فيني والله ازا عرف انا مين يمكن يدبحني 😢😨