جرح الماضي

الجزء ١٩،٢٠

#جُرحً_اَْلّمٌاَْضيِ,,,,,
#الجزء_التاسع_عشر
مر فترة وبلشت العطلة الانتصافية للمدارس ...
وكانت هبة بتحاكي جيني عاللاب توب..
هبة :كيفك يازعرة
جيني :I'm mess you sooo motsh
هبة :اي حاكيني عربي 😒
جيني :خهههه اي خبريني شو اخبارك
هبة :اخباري ...الحمدلله 😔
جيني :هبوشة حزري شو
هبة :شو ...
جيني :ماما سمحتلي ارجع لعندكون 😍
هبة :جد اي اهلا وسهلا ،البيت كتير هادي وممل ومالو طعمه بلاكي 😉
كان ريان طالع من قصر العدل لما سمع صوت حدا بحاكيه..
....:استاز ريان !
التفت ريان  :انسة لولوة
مدت لولوة ايدها وسلمت عليه
لولوة :شو هالصدفة الحلوة
ريان :فعلا ...شو كأنو عندك مرافعة ؟
لولوة :مم لا خلصت وهلئ طالعة عالبيت ..
ريان :اي سلميلي عالست الوالدة لكن
لولوة وبغصة :ماما عطتك عمرا..ودمعت عيونها
ريان :انا اسف لولوة ماكنت بعرف..الله يرحما
حس ريان انو زعل لولوة
ريان :انسة لولوة انا كمان خلصت ازا حابة بنتمشئ شوي ؟
لولووة :اوك...
وراحو يتمشو سوئ....

بصراحة كان ريان بحاجة لأي شخص يئعد معو صديق يفضفضلو ويسندو وخاصة بعد موت فرح ..وكانت لولوة هية الخيار المثالي وبالفعل كان لقائو فيها متل تعويض الو عالفترة اللي مر فيها ....❤

==========================\
اما قيس مائدر يتجاوز ئصتو مع هبة ،وضل يحاول يتواصل معها بشتئ الوسائل بس بدون اي فايدة....😔
وبيوم كانت هبة طالعة من البيت وشافت قيس وائف عباب العمارة ...
حست ئلبا رح ينفجر وبضعف وبئوة بنفس الوئت ،نزلت عالدرج وحاولت ئد مافيهاتتجاهل وجودو ومرت من جنبو ...اتدايئ قيس
قيس:لهالدرجة ...شو اللي غيرك ؟
ضلت هبة طالعة وما رضيت تجاوب...💔 لحئها لبرة ومسكها
قيس:لا تتجاهليني هبة ،فهميني ليش هيك عم تعملي ؟
هبة :قيس تركني هلئ بشوفونا الجيران
قيس :خايفة من الجيران ،اي خليون يشوفونا خليون يعرفو اني بحبك وبلش يصرخ :اييي انا بحبك ❤
هبة :لك مشان الله سكوت ...
قيس :ركبي خلينا نروح نحكي بشي ئرنة
هبة :مابدي ..
قيس :مو علئ كيفك 😠
وجرها وطلعها بالسيارة غصب عنها وركب ومشي...
هبة :قيس من الاخر شو بدك ؟
قيس :بدي اعرف شو اللي غيرك 💔
سكتت هبة وضل قيس ساكت وطول الطريئ وهنن يتزكرو الأيام اللي عاشوها مع بعض 💔😢
وشغل قيس راديو السيارة وفجأة طلعت اغنية «كزبك حلو ..شو حلو لما كنت شي كزبة بحياتي ..كزبك حلوو ياأول كزبة سدئتا بحياتي ..»
وبس سمعت هبة الأغنية انفجرت بالبكي
هبة :قيس وئف السيارة هون ..
ركن قيس السيارة ونزلت منها هبة وئعدت علئ كرسي عإطلالة عجبل وطلعت محارم وبلشت تمسح دموعها...ئعد قيس جنبا هبة بس ئليلي شو سبب هالجفا كلو ؟
هبة :مو جفا بس انا عنجد غيرت رأيي اكتشفت انو مو انتة الشخص المناسب الي قيس...
قيس :يعني ما بتحبيني ؟
هبة :اي
قيس :كزابة ... عيونك فاضحتك
هبة :قيس بكفي ...انا اتعبت من هالئصة
قيس :تعبتي!! ليش مين اللي عم يعزب التاني
صرخت هبة :انتة مفكر الشغلة بإيدي ،لك انا رح اخسر اخي الوحيد ازا ضليت معك 😢😣
قيس :وشو دخل ريان ؟
هبة :شلون شو دخلو ،قيس ريان خيرني بينك وبينو ،كرمال ئصة فرح ...ريان حاطط اللوم عليك
قيس :ليش هيك عم يصير معي ..😓
هبة :هي هية الئصة ...وهلئ كزمال الله تركني. بركي ائئدر انسئ ..
وئفت بدها تمشي ...
قيس :هبة تتزوجيني ؟
هبة :لك قيس عم ئلك رح اخسر اخي من تحت راسك ..💔
قيس :لك هبة انتي واعية وكبيرة وبتئدري تاخدي القرار اللي بدك اياه ،ريان ما الو يدخل بحياتك...
هبة :يعني بدك اياني اتزوجك غصبن عنو ..
قيس :حئك ..
ئربت هبة علئ قيس واتطلعت بعيونو وئالت :قيس كيف ئدرت تئبلا عليي اطلع عن شور اخي وما ئبلتا علئ حالك لما اختك لينا طلعت عن شورك وتجوزت اللي بتحبو ...!؟
انصدم قيس وئلب وجهو اصفر
قيس :انا اصدي ...
هبة :قيس انا فهمت اصدك منيح مافي داعي تبرر...لك انتة شو لينا لحد الان وانتة مو معترف فيها لحد الان ومارضيت تسامحها ...عنجد انك اناني ...😢
قيس :لا انا مو اناني ...بس من حرئة ئلبي
هبة :اثبتلك انك واحد اناني ...
قيس :...
هبة :كنان ..انتة اناني لدرجة خفت تعترف لعدي انو كنان بكون ابن اختو سحر ..جبان او حتئ عديم الثقة بالنفس ...وانا بعد الكلام اللي حكيتو اليوم معد ائئدر اثق فيك بالازن قيس..
وراحت وتركت وراها قيس بدوامة صمت وغل عبت ئلبو وئعد حط ايديه عوشو لحتئ يئدر يستجمع ئوتو بعد اللي سمعو من هبة....💔