حكاية و فنجان قهوة ☕

🚶‍♀️🚶‍♀️

- متزعلوش لما عيالكم يقفلوا علي نفسهم الاوضه بالساعات وميحبوش القعده معاكم بسبب الانتقاد والكلام اللي زي السم اللي بتوجهوه ليهم ..
- لما يكبروا و يكرهوا كلمة " إن شاء الله " .. لأن كُل وعد توعدوه تقولوا إن شاء الله و مايحصلش !

- لما شخصياتهم تبقي ضعيفه وما يبقاش عندهم ثقه في نفسهم لانكم ما بتديهومش فرصه يعبروا عن اللي جواهم ودايمًا تستغبوهم .
- لما يكرهوا الصلاه و المذاكره ! لأن من أقل غلطه يغلطوها تسألوهم صليت إيه النهارده ؟! ذاكرت ولا لاء ؟ كأن الصلاه والمذاكره عقاب .
.
- لما يكرهوا الجواز بسبب المشاكل اللي مبتخلصش وبتولع علي اتفه الاسباب .

- لما يكرهوا النقاش معاكم لانكم بتقللوا من اراءهم سواء في السياسه او الحياه عامةً .

- لما كل يوم قبل نومهم يعاتبوكم وهما في اوضهم في سرهم و قد إيه في فجوه بينكم بسبب قلة التفاهُم والاحتواء .

- لما يفشلوا في الكليه اللي اخترتوهالهم بسبب تدخلكم في مستقبلهم و منعهم عن حلمهم المؤمنين بيهم !!

- لما يكرهوا السفر معاكم في مصيف مثلاً .. لأنكم بتتعصبو عليهم وممكن تقلبوا الفُسحه غَم !

- لما يحبوا اكل المطاعم لأنكم بترفضوا تعملوا طرق جديده في نفس الاصناف الموجوده من اكل البيت !

- لما عيالكم يكرهوا بعض لأنكم بتفرقوا في المعامله بينهم و تميزوا حد عن التاني .. وتتحاسبوا يوم القيامه بجريمة الظُلم . !!

- متزعلوش لما تلاقوا ابنكم أو بنتكم كاتبين علي الفيس " كل لما أتمناه حُضن يحتويني " لأنكم مجربتوش تحضنوهم حتي ولو بكلمه حلوه .

- لما يطلعوا مكلكعين من جوا وتفيكريهم محدود بسبب كلمة " انا وانا قدك كنت بجيب لبس كذا .. بصرف كذا .. " ! رغم ان سيدنا علي قال : لا تربوا أولادكم كما رباكم ٱبائكم فهم خلقو لزمان غير زمانكم !!
- متزعلوش قوي لما بنتك تبقي تعيسه ف حياتها الزوجيه بسبب عريس فرضتوه عليها مع ان حقها الشرعي تتجوز اللي يعجبها حتي ولو بعد ١٠٠ سنه .
- عمر طويل لما تقابلوا وجه كريم وعيالكم ميحنوش للقائكم لأنكم زي الطوق علي رقابيهم و بفراقكم اتنفسوا .. بقوا أحرار !
في مثل بيقول
.. " يا كبار البيت اتوصوا بصغارُه بكُره صغارُه يبقوا كبارُه ! "
ــــــــــــ
المؤسف أن بعد كل ده بتلوموا العيال بتلوموا أولادكم على أخطائكم بتلموهم و أنتوا اللى مش عارفين تربوا.
التربية مش لعب عيال و لازم تفهموا ده و أساليب الضرب غلط جداً و بتطلع جيل كله اضطراب نفسى و افهموا أن مش علشان أنتم الاهل فأنتم بتعملوا كل حاجه صح و لا أنكم فاهمين كل حاجه.
(منقول)
_________
رأيكم