عشق في بلاد حروبها لا تنتهي 5 ( شهيد الواجب )

البـــ التامن ـــارت

_
عِــشق فـي بِـلاد حُـروُبِهـــا لا تنتّٰــهي 5 ( شهيـد الـواجب )

في البارت السابق
ضربو الشباب التحيه وقالو بـ صوت واحد :حاضر فندي
تلفت الافندي علي طلع من الدار وخلا الشباب لـ ستسلمو لـ ضحكتهم علي كلام رواد لـ تلوح علي سريره بـ تنهيده :ااااااااه ياقلبي الممغوص اااااه
ضحك منذر :ههههه وووووه خلاص بطني هههههه بطني
طبطب جابر علي كتف منذر وقال بـ ضحكة :هههههه اليوم بـ رعاية يابلادي يابلادي هههههههه
هارون :ههههههه بجهدي وجلادي يارواد ادفع كيد الاعادي ههههههه

قراءة ممتعة 💛
البـــ التامن ـــارت
.
.
ويَــالِيلـة من لَيــاليِـكُم يَـارفَـاق الـرُوح 🌌✨
.
وفي ظلام الليل الدامس كانو راقدين السته علي سطح مبنا الكليه وهما مولعيين سبسي واحد يجبدو منه ...
قاسم تلفت حولينه ورجع شبح لـ مصعب المتكي علي رجلين هارون وهوا يتحاور معاه بـ ترجي :تي شفطه بس يابرو بالله خاطري نجربه ازح
رفع رواد صبعه بـ ضحكه :لا لـ الإنحراف لا لـ المخذرات
ضحك جابر :ههههه كلاب تي نوضو هيا كان يجونا يوروكم الدخان شن نصه
قاسم :اصلا اني مقعمز نراجي فيهم يجونا ، تي هيا ياولاد وربي نرعش مع بعضي راني خايف ماعنديش جواجي لـ الرقده في الشيلا
منذر خدي السبسي من هارون وجبد منه ونفخه في السماء وقال :ازح نفختوهم تي كلهم خامدين سكرو افومكم خلونا نستمتعو شوي انم
مصعب رفس منذر بـ رجله :اعطيني انم هيااا
فك رواد السبسي من منذر ومده لـ مصعب مع صيحة جابر :يامسخ انت مايجي من وراك الا لمصاايب ماتعطيشي
رواد :اجبد بسرعه
جبد مصعب من السبسي لـ اول ماوصل لـ رئاتيه لـ اول مره تستقبل الدخان طلعت من مصعب كحة خلت الشباب كلهم ينوضو بـ خلعه يقربو من مصعب لـ حط يديه الزوز علي فمه وهوا يحاول يكفي كح بـ إحساس بـ صدره بيطلع مع كل كحة يكحها ، وكان ماطلعت روحة من الكحان حـ يطلعهاله قاسم لـ يخبط علي ضهره وهوا يتمتم :الله يرزيكم في الدخان ولا تربحكم
دفه رواد وقرب من مصعب ورفعله طرف تشرته من التاله وقلبه علي راسه وبعد نفض يديه وشبح لـ الشباب لـ يشبحوله كيف رجع تمدد علي الارض وقال :خلوه توا مغموم في روحكه شوي ويولي علي الكيف
عيط مصعب وهوا يحاول ينحي تشرته من علي راسه مع الكحة لهدت شوي :تي زودولي
جبده منذر وحوله تشرته وضربه علي راسه :هدا الدخان لـ تبيه يامسخ
ضرب مصعب علي صدره بـ شعور الدهشه وهوا يشبح لـ منذر لـ رجع تمدد جنب رواد وقال بـ تنهيده :ياعن شكلكم قريب لميتو علينا الكليه
قاسم :اني قلتلكم حني وجوه مشاكل ودوشة هدا المكان مش لينا هيا نوضو
رواد :وقسما عظما كان ماتسكر فمك ياولد قاسم وتبطل نقان علي دمنقلي لما نوض نمسح فيك دم قلبي
نفخ قاسم وهوا يضيق عيونه لـ هارون لـ ضربه بـ رجله وقال :ماتعياش من النق ياسر ياسر
منذر :خلاص اهدو شوي ازف وانتم ماتعيوش من الدوه تمرقدو لوطه
رجع مصعب اتكه بـ ضهره علي رجلين منذر ، وجابر تمدد جنب رواد هوا وهارون لـ شبح لـ قاسم لـ كان كيف بـ قول حاجه بس جبده من تشرته وسكرله فمه بـ يده وخلاه يحط راسه علي بطنه وقال :تمرقد وسكرنا فمك تمرقد مرقد جدي لـ ماعاد ناض
ضحك رواد لـ ضرب هارون علي فمه وقال :لا لـ الشتم لا لـ العنف ههههههه
ضحكو الشباب لـ الهدوء انتشر بينهم وقعد كل واحد سارح في افكاره وبعضهم إلهي في تليفونه ...
.
( اني وروفيدة بايتيين عند عمي بالقاسم )
كح مصعب وهوا يمسح علي صدره ويرد علي مسج اخته رتاج (ومخليين امي بروحها )
رتاج (لا ماما مشت عند خالتي سامية قالو غدوة ماشين بيخطبو لـ أيهم )
مصعب (وانتم علاش ماشين لـ بالقاسم )
رتاج تلفتت لـ إينـاس لـ خشت حطت صهيب الراقد في سريره وشبحتلها :تعالي هيا نتعشو هدا عمك بالقاسم شكله مطول واني عصافير بطني بدو يندبو هههه
ضحكت رتاج :هههه هي جايه غير ارد علي مصعب بس
ايناس :سلميلي عليه
هزت رتاج راسها وقعدت تشبح لـ ايناس لين طلعت من الدار وخلتها ترجع تشبح لـ تليفونها وترد علي مصعب (ايناس كلمت ماما باش تخلينا نباتو عندها مشي ماما قالت باهي ) ( وغدوه بطلعنا بـ تخذنا حوايج اني وروفيدة )
بتسم مصعب بـ شعور السند والعيلة لـ فقده من عمامه وخواله وعطاهوله القَـاسي وتوا تعطي فيه ايناس لـ خواته ، ( ماتقعدوش تطلبو هلبا ) ( وردي بالك علي اختك وعلي روحك وعلي امي )
رتاج (حاضر حتي انت رد بالك علي روحك )
.
( نتحشم ازح نخش من بين خوتك وبوك تحسيها مش لايقه )
سما (عادي علي راحتك زي انت زي عميمة سمية المهم الهدف واحد ههههه😂🤭)
شد منذر ضحكته قدام لولاد ورد (ههههه ايوا عليك نور😂😂 ) ( لكن تو ندير حل واللبسلك الدبله اني )
سما (كيف 🤓؟؟)
منذر (عادي لو كان تطلعي قدام حوشكم اللبسهالك وتخشي )
سما(ههههههه مهبول باه خش وريح راسك )
منذر (لالا نتحشم )
سما(ياحليلي من حبيبي الحشومي😍🥺)
منذر (مش قصة حشومة يااميرتي لكن قدر لـ بوك وخوتك ، عارفتيني  كان عليا والله نخش حتي لـ دارك ماعندي مشكله 😂😘)
سما ( عارفاتك لا تتحشم لا تستحي 🙃😂)
.
(اهلين )
بعت هارون الرسالة وقعد في المحاذته وهوا يراجي في ردها اول ماشاف انه شبحت الرسالة ، قعد يراجي دقيقه اتنين تلات اربعه وماردتش لـ خلاه يـ قرن حواجبه ويبعت (شني ماتبيش تردي )
رانيا (نعم )
هارون (شن نعم اهيا)
نفخت رانيا وبعتت (شن جوك )
شبح هاون رسالتها لـ ستفزاته هيا وبرودها لـ بدي يحس فيه منها علي غير العادة ، سكر النت والتليفون من غير مايرد عليها وشبح لـ السماء لـ لحظات وتلفت شبح لـ رواد لـ مغمظ عيونه وحاط رجل علي رجله التانية ويحرك فيهم يمين يسار .
بتسم هارون ومر بـ نظره علي مصعب ومنذر اللي لاهيين في تليفوناتهم وجابر وقاسم سارحين في العدم ، رجع هارون تلفت لـ رواد ونخزه بـ صبعه في جنبه ودندن بـ ضحكة :يامسكينه يامسكينة يلطف الله بالحال
ضحك رواد وبدي يغني بدون مايشبح لـ هارون لـ رفع يديه وبدي يصفق بـ خلعه من الشباب علي صوت تصفيقه وغني رواد ...