///❤مسائكم رحمه ومحبه❤////
//////#نازك_الحمراني///////...
/////#المــہــــيوب/////_......
/////#بارت_السادس/////
.......
أبنچ فریجي مادنج راسه..
وان رديت عايش أخذچن انی الاهلی
گل وحده بیهن وکفت ودمعها یهمل تاخذ من خاطره وتشجعه
كحيله جهزت اله الحصان
مكيه حضرت الزاد
خوله ركبت السراج
وبنوره لبسته البرنو على جتاف
طلع منهم والهلاهل والدمع يودعنه
طك حصانه حیل کاصد آلرميثه
استقبلو الثوار،ولن يريد يدش وي الثوار أجت الطيارات البريطانيه تقصف الشباب
الواكفه
أجتمعو زلم العشاير أبمضيف تابع المنطقة الرميثه..
فات احد الشيوخ المستفيدين من الاستعمار بسبب توزيع ألكيعان گلهم
-آکعدو یالغمان أول مره الجنوب أجت ناس تنصفه وتخلي بخير،ودلال
بعد ماچان مگید عند ألعثمانين وكل يوم يبوكون حلاله،ويظلمون
تعلمتو بلغمان لازم واحد يسوگوگم مثل المطي
تگرب عليه واحد من الوجهاء ینتر بیه
گله منهو الغمان تعرف الشیخ الي ياذن بجامع شصاح((حل الفرض الخامس کوموله))
وانت تگول غمان..هوسة الشيوخ فرض خامس هو الجهاد
صاح الفریجی
-تعوفو هل زلمه خافن نطوه گاع ویصیر من یگطعون رزق الوادم
عافو الزلمه المستفيد
ورگب الفريجي والزلام الخیل وهنانه صارت مواجهه بین ثوار الرميثه والمحتل
لزم جدك الفريجي"فالة"ولي سواها من خيزرانه وبرأسها اربعة خطافات رماح
يتعارك وي النكريز لأن سلاحه خلص چیلات
جدك ركض ورى النكريزي بلفاله
شرد النكريزي شمر جدك الفاله نیشنها حیل
نبتت بضهر النكريزي ألي بقى يركض والفاله بظهره
صعد النكريزي بسيارة ربعه العسكريين
صاح جدك "رد فالتنة حتازيناهة"
يركض ورى السياره يريد فالته ويصيح " بهوسه
"مشكولة الذمة على الفالة"
صارت الهوسات تلعلع و الرصاص بكل مكان تقدمت العشاير وزلامته تعارك
وكدرو خلال ايام يطردون النكريز
وصار مواجه قويه
خلت المحتل بعد أن عجز يواجه المالحين
گام يقصف العشاير بطيارات ربع نهار
وانتصرو الثوار سلم جدك عليهم
ورجع بخيله يريد يروح للعمار
شاف الهباب بطريق الكطعه نزل سلم عليه
-هلا بلنسیب،شونک صحتک
أنت تقرأ
المهيوب
Romanceروايه ليست اي روايه عاديه..لرجل يتزوج سته عشر أمرأه لكن تأتي واحده ذات عيون(الريم)تكن هي سبب عشقه،هيامه،وموته،ليأتي حفيده العاشق،الذي يعيد ترتيب موازين مجالس العشيره في القوانين و الحب وفي والحروب القبليه...لتكون سطور الروايه كأجمل من قال في الحب،وا...
