المهيوب

البارت الثالث والسبعين

...صباح المحبه....
....نازك الحمراني.....

...البارت الثالث والسبعين ......

المريه الواكفه ورى ابو سجاد اذا هي واكفه وياه لان تعرفه ويعرفها الموضوع هنا بيه انه وکأنه

وذا واكفه وراه تريد تركب سيارتها يعني متعرف فهنا هي راح تكون النه سند وتچوه وتعرفنه مکانه ابوسجاد

-لیششش شنهي هل حرمه

--انه اگلك ليش لان هل مریه مثل مایگولون ایدها واصله

-قصدك واصله بلحکومه لو شنو مفهمت

-لااااا واصله یعنی مثل میکولون عند المصریین المعلمه وساسهه قوي وصاحبت ملك،ومحلات وعرفه

-عرفه شنو؟

-عرفه يعني معروفه چانت وفي يوم من الايام چانت تستغل عرافه،او كشافه بس مو اي كشافه لااااا

-شنهي حرمه لو بلااااا

-اكثررر بعد يگلك شايله جمال يمووت وانه من شفتها من بعيد تهف من البياض

-طويرق لوما جاي تركض انت حرمتك
على فرخ تالي هيچ تحچي

-استغفر الله مو قصدي بس انه هنا جاي و اوصف الك حلاتها

-المهم انت تعرف عنوانها رقمها

-لا عنوانها لا ورقمها ولا اي بس هم لاااا اسمها اعرفه ومية الف من يدلك هاااا وانتظرني
ارجع مرتي للعماره،وابقى يوم وارجع الك اليوم الثاني

-شلون ترجع ثاني يوم

-مو اليوم أحد باجر ثنين الثلاثاء يمك وانتظرني انروح للكراده ونسأل عنها وهناك يدلونه

-لاااااا خويه خافنك تبطي اطيني الاسم وانه اروح بنفسي مال أسأل عنها محد يدلي لأن اتشوف الناس خايفه،يعتقدون انت خاف تريد تگتل او تأذي هل شخص
اذا سالت عنه

-فعلا مثل ماتكول محد يدلي الناس تخاف لذالك يخوي توكل وروح وانه يومين واكون يمك والمريه مكانها مو بعيد عن الشقه مالتك لان هي تسکن بلکراده خارج ،

-بعد شنو معلومات مهمه شويه

-المريه عدها محلات انشائيه وهمين محل چبیر كوزمتك وعدها صالون صغير
أسمها(ابتهاج بيجو)

-بيجووو شنهي هذا الاسم

-لان عدها سيارتين بيجو مدري تلاثه هيج سمعت مدري دلع مالتها بعد الله يعلم وحتى ماتنسى اتذكر سيارة بيجو

-يله خويه خليني اتوكل اروح للكراده وانت الله وياك

انطلقت للكراده بسيارتي،من شارع الى شارع ثاني بقيت اوكف السياره وافتح الحام واسال عن ابتهال بيجو كل ماأكول
راح اندل مكانها يخيب ظني
لأن محد قبل ينطيني عنوانها