🔥 روآيآت سـيف آلقمـآطـي 🔥🔥
الحلقة 12 🔞
رواية #مسألة شرف
نعيمة: هي نفطر ونطلع طوول ولا انكلم التاكسي يجيء لعندي......لا لا توا يقولو يجوها رجالا لعند الحووش 🙁 نأخد شويهة حاجات والباقي خله يقعد مرات نطلع طوول للشقة اني وريهاام 😶 اي احسن
فطرت خذت الفلوس والذهب متعهاا للي في الحوش دارت شنطة كبيرة متع سفر حطت فيها شويهة قفطاين على دواء وحبووب منع الحمل تأخد فيهم بأنتظام 💔 شويهة دبش ل ريهام والدب الباندا للي اتحبه.....
طلعت من الدار تذكرت التليفون وخيط الشحن!
نعيمة: هذا اهم شيء على شوي نسيته...وينه وينه توا
اكيدة في الدولاب فتحت الدولاب وشمت طول عطر ريهاام 😥😥!
نعيمة: اخخخ يابنتي اخخخ دايما نظيفة وانيقة لكن أولاد الحرام حولوك لوحدة مغتصبة من مزال ح يتزوجك ويرضآ بيك بعد مافقدتي عذريتك من! 😭😭😭 تبكي من جدهاا 💔!
نعيمة: اهوو تليفونها مقفل من هذكا النهاار معاش شافته.........
بكت وطلعت من الحوش بعد ما سكرت الباب والرواشن كلهم وعارفة روحها مش ح ترجع......
في الطريق تمشي على رجليها؛/
جلال: نعيمة وين ماشية بالشناطي......
وقف عليها السيارة
نعيمة: خير خير
جلال: كيف حالك وحال ريهام....... وين مااشية
نعيمة: والله ماعاد شفتها من اول امس؛/ والله حصلت أجار بعيد شويهة على الاقل لين ريهام تنسآ وترتاح النفسية متعها!!
جلال: اي معاك حق باهي توا وين ماشية......
نعيمة: بندور تاكسي ونمشي انطلع ريهام وطول على الشقة......
جلال: اركبي توا اني نرفعك وعل طريقي نطمن على ريهام.....
نعيمة: بالك انتعبك ☹️
جلال: لا اركبي عاادي.
نعيمة: ركبت بعد ماركبت البضاعة تمام يبارك فيك
جلال: ساكت ورجع من نفس الطريق من جديد......
.
.
.
جلال تليفونه يرن.......
نعيمة: كانت صافنه في الطريق واتفكر شن بدير وبتقنع ريهام بس فاقت على صوت الرنة......
جلال: نقص السرعة شويهة وشاف التليفون في سره؛/وااااك نجمة 😒
نعيمة: رد على الاتصال مادورني أني.....
جلال: حط التليفون صامت ورجعه مكانه 😴
جلال: حقا بنقولك على موضوع ؟
نعيمة: اتشوفله وساكتة
جلال: بنقسمو الورث اليوم بنقولك نسيت....
نعيمة: اها اي
جلال: مصطفى شاف واحد بيأخد الارض الغربية اليووم وثمنوهاا يصحلك في حدود 40 ألف والارض،
نعيمة: أني منقدرش نمشي غادي انت تعرف خواتك انوكلك انت علينا كان معندكش مانع 😐!
جلال: اي اقعدي بس منبوش عرااك زايد وان شاءالله صحتك تأخديها 😕
نعيمة: يصير خير
جلال: تمام
أنت تقرأ
مسألة شرف 🔞(( روايات ليبية ))
Randomرواية منقولة للكاتب سيف القماطي ( مسألة شرف) ليبية ❤ من اقوى الروايات على الاطلاق رواية 🔞 حلووة مشوقة وحزينة في نفس الوقت رواية تحكي قصص مختلفة من الواقع
