🔥 روآيآت سـيف آلقمـآطـي 🔥🔥
روآية #مـسـآلة-شـرف
آلح ـلقة #23
قرآءة مـمـتعة 🍯🧡•
هنادي: كان قعد معاك خير اشيي هالمشوار ساعة بس
واصف: طالع عندي شغل خيرك انتي ماتفهميش ارفعيه معاك شن بيدير؟؟
هنادي: 🙄 باهي خلاص!!
واصف تفكيره مشي عند يزن ومخطط لكل شيء
هنادي حطت الغذي يغذوو وجت الساعة 3 مشت هنادي وولدها قررت ترفعه!!
ووصلو لحوش العيلة 🙂🙂
هنادي: اهلين اهلين كيف حالكم؟
سعاد في سرها: كنا بنهربو عليها لكن على الموعد لولا الداره ماجدة رااه مشينا،، تمام الحمد لله وانتم
هنادي: هيا ح انراجيكم برا
سعاد: هي دقائق بس اطلعي ياماجدة خيرك
ماجدة: من بعيد كيف حالك هنادي وشن حال خوي واصف
هنادي: الله يسلمك باهية الحمد لله؛/ كيف حال الصغار
ماجدة: باهيين يطيرو ويطيروو 😶!!
سعاد: الجارات أكيدة يراجو فينا هيا اطلعن
هنادي: مسكت صهيب وتمشي
ماجدة: بالشويهة عليك وانتي طالعة خط خيرك العفو
هنادي: أبتسمت وأنطفئت طول بمجرد ماتذكرت موضوع واصف ومروة 😥!!
هنادي في سرها: انتي طالعة اتغيري جو خليك منهم الكلاب هذيكما حسيبهم ربي 😫!!!!!
.
.
واصف ولع السيارة وطول عند يزن بعد ماكلمه وقاله على المكان؛/
يزن: ماشاء الله عليه الراجل الحق ارتحتله ومن عز النااس ربي يحفظه الحق كلامه وأسلوبه يريح النفسية 😕
_____________________
ريهام خلاص قررت نطلع من داري 😔 بس خووف قاعد في قلبي فتحت الطقة الاولى الثانية وجبدت الباب وخايفة طلعت وجهي وكنت مستعدة لأي شيء بس الشقة فاضية هدووء يقتل؛؛
طلعت ومشيت على رؤؤس صوابعي لأن نعرف كان في راجل في الشقة شن يصير فيا ومش ناقصني هم
الشقة فاضية مافيها حد حتى أمي طالعة بس وين الله أعلم 😔💔!!!!
كيف أمي تغيرت معاش اتعامل فيها زي قبل وكأنها تبي تتخلص مني باهي أني شن دخلني هيا السبب في كل شيء يصير وقاعد يصير لتوا
من امبارح مادورتني وحتى لما جت تبي تتأكد من الدار مفتوحة ولا مسكرة 😰 انجوع نطلع نأكل نطلع للحمام انموت في داري وماحد حاس بيا
تذكرت الحمام خلاص من امبارح اجنابي ح يتربقو مني خشيت طووول 😶!!! .
.
.
.
واصف: أها وين؟؟
يزن: قدام المركز كيف ماقتلك اهوو نشبح فيك أني اقعد في مكانك أني جااي لعندك
واصف: اوكي
يزن: سكر الخط وطلع طلقة عند واصف
واصف: أول ماركب صفن في تفاصيل وملامح وجهه
يزن: شن الاخبار؟؟
واصف: بخير بشوفتك
أنت تقرأ
مسألة شرف 🔞(( روايات ليبية ))
Acakرواية منقولة للكاتب سيف القماطي ( مسألة شرف) ليبية ❤ من اقوى الروايات على الاطلاق رواية 🔞 حلووة مشوقة وحزينة في نفس الوقت رواية تحكي قصص مختلفة من الواقع
