🔥 روآيآت سـيف آلقمـآطـي 🔥🔥
الحلقة 4
رواية مسألة شرف 🔞🔞
نعيمة: تعالي ريهام برا جنبي......
ريهام: هي جاية
نعيمة: مصدقة الناس انتي ولامصدقة امك!!؟
ريهام: مش هذرزنا فيه الموضوع هذا من قبل وفهمت منك شن صاار بالتفصيل!!
نعيمة: ههه نسيت..
ريهام: اكيدة انتي ياامي ❤🥺
نعيمة: اني توا طالعة وبنرفع الدبش عند الجارات بالك وحدة تشري!!؟
ريهام: وكان يعاملوك مش كويس
نعيمة: لا لا ان شاءالله ماسمعوش 😶😶
ريهام: لا سمعو الكل وياناري ظلموووك حتى رزان للي قبل كل يوم اني ويااها معاش جت عندي...
نعيمة: مادوري حد المهم للي خاطرك فيه ديريه!!؟ 😳
ريهام: تمام ربي يساعدك!!؟
اتصال ل نعيمة........
نعيمة: ايوو اختي شن جوك وينك معاش تسألي؟!
اختها: اتفوو عليك وعلى عملتك السودة ياريت قتلوك
ريهام: كأني سمعت شيء بس خليت روحي عادية مش امي ماتهربش من جنبي.....
نعيمة: ناضت باهية الحمد لله وريهام اهيي جنبي كويسة...؟؟!
اختها: اتغيري في الموضوع ولا،، اتفوو والله باب حوشك معاد خاشته الناس كلهم سمعو بيك ويعرفو الحقيقه متعك 💔💔
نعيمة: انتي من حكالك؟؟
اختها: مش لازم شمتي فينا النااس وحماوتي يضحكو تعرفي معاش قادرة نطلع برا من حوشي 😭 راجلي خايفته يسمع وشادة مصاريني بيدياا 💔
نعيمة: باهي الله غالب اسكتو واسترو عليا
اختها: استرو زايدة نصيب امك وبوك ميتين رااهو انجلطوو ولا طالع شن صااير فيهم!!
نعيمة: وخوتي؟؟!
اختها: خوتك ضحكتيني كان عندك خوت كويسين رااهو درتيلهم هيبة وماطلعتي،، منعرفش بالك ماسمعوش 💔😭 خوتك الاتنين في الغرب.......
نعيمة: باهي هي سلام عندي شويهة بضاعة بنمشي اندور بيها!!؟
اختها: اجمدي في حووشك ومعاش تطلعي...
ريهام: انحاول نسمع بس امي بعيدة علياا وتبتسملي من بعيد مع تغير ملامح وجهها.....
نعيمة: ايي اهياا حتى هيا اتسلم عليك ❤ هي بالسلامة تسلمي..... وسكرت الخط
اختها: اصبري،سكرت 🙄😨
ريهام: من؟؟!
نعيمة: خالتك لطفية اتسلم عليك
ريهام: سلمها يارب ماقتلكش امتا بيجونا!!
نعيمة: اهه وتغيرو ملامح وجهها لا لا منعرفش،، لكن ولدها يزن اكيدة ح يجيء 😊😊
ريهام: ايي توا انكلمه استحشته الحق!!!
🔥🔥 روآيآت سـيف آلقمـآطـي 🔥🔥
🔥🔥 روآيآت سـيف آلقمـآطـي 🔥🔥
ريهام: طلعت امي بالبضاعة وكنت نتفرج عليها وسارحة تبعدت لين معاش شفتها......
أنت تقرأ
مسألة شرف 🔞(( روايات ليبية ))
Randomرواية منقولة للكاتب سيف القماطي ( مسألة شرف) ليبية ❤ من اقوى الروايات على الاطلاق رواية 🔞 حلووة مشوقة وحزينة في نفس الوقت رواية تحكي قصص مختلفة من الواقع
