🔥🔥 روآيآت سـيف آلقمـآطـي 🔥🔥
آلح ـلقة #22
روآية #مـسـآلة-شـرف 🧡🍯
حلقة طويلة ومشوقة نبي من توا تفاعل خيالي 🧡👌
هنادي ابتسمت ومشت بس قاعد قلبها مسكور من واصف وموضوع الخيانة ومروة وكيف يتأمرو عليها هما الاثنين يدور في رأسها طول الوقت 💔!!!
ليش واصف دار فيها هكي شن السبب؟؟
.
.
.
نعيمة: أي أي
فوزية: تضحك أي زمان وين يفرقو على توا جيل النت وجيل الالفين ياكبدي
نعيمة: تضحك وكأنها ولا شيء كأنها طاهرة كأنها ملاك وناسية موضوع ريهام وريهام في حد ذاتها!!
فوزية: عدلت جسلتها أني جاية نبي نطلب طلب وان شاءالله ماترفضيش !!!
نعيمة: استغربت 😕 إن شاءالله خير
فوزية: كل خير كل خير
نعيمة: 😶😶
فوزية: مادام ريهام مش هني انقولك عليه بالك تتحشم نتكلم قدامها
نعيمة قلبها طااح خلاص توترت شنو هو أحكي بسرعة
فوزية: باهي،،أني عجبتني بنتك ريهام وحتى شافها وليدي حسام عجباته؛/ نبي بنتك لوليدي حسام 😍
نعيمة: بمجرد مابدت تحكي ارتاحت شوية وبعدها ركزت على الموضوع 😳!!
فوزية: خيرك ساكتة شن ماتبيش تعطي بنتك
نعيمة: لا لا مش هكي بس ماتوقعت وتذكرت موضوع القديم
فوزية: وليدي حسام عنده حوش وكامل وسيارتين وأسلوبه يهبل ورومانسي هلبا 😍 ماشاء الله ماعندي ماانقول الحق ألف بنت تتمناه
نعيمة: تبتسم ربي يحفظه ليك / بس وين شافها هو
فوزية: تذكرت مقلب الدواء 🤭🤭 منعرفش المهم قال شفتها بالك ب الصدفة
نعيمة: أي مرات،،أنتي تعرفي ريهام قاعدة صغيرة وهيا البنت الوحيدة مش متخيلة في يوم نقعد بروحهي هكي لا صوتها ولا حضنها الدافي كل يوم 😳💔!!!!
فوزية: اشيي هالسبب باهي الحمد لله هيا تتزوج مش بتهرب اكيدة ح اتجيء بعد الزواج،، وتبدي جدة وماحلا من الصغار......
نعيمة: والله معاك حق بس كبيدة
فوزية: انتي كلمي ريهام وكان صار نصيب الباقي كله نتفاهمو فيه على غير طريق!!
نعيمة: إن شاء الله يصير خير
فوزية: يارب والله تعلق بيها حسام مع إن مش مهذرزين مع بعض قبل ولا شيء بس النصيب شوفي كيف!!
نعيمة: مصدومة مش قادرة تتكلم اكيدة سألوو قبل لايجيو يخطوبو وهكي عادات الليبين بس غربية زعما تعرف موضوع الاغتصاب تعرف ماضي أمها!!
فوزية: نعيمة نعيمة وين مشيتي
نعيمة: قاعدة معاك
فوزية: 😂 وين مشي تفكيرك
نعيمة: كنت انفكر كان محمد قاعد حيء راهو فرح ب بنته هلبا 💔😔!!
فوزية: الله غالب هذا حال الدنيا
نعيمة: أي والله معاك حق
فوزية: هي تأخرت هلبا تصبحي على خير وسلميلي هلبا على ريهام 🧡
نعيمة: يوصل إن شاءالله وأنتي من أهل الخير والعافية🧡
أنت تقرأ
مسألة شرف 🔞(( روايات ليبية ))
Randomرواية منقولة للكاتب سيف القماطي ( مسألة شرف) ليبية ❤ من اقوى الروايات على الاطلاق رواية 🔞 حلووة مشوقة وحزينة في نفس الوقت رواية تحكي قصص مختلفة من الواقع
