🌺فصلية الغربيه 🌺
🌺البارت 26🌺
🌺بقلم انين الليل 🌺
//////////////🌺🌺🌺///////////
بعد أن اتصل عزام بسلمان وكله تجي انت ورنا تجيبون رائد ظل الليل كله عزام وهو متوتر مقهور كان
لازم يسويله حل لان تعب وصار يحس انو غاده جاي تذله فقرر بينه وبين نفسه أن ينهي هاي المهزلة الي
صار الها سنتين سنتين او اكثر وعزام ما جان يفارك البصره إلا إذا كان اكو شي مهم سنتين وهو يراقب بغاده
الي جانت مصره انو تذله وهو يوميه يسمع خبر عنها وهو صابر وينطيها العذر بلي سووا إلى ان خابرته
وكلتله انها تاخذ هاشم ولا ترجعله حس بنفسه شكد هو زغير بنظرها بس هو مو من هذا النوع الي يسكت
ويقبل الهزيمه لا هو يبقى متمسك بأي شي يحبه لو كانت لحظه يعيش على امل حس هالمره غاده سحكت
على رجولته وعلى كرامته وهو يسمع الاستفزاز منها ونظرة اللا مبالاة
لذلك قرر أن ينهي كل شي بأسرع وقت الصبح كعد وأخذ حمام وخابره سلمان كله احنا بالطريق تقريبا ساعتين
ساعتين ونص ان شالله نوصل هو اليوم ما راح للمعهد نزل للفندق وحجز الهم غرفه يمه وطلع من الفندق
وخابر سالم سئله على زينب كله بالدوام وحجى ويه سالم وبعدين راح يشوف الشغل الي شارف على الانتهاء
نزل يم الشغل وشاف المهندس المشرف وبقى يسولف ع الشغل بعدين رجع للفندق اليوم ما راح يشوف
غاده بالمعهد غالط نفسه وضغط عليها بس هو عبالك ملدوغ والسم يجري بدمه ظل يلوب عليها يريد
ايشوفها من دخل للفندق لكه سلمان ورنا منتظرين بالقاعة او وياهم رائد من شافه سلمان حضنه وسلم
عزام على رنا وشال رائد ظل يبوس ويشم بي هو غوركت عيونه ابده يبجي لكن
كبريائه كرجل يمنعه بعدين كعد وياهم ورائد بحظنه سألهم عزام
حمودي ليش ما جبتو وياكم
سلمان //خلينا عد عمته ام حبيب
عزام ::شعجب لو جايبينه بتونس
سلمان باوع الرنا //مو رنا ما الها خلك يادوب شايله رائد
عزام ::اا شخيرج خويه
سلمان //ياخوك حامل وما الها خلك الجهال
عزام :بالخير والله اعذريني ام محمد ما جنت اعرف لو كايلي سلمان
ماخليتج تجين هان وتعبين
رنا --لا خويه ابو سيف ما صار شي انت تامر تعبك راحه وهم نشوف البصره الي اخذتك منه
ضحك عزام ومرر ايده على شعر ::اكللكم هسه وكت غدا اوصيلكم اهنا يجييونه لونروح نشوف مطعم
مرتب ونكعد بي
سلمان //لا ابو سيف رنا تعبانه تريد ترتاح وصي ايجيبونه اهنا
رنا --اصلا ما اشتهي تعبانه
عزام ::اكلوا واصعدوا ارتاحوا
جابو الغدا وبدو يأكلون ورنا توكل برائد سلمان باوع العزام شاف التعب على وجهه حجى ويا
سلمان //اكولك ابو سيف ليش ما تسأل على أهلك أقصد على امي وابوي
عزام ::منو كلك ما أسأل دوم اخابر خديجه واخابرك
سلمان //عزام امي تعبانه وتريد بس اتشوفك
عزام بدون ما يباوع السلمان تكلم بهدوء :كل مره تتعب ومن تروح للمستشفى ترجع ما بيها شي لان الفلم
يكمل وتحصل على الي تريده
رنا --لاابو سيف خالتي تعبانه وانت مقاطعها كل وين ياالله تجي ربع
ساعه وتروح لاتكعد يمها لا تسولف وياها
عزام ::ليش الصار بيه قليل شنو نسيتو
سلمان //لا والله أبو سيف شنو تحجي حقك بس يبقون أهلك
عزام ::وانا ما مقصر وياهم ابد انا مقصر بس من جانب نفسي صحتي راحتي -اتحسر بالم وسكت --
سلمان //خويه تره ولدك جاي يكبرون يحتاجون أبوهم
عزام ::وانا هم جاي اروح واشوفهم واتابعهم واشتري احتياجاتهم وحتى رحت قبل أسبوعين سئلت على
مستواهم بالمدرسة
سلمان //والى متى
عزام ::الله كريم تخلص ما يبقى شي على حاله
أنت تقرأ
فصلية الغربيه ،،،،باللهجه العراقيه،،،،،
ChickLitكثير منا يكره العادات والتقاليد العشائرية لكن في بعض الأحيان هذه العادات تنقذ أشخاصا ليس لهم يد بعد أن يكون هناك من يضحي والتضحية دائما تاتي من الاقوى الا في امور الفصل والفصليه فإن التضحية تكون دائما من الجانب الضعيف ذلك الجانب الذي يترك كل شي...
