💖💖فصلية الغربيه 💖💖انين الليل 👈
بارت 1
////////🌹🌹🌹/////////
السلام عليكم خلي أعرفكم على نفسي انا بطلة القصه او تكدرون تكولون انا ضحية القصه
اسمي غاده حسين
اسكن أحد اقضية محافظة البصرة يعني مو بالمركز عمري بعد شكم شهر وأكمل 18 سنه طالبة في الصف السادس
العلمي الحمد لله متفوقه وهذا التفوق كان السبب الرئيسي بي ست الحبايب امي العزيزه الله يطول بعمرها ويخليها
انا بيضه وطويله وعيوني سود وكبار وجهي مدور انا رشيقه بس سبحان الله وجهي مليان واتمتع بركبه طويله وخدود
متفحات هيج صديقاتي يكللي بس بيه .شغله مو حلوة من انام اويلي من انام نومي (مرعبل) على كولت امي ساعات
اطيح من الجربايه وساعات اتكشف لذلك امي ما تقبل انام الا ابجامه لو برمودا
انا يتيمة الأب بابا اتوفى وانا جنت بصف الثاني متوسط احنه تلث بنات أولد واحد
اختي الجبيرة اسمها زينب معلمه ومتزوجه ولد غريب مو من اقاربنه اسمه سالم يشتغل موظف بالنفط اتزوجت
عن طريق اخته الي كانت زميلتها بالمعهد وانعجبت باخلاقها سالم يحبها الزنوبهز ويحبنا على حبهاوعدها ولد
اسمه (ضرغام )
وبعدين اجي انا غاده
الثالث هو أعز واحد عدنا تكدرون تكولون هو كل شي بحياتنا هو ضحكتنا وهو زلمتنا وهو النفس الي نتنفسه
اخوي( سجاد) ابنه الوحيد الي على كلام امي نباوع ال الله واله (سجودي )رابع اعدادي بس شنو سبع واخو اخيته
حاس بالمسؤوليه من هو هلگده وانوب تجي (هبه) وهاي صف ثاني متوسط وهاي السان طويل بس دمعتها كلش رخيصة
نتكلم عن ست الحبايب امنا اسمها (زهره )وهي فعلا زهره اتزوجت والدي الله يرحمهالي كان يشتغل موظف
بدائرة حكوميه وبعدما اتوفه والدي عيشتنا براتب التقاعد ما خلتنه نحتاج اي أحد لا عم ولا خال حاجتنا بس يم
رب العالمين
عندي عمام اثنين عمي الكبير اسمه غالي أكبر من ابوي متزوج وعنده تلث اولاد متزوجين
(هاشم وقاسم وحازم )وبنات اثنين متزوجات
وعمي طاهر ازغر من والدي وعنده بنات اثنين أولد واحد وهو تقريبا مبتعد عنه لان ساكن بغير محافظه ما انشوفه
إلا بالمناسبات يعني ما يعرفنه من ايشوفنه واحنه هم ما نروح الهم لان امي تشوف من چنا زغار وتودينه الهم شگد چانوا يضوجون ويحسبون علينه الحركه لذلك احنه عشنا ابحدنا ما نتواصل ويه اقاربنا اله بالمناسبات
وعندي تلث عمات متزوجات وهنه هم يمرن علينه بس بالمناسبات
امي عدها اخوان اثنين واخوات اثنين بمجرد ما اتوفت بيبي الي هي امها ما صارو يسالون عنه اله وين او وين
هسه تگولون امي هي الي مبعدتنا عن عمامي وعماتي وحتى عن خوالي
لا مو هيج لكن من اتوفه ابوي الراتب التقاعدي يبقى سنه وبعدين يصرفونه باثر رجعي بهاي السنه محد سأل عنه
ولا احد ساعدنه بيها زينب توها متعينه وبوكتها راتبها چان كلش قليل ظلينه نعتاش منه وامي تروح الحيرانه عنده اسواق تحيب منه الشي الي يكفينه وتطلب منه مهله من تقبض الراتب التقاعدي تجيبهن اله
والرجال الله يوفقه ما قصر لان كان صديق بابا وفعلا بمجرد ما اخذت الراتب راحت سدته وما خلت يطلبنه فلس
بعد ان اتشكرته
خلي احجيلكم على عيشتنا و اشلون امي مدبرتها
طبعا ابوي الله يرحمه موظف فمن اتوفى صارت امي تقبض راتب تقاعدي كل شهرين هي تقسم الراتب بالتساوي
إلى قسمين وتظل تصرف منه اكل ومصرف زينب اختي لان متعينه تنطي الأمي كل شهر 100 امي تضمهن للطبيب
او إذا احتاجينه ملابس يعني امي امشيتنه بنظام واحنه قانعين بهذا النظام الحمد لله بالنسبه الي انا وهبه برنامجنا من البيت للمدرسه اهم شي دراستنا وسجاد بالعطله يشتغل ويه أخو سالم عنده محل للحداده احنا ما نقبل بس امي تكول خلي يتعلم
ويفيد نفسه هو وحيد لازم يعتمد على نفسه
هاي انا وهاي عائلتي
أنت تقرأ
فصلية الغربيه ،،،،باللهجه العراقيه،،،،،
أدب نسائيكثير منا يكره العادات والتقاليد العشائرية لكن في بعض الأحيان هذه العادات تنقذ أشخاصا ليس لهم يد بعد أن يكون هناك من يضحي والتضحية دائما تاتي من الاقوى الا في امور الفصل والفصليه فإن التضحية تكون دائما من الجانب الضعيف ذلك الجانب الذي يترك كل شي...
