🌹فصلية الغربيه 🥀
🥀البارت13🥀
بقلمي #آنين الليل #
////////////////////💐💐💐///////////
عزام
صار الليل ورحت جبت الها معلاك مشوي وشوربه وكلتها وانا هم اكلت وياها وبعدين راحت تغسل ع المغسله
كنت اشوف رجلها كوه تمشي عليها يعني هاي البنيه مكسرة تكسرلكن مو مثل مصيبة عينها الله يساعدها ويساعدني
شلون تتصرف من تعرف
رجعت انطيتها علاجها ونيمتها ع الجربايه كتلها حاولي تنامين على ظهرج وانا فرشت بالكاع او وقتت المنبه
كل ساعتين علمود احط الها قطرة طبعا كل ساعتين اكعد اخلي القطرة واغطيها نومها عبث بشكل
صارت الساعه اربعه حطيتلها القطره كالت انت نام لان انا شبعت نوم انا اخلي وفعلا چنت تعبان نمت
الظاهر نمنا اثنينه هي بسبب العلاج وانا من التعب على الساعه ثمانيه انا كعدت شفتها عود نايمه بس شنو ما شايف
هيج عبثه بحياتي طبعا رأسها ع المخده ورجليها مدندلات لا والدشداشه مرفوعه ال وجهه وجسمها كله طالع
انا فزيت ومن شفتها صحت بدون ما استوعب انو هي مريضة -غاده- هي نزت وطفرت من الجربايه ذبت روحها علي
إجت حضنتني وهي تصيح بخوف- يمممه- انا سمعت دكات كلبها رفعت وجهه من صدري ولزمت حنجها وكتلها
وانا متبسم وفرحان لان حضنتني
::يول لمي دشداشتج هم زين محد يمج من تنامين
غاده =هاي شبيك عزام خرعتني اي انا نومي مشكله عبالك عندي معركه لذلك انا عد اهلي ألبس تراك من اريد أنام
انا بعدني حاضنها وهي واكفه كتلها
::ياالله ارجعي نامي خلي اخليلج القطرة
وصلتها وانا احس أنفاسي نار ومددتها ع الجربايه وخليتلها القطرة وجبت كلنس ومسحت خدها وانا مدني عليها جانت مغمضة عيونها مررت اصبعي ع خدها وانوب ع شفايقها حسيتها رجفت اتدنيت رحت ما خذ شفتها ونزلت ع ركبتها وانا بس احس برجفتها ودكات كلبها كمت عنها لان حسيت بس ابقى بعد اتمادى وهي خطيه الدكتورة كالت حافظ عليها من نفسك عفتها ورحت جبت الها ريوك فورت حليب وجبت صمون حار وسلكت بيض ورجعت لكيتها نايمه حجيت وياها
عيني ست غاده حضرت الريوك اكعدي
كعدت و انطيتها كوب الحليب كتلها اشربي لكن هي كالت
ما أشرب الحليب ما أحبه
كتلها ::لا عيني ذاك اول الدلاعه هسه اتشربينا لو ماكو اصيح على امي اخليها تجي يمج تشربج بزكحه منها
غاده بخوف =لا فدوة عزام راح أشرب الكوب كله
عزام ::اي عفيه عليج هساع اكول ابنيتي الحلوة الي تسمع الكلام
ظلينه هذا حالنه تجي يمنا خديجه وتبقى يمها وانا اروح اتسوك وارجع حتى شغلي ما انتبهت اله بيد عناد وسلمان
اذا صادفتهم مشكله او رادوا يعرفون رايي بشغله يخابروني او اوجههم امي أكثر من مرة اتصلت ما جاوبتها جنت
اعاقب نفسي لا تعتبرونه عقوق بس الظلم مو زين وانا صرت جاني ومجني علي بنفس الوكت
اليوم موعدنا ويه طبيب العيون
اخذتها وانا لازمها من أديها لان مثل ما كالت الطبيبه حركتها على كيف وشافها الدكتور وخلاها تطلع بالانتظار
طلعتها ورجعت للطبيب الي گلي //بالوقت الحاضر حجم العين زين بس مع الأسف عينها بعد ما تشوف بيها وبالنسبه
للولاده لازم أتم بعملية لان الطلق مو بصالح عينها
سألته ::دكتور تگول حجم العين بالوقت الحاضر يعني شنو
الدكتور //بالعلاج والادويه نگدر نحافظ عليها لكن بمرور الزمن يراد عمليه تجميل وهاي موجوده بهواي دول
وكتب أدويه وقطرات وكال هم يشوفها بعد أسبوع
من طلعنا من الدكتور جنت كلش ضايج ومهموم بس لازم ما ابين الها كتلها
:...خل أفرج شويه تغيرين جو
أنت تقرأ
فصلية الغربيه ،،،،باللهجه العراقيه،،،،،
Genç Kız Edebiyatıكثير منا يكره العادات والتقاليد العشائرية لكن في بعض الأحيان هذه العادات تنقذ أشخاصا ليس لهم يد بعد أن يكون هناك من يضحي والتضحية دائما تاتي من الاقوى الا في امور الفصل والفصليه فإن التضحية تكون دائما من الجانب الضعيف ذلك الجانب الذي يترك كل شي...
