قصص دينيه وعبرة (3)

الكرم وحسن الضيافه

لما يجيلك ضيف #أكرمه

يعنى لو انت على علم إنه طالع على السلم
افتحله الباب قبل ما يصل عندك ورحب بيه
وابتسم فى وجهه وأجلسه فى أفضل مكان عندك
وخلى كلامك حلو معاه

وعجل له الضيافة ومتتأخرش فى ضيافته
وقدمله من أحسن حاجة عندك
وياريت إنت اللى تقدم بنفسك مش حد تانى
وتبدأ بمن عن يمينك حتى وإن كان الأصغر سناً
وتقرب الطعام منه مش تحطه بعيد عنه
وتقوله قرب من الأكل ومد إيدك

وبلاش تفضل تبصله وهو بياكل علشان ميتحرجش
ولو انت بتاكل معاه متخلصش قبله وتقوم لأ تريث
وافضل كل معاه لحد ماهو يخلص ويقوم قبلك
واوعى تشيل الأكل من قدامه وهو لسة بياكل

ولو كنت صايم وهو اتضايق
وقالك مش هاكل إلا لما تاكل معايا
من السنة إنك تفطر ده لو كان صيام تطوع مش فرض

وبلاش تقفل النور عليه وهو قاعد هذا ليس من الأدب
ومينفعش لو هيبات عندك تدخل تنام قبله وتسيبه قاعد

وهو مروح توصله لحد الباب ومتقفلش الباب إلا بعد ما يمشى
وده من تمام الضيافة مش تسيبه يمشى من غير ما تودعه

#الكرم_وحسن_الضيافة_من_الإيمان

قال ﷺ: ( من كان يؤمن بالله واليوم الآخر فليكرم ضيفه ) متفق عليه