قصص دينيه وعبرة (3)

" لا يكلف الله نفسا إلا ما آتاها، سيجعل الله بعد عسر يسرا "

الشيخ الحويني بيحكي انه لما دخل المعتقل ، وكان بيدخلهم برتقال ف الزيارات ، فبيقشر عشان ياكل وهيرمي القشر عادي ، ف الموجدين قالوله لأ ؟ ، هنا القشر بيتاكل يا مولانا ؟
ف الشيخ استنكر الأمر وبعدين جرب يتذوقه ، سبحان الله كان لذيذ فعلا ؟ واستمر على كده فترة الاعتقال كلها .. اما خرج الشيخ وقعد مع اهل بيته ف بياكلو " برتقال " وبيرمو القشر عادي ؟ ف الشيخ انكر عليهم ده وقالهم القشر مش بيترمي ده لذيذ جدا ، ومسك برتقالة وبياكلها بقشرها ك بيان عملي ، لكنه مستحملش مرارتها والقاها من فمه ؟

اما بتقع في مصيبة او بلاء ف حياتك، ربنا بيهئ ليك من اسباب اللطف والمعونة ما يجعلك تصبر وتتحمل ما كنت تعتقد انك مستحيل أن تطيقه ؟

واما بتنتهي أيام البلاء وتأتي أيام العافية والعِوض الجميل، بتتذكر أيام الله وألطافه هذه وتقول: " سبحان من أعاننا على ما ظننا ألا طاقة لنا به "

وافتكر كده كام محنة مصيرية ف حياتك اعتقدت انها هتكسرك ومش هتكمل بعدها ، ودلوقتي بتفتكرها وبتقول " الحمد لله جبرني وسترني "

إن المعونة تأتي من الله على قدر المؤنة، وإن الصبر يأتي من الله على قدر البلاء..

" لا يكلف الله نفسا إلا ما آتاها، سيجعل الله بعد عسر يسرا "