لأنك غالية 👑 |•• because you are expensive [ مكتمل ]

" القرآن أو الغناء " 🎹🎺🎤🕋 |•• 08 ••|

السلام عليكم

.
.

🌸 يا حبة السكر .. تحبي #القرآن ولا الغناء أكثر ⁉️

علابالي رح تقوليلي القرآن ..

حتى لو كان رحنا لكاش مغني و سقسيناه واش يحب راح يقولك بالتأكيد القرآن ^__^ ..

نحب القرآن مي علاه علاقتي بيه #ضعيفة ؟؟

نحب القرآن علاه مانسمعوش و نسمع غير #الغناء ؟؟!!

نحب القرآن مي #حافظة الغناء أكثر ؟؟!!

تعرفي مشكلتنا ..

أننا #هاجرين للقرآن .. 💦

والأغاني في قلوبنا حجبت علينا #لذة قراءة القرآن و حبه ..

الأغاني هي اللي ملأت قلوبنا و هاذي هي الحقيقة للأسف .. 💦

ربي سبحانو  يعلم  ما في قلوبنا و شاهد عليها ..

انا ماراحش نقولك حكم الغناء انو #حرام ⛔⛔ ولا رح نقولك الشيخ الفلاني قال هك ولا هك .. و ماراح نجيبلك حتى حديث يبين أنو سماع الأغاني والموسيقى #حرام ..

راح نسقسيك أسئلة و نتي خممي في إجابتهم مليح ..

1-)سامع الأغاني من أهل الجنة ولا من أهل النار ⁉️

2-) الأغاني يوم القيامة تلقايها حق ولا باطل ⁉️

3-) لأغاني يوم القيامة رح تلقايها في ميزان حسناتك ولا سيئاتك ⁉️

4-) كي تكوني تسمعي فالغناء عداد الحسنات هو اللي شغال ولا السيئات ⁉️

5-) كي تموتي ونتي تسمعي فالغناء هل تعتبر من حسن الخاتمة أم من سوء الخاتمة ⁉️

6-) علاه في #رمضان ماتسمعيش الغناء ⁉️

7-) علاه كتكوني تسمعي فالغناء وتسمعي #الآذان يأذن تطفيه وكيخلص تعاودي تشعليه ⁉️

🌸 خممي في الأسئلة هاذي مليح قبل ماتجاوبي و خليكي #صريحة و واضحة مع روحك ..

كاين بنات رح يقولوا بصح الأغاني ماتبعدنيش على ربي ..

يعني نسمعها برك عادي باه نديفيلي شوية  .. يعني نصلي نصوم ..

أولا ماتقوليش هك .. نتي جربي تبعدي عليها فترة و شوفي الفرق بنفسك .. و شوفي حال قلبك ..

و كاين اللي رح تقول انا نسمع قرآن و أغاني ..

يا حبيبتي اتأكدي انو محال يجتمع حب الاغاني و حب القرآن في #قلب_واحد و عمرك ولا راح تذوقي #لذة_الخشوع في القراءة مدام حب الغناء ساكن قلبك و طبعا كاين اللي راح تقولي انا مش حاسة انو الاغاني حرام

شوفي الانسان كي يدير ذنوب و يبقى مصر عليها ..

و يتعود عليها رح يكون صعيب بزاف أنو يفرق بين الصح و الغلط ..

والله أخاف عليك من عذاب الله و عقابه لأني نحبك راني ننصح فيك حوسي على البديل

البديل اللي يبعدك على الأغاني اذا حبيتي القرآن صح من قلبك رح تلقاي نفسك تلقائيا تبعدي على الغناء ..

أولا ..

ادعي ربي انو يخرج الأغاني من قلبك .. ادعيييه #بصدق وإلحاح .. و أكيد ربي سبحانو لما يری  فيك مجاهدة النفس و عزم رح يسهلك هاذ الخطوة

ثانيا ..

#فاسي كل الأغاني الي موجودة فثيليفونك  ..

وفأي جهاز من الأجهزة الي تقدري تسمعي بواسطتها
كاين بنات راح تقولك ماعنديش الغناء فالثليفون  بصح منين داك نسمعو فلاثيلي فالمسلسلات والأفلام ولا فاليوتيوب

نقولك فالتليفون ولا فلاثيلي كيف كيف .. مام تسمعيه مرة وحدة فالعام وماش مليح #حرااااااااام .. ⛔⛔

وزيد نقولك الأغاني الي تكون بالفيديو راح يكونو السيئات مضاعفين والمصيبة أعظم لأنها تحتوي على صور ومشاهد مايجوزلك تشوفيها  .. قبلات .. لمسات .. أحضان .. لباس عاري .. وغيرها وغيرها

ثالثا ..

حوسي على اكثر #قارئ تحبي تسمعيلو .. كاين قراء ماشاء الله ..

حاولي تتعودي على الذكر يعني في بلاصة ماتسمعي الاغاني ابقاي تسبحي و تستغفري ..

منها ميزان حسناتك يزيد منها قلبك يطمئن ويرتاح "ألا بذكر الله تطمئن القلوب" 🌹

لما ربي سبحانو يمن عليك بالابتعاد عنها بعد فترة رح يجي الشيطان و #يوسوسلك و يفكرك بلذتها اقطعي عنك الوساوس هذا اختبار من ربي سبحانو يختبر صدق توبتك .. استعيذي من الشيطان و كوني قد الاختبار ..

يا غالية مهما كانت هاذ الخطوة #صعيبة_عليك .. لكن علابالي انك تقدريلها .. محتاجة شوية همة و عزم .. ماتنسيش الطريق شاق لكن الجنة تستحق

#درب_الإستقامہ 🌸

دمتم في أمان الله و حفظه ❤