زواج تقليدي من سلفي 🖤🖤

22

الحلقة الثانية والعشرون ⁦❤️⁩🌸
بقلم أحلام ومروة 🖤🧁دخل غسل يدو ورجع يفطر ويهدر،احلام راهم جاو طلبوا يديك.
هنا احلام قلبها حبس يا ربي ميقبلش يا ربي والمغرف طاحت من يديها.
واش بيك بنتي .
احلام: والو بابا شكون هذو وقبلت نتا.
محمد:مقبلتش الراي يرجع ليك نتي.
فاطمة: وشنو الراي يرجع ليها شكون الراجل فالدار نتا ولا هي، وزيد راهي كبيرة صايي دوك تروح تزوج تبقالك هنا تبور.
محمد : يجوا يديروا الشوفة ممبعد كلشي ساهل وربي يجيب الخير.
رفدت احلام روحها وراحت ترمات عالسرير لي ياما حمل دموعها تبكي حتى حست براسها راح يطرطق رقدت ديراكت ومرت باباها محوستش عليها صايي فرحت راح تتهنا منها وفالليل حكمت محمد عمراتوا على بنتوا حتى قاللها صايي نقبل.
ناضت احلام صبح واول كلمة سمعتها انوا رحيم راه جايب يماه وباباه يخطبوها  وباباها عيطلوا وقالوا قابل ،استسلمت اخلام لقدرها وفوتت كاشي ضحك كأنها راضية بيه غير باه متخليش مرت باباها تستشفا فيها فالخطبة عرضت مروة وفرغت قلبها ودموعها .
تفاهموا انو العرس يكون على شهر رحيم فالاول توسوس علاه باباها تسرع هكا مي قال في روحوا انا حبيتها واصلا منيش قادر نصبر كتر فوتت شهر وهي تخرج مع مرت باباها ومروة تشري في قشها لي يشوفها يقول راح تتزوج من واحد تبغيه اما قلبها ربي ومروة لي عالمين بيه .
لحق العرس وجاز يهبل للناس كامل غير احلام قاعدة كأنهم يغسلوا فيها باه يدخلوها للقبر.