زواج تقليدي من سلفي 🖤🖤

23

الحلقة الثالثة والعشرون ⁦❤️⁩🌸
بقلم أحلام ومروة 🖤🧁
لحق الليل  والناس كل زهات ورجعت لدارها واحلام طلعت مع رحيم فالطوموبيل طريق كاملة وهي حاطة راسها عالكارو ودمع ورحيم منحاش عينوا منها.
يقول في روحوا حمد لله ياربي كتبتهالي حمد لله  ياربي كيما كتبتها قدرني نصلحها وترجع أمة مؤمنة ونعيشوا على رضايتك .
لحقوا للدار هي دخلت للبيت ديراكت غلقت الباب وقاعدة تبكي بصوت عالي رحيم دخل لي فاليز وكي غلق باب الدار سمعها تبكي راح يجري يحسب فيها شافت حاجة كي جا يدخل للشمبرة لقا الباب مسكر قعد يهدر معاها وهي مجابية خبر الابتسامة الصفر لي جوزت بيها شهر صايي قلبها مباقيلو صبر قعد رحيم عند الباب ويدعي في ربي وقد ما حاولها تفتح الباب مبغاتش .
لين بدا الشيطان يلعب في عقلوا بالافكار ياا تكون خاسرة شرفها وخايفة نفضحها يا تكون عندها حبيبها وانا فرقتها  استغفر الله يا ربي هذا ابتلاء من عندك غير انت لي تخرجني منو رفد سجادتوا وصلى لين حس برجليه رايحين يتكسروا قعد يسبح ويدعي هنا نقطع حس احلام من خشوعو فالصلاة نسا صوت احلام قال في روحو صايي تكون رقدت كمل يدعي ويسبح لين سمع صوت آذان الفجر ،كمل صلى الفجر وراح وجد قهوة وحط القاطو فالسنيوة وحطهم عند الباب،  احلام في داك الوقت فطنت لقات روحها بلاغوب بلونش وتفكرت روحها واش دارت فتحت الباب وراحت تجري تشوف  رحيم دارت في بالها يكون قال لباباها يا ربي ليوم يقتلوني وهي خارجة لقات القهوة عند الباب وصوت رجولي مبحبح يقرا في سورة البقرة.