زواج تقليدي من سلفي 🖤🖤

24

الحلقة الرابعة والعشرون⁦❤️⁩🌸
بقلم أحلام ومروة 🖤🧁
يا الله صوتو ياخذك مالعالم لي انتي فيه صوتوا فيه خشوع يخليك تخشع معاه راحت احلام بدلت لاغوب بلونش ولبست پيجامة شورط ب بستي (هذه لبستها بحكم انها سيفيليزي وعايشة مع باباها برك ) خرجت رفدت ديك السنيوة ودخلتها للكوزينة شربت وراحت قعدت بعيدة عليه بزوج ميترات تسمع في صوتو غلقت عينها وراحت لعالم تاني .
رحيم حس بعبد يراقب فيه كمل السورة وراح عندها قعد بحذاها وحط يدو على كتفها فطنت احلام من تخمامها.
احلام: هااااااا خلعتني وناضت ديراكت وقف رحيم وخزر فيها واش لابسة جامي شاف طفلة في حياتو مدين وعابد ربي وعينو متروح لبنات الناس احلام فاقت بروحها وهربت للبيت وغلقتها .
رحيم ياا زين هذا كل ربي يبارك 🤩 راح عند الباب ويهدر احلام تقدري تفهميني شبيك سيفوك عليا.احلام ساكتة مخرجت حتى صوت خرج وخلاها.
ياربي واش راح ندير مخرجتش مالبيت حتى سمعت خطوات فالدار باينة هو رجع ميلقانيش طيبت يقتلني قعدت تترعد حتى سمعت الباب تاع البيت  حلت لقات طاكوس وپيتزا فالعتبة .
رحيم: كولي علابالي قتلك الجوع ونعرفك مكراشة حكاولي عليك ههه.
احلام رفد الطبسي  وغلقت الباب مي نسات مقفلتهاش بالمفتاح كلات حتى تنفخت ورقدت ديراكت.
رحيم كي مسمعش صوت فالشمبرة  راح حل الباب غير بالعقل باه متسمعش لقاه مفتوح.
تكسل قدامها وقعد يلعبلها في شعرها حتى رقد ومفاقش لي اذن الفجر.