تنظر بحزن ولهفة الي اولئك الاطفال يلعبون بسعادة كبيرة لم تمتلكها هي علي الرغم من أنها تمتلك أشياء لم يمتلكها هؤلاء الاطفال ولكن لا تجلب السعادة ، تتمني أن تعبر ذلك الباب و تشاركهم سعادتهم ولكن كانت تنظر من حين الي اخر الي اتجاه معين كأنها تتأكد من وجود شئ ما ...
وقوفها كذلك لفت انتباه " رحمة " ف توقفت عن اللعب مع الاطفال و نظرت ناحية الباب و قالت ..
رحمة : ايه ده مين البنوتة دي مش معقولة تكون من الدار انا اول مرة اشوفها ..
لتذهب لها وتفتح الباب وتهبط لمستواها ..
رحمة : ايه القمر ده ازيك عاملة ايه ..
البنت : ك كويسة ..
رحمة : ي ربي ع القمر قوليلي بقي انتي رايحة المدرسة ولا ايه ..
البنت : اه ..
رحمة : طب ليه واقفة لوحدك ي حبيبتي وفين مامي ..
البنت : معرفش ..
لتستغرب رحمة بشدة ..
رحمة : ازاي ي حبيبتي متعرفيش فين مامي انتي توهتي منها ولا ايه ...
البنت : لا مامي مشيت و سافرت معرفش راحت فين ..
لتصدم رحمة للمرة الثانية ..
رحمة : ي حبيبة قلبي طب انتي عايشة مع مين ..
البنت : مع بابي ...
رحمة : طب هو فين ..
البنت : قولتله عايزة شوكولاتة وراح يجبهالي من الماركت ده وقالي استني ف العربية بس انا نزلت وخايفة اوي ..
لتحتضنها بشدة ..
رحمة : ي روح قلبي متخافيش محدش يقدر يعملك حاجة ، ايه رايك تيجي معايا نستني بابي عشان متفضليش لوحدك ...؟؟!
في مكان آخر ...
أميرة : كان مالي انا ومال الشغل ماله الجواز يعني كان زماني نايمة ومستكنيصة ..
ابراهيم : أميرة لو سمحتي كنت عايزك ..
أميرة : نعم ي ابراهيم ..
ابراهيم : ايه ده مالك في ايه ..
أميرة : لا ولا حاجة صاحية من النجمة عشان اجي اتزفت اشتغل في الزفت البنك ده بس كدة ..
ابراهيم : صعبتي عليا ..
أميرة : ولاااا .. بقولك ايه أنجز ف ليلتك دي ..
ابراهيم : اهدي ي شبح المهم احنا كلنا طالعين مع بعض بعد الشغل ايه رايك تيجي معانا ؟؟
أميرة : تصدق فكرة الواحد قرف من الشغل وعايز يفك شوية ..
ابراهيم : خلاص يبقي اتفقنا ..
اميرة : اتفقنا ..
ليدخل الي البنك شخص ما يتقدم من اميرة ويقول ..
... : انتي ياااا ..
أميرة : ايه انتي د ...
لتقول في سرها " ايه ده قمر بيتكلم انا اول مرة اشوف قمر بيتكلم "
لينظر ل اسمها المعلق علي احدي جوانب بدلتها الأنيقة ..
.... : أميرة ...صح ؟
أميرة : هاا ..احم اه اتفضل حضرتك اقدر اساعدك ازاي ؟
... : انا عايز افتح حساب ب 2 مليون جنيه ..
لتجحظ عيني اميرة " ده انت طلعت اوبهة قمر ومعاك فلوس لا ده أنا اختار اسامي ولادنا بقي "
أميرة : احم تحت امرك ي فندم عايز الحساب بإسم مين ..؟؟
..... : أسر المنشاوي ...
أميرة في نفسها " أسر وأميرة لا مخلوقين لبعض "
أسر : انتي ي آنسة روحتي فين لو سمحتي انا مستعجل ..
أميرة : احم اسفة ي فندم دقايق وتكون كل حاجة جاهزة ..
في مكان اخر علي الهاتف ..
.... : عاصم انا قولت هسافر يعني هسافر ..
عاصم : ي امجد اسمعني بس خليك هنا و كمل شغلك وصدقني هتبقي مرتاح اكتر هنا ..
امجد : مش هقدر مش عايز اقعد هنا اتخنقت ..
عاصم : اللي يريحك ي امجد طيب انت امتي ناوي تسافر ..
امجد : بعد شهر ..
عاصم : طيب ي صاحبي ربنا معاك خلي بالك من بنتك ..
امجد : وهو انا بعمل كل ده عشان مين عشانها هي ..
عاصم : عارف ي صاحبي عارف ..
امجد : ماشي ي عاصم انا لازم اقفل ونص ساعة واكون عندك ...
عاصم : تمام ي بوص ..
عند رحمة ..
وافقت البنت علي انتظار والدها معها وكادت رحمة أن تدخل هي و البنت الدار ..
.... : نووووووور !!!!
يتبع ..
السلام عليكم ..🖤
رجعتلكم تاني برواية جديدة اتمني من كل قلبي انها تعجبكم وابتديت ب بارت صغير عشان اشوف رأيكم الاول و مستنية رأيكم عشان اكمل ..🖤
دمتم بود 🖤
#روحا_لروحي 🖤
#BY_RAHMA_YOUSSEF 🖤
أنت تقرأ
روحا لروحي
Romance" يحيا لأجل ابنته ، هي كل شئ متبقي له في هذه الدنيا ، مستعد بأن يضحي بروحه من أجلها ، قسوته غلبت كل شئ ، حتي أنه في بعض الأحيان يقسي عليها من غير عمد ابدا ، خذل كثيرا ولكنه ثابت دائما لا يهمه من يرحل ، فهو بالتأكيد قادر علي المضي قدما ، قلبه لا يعرف...
