روحا لروحي

البارت الثالث 🖤

بعد أن عادت رحمة من الدار ذهبت لتقضي بعض الوقت مع أميرة في منزلهم ..
أميرة : مش معقولة شوفتيها ازاي ..
رحمة : هقولك ..
لتقص لها كل ما حدث في الصباح مع نور ..
أميرة : ي بنت الايه البنت دي ذكية اوي بس ي رحمة ابعدي عن الناس دول انتي مش بتقولي كان هياكلك بعينه لما شافك بتشاوريلها ..
رحمة : أميرة انا قولتلك قبل كدة انا مش بخاف من حد أعلي ما في خيله يركبه وأنا مستحيل اشوف البنت محتاجة مساعدة واسيبها ..
أميرة : ربنا يستر بقي ... الا قولولي حلو ولا ايه ..
لتضربها رحمة علي رأسها وتقول :
شوف انا بقول ايه وانتي بتقولي ايه بقولك ده حيوان وبيعامل بنته بمنتهي القسوة ..
أميرة : يووه خلاص خلاص بس اصلي انا شوفت حتة مز عندنا ف البنك يلهووووي ..
رحمة : وانتي بتشتغلي ولا بتكرزي ف الحلو والوحش ..
اميرة : وهو في حد يشوف القمر ده ويعرف يركز ويشتغل بقولك قمممررر ..
رحمة : وده يطلع مين القمر ده يختي ..
أميرة بهيام : مش عارفة بس هو اسمه أسر ده فتح حساب ب 2 مليون ي اوختي هييييح ..
رحمة بضحك : منظرك مسخرة ..
أميرة : احم ع فكرة عادي يعني هو انا من امتي بيهمني الشكل أو الفلوس ..
رحمة : اومااااااال ...
لتضحك أميرة بشدة وتضحك معها رحمة ثم بعد فترة تعود رحمة الي منزلها وهي تفكر في نور وهذا المغرور وتتذكر سؤال أميرة عن وسامته لتبتسم لأنها تعرف أنه غاية في الوسامة ولكن تعود إلي رشدها وتقول : ايه هنخيب ولا ايه وبعدين ده حيوان ده ايه حيواااان وتغمض عينيها وتنام ..
في صباح اليوم التالي ..
في شركة المنشاوي ..
يجلس امجد في مكتبه وهو ينظر إلي بعض الاوراق أمامه ليدخل أسر ..
أسر : باشا البشوات صباح الفل ي بوص ..
امجد : صباح الزفت كل ده تأخير ..
أسر : ي خي حرام عليك ده كلهم خمس دقايق انت قاسي اوي علي فكرة ..
امجد : تحب اوريك القسوة اللي بجد ...
أسر : ها ... لا و ع ايه تتعب نفسك انا اصلا جي اقولك حاجة وهختفي علطول ..
امجد : خير ..
أسر : الصراحة هو مش خير في عجز ف المحاسبين عندنا ف الشركة ..
امجد : ازاي الكلام ده والمحاسبين اللي عندنا راحوا فين ؟؟!!
أسر : طفشوا ..
امجد : نعم ..!!!
أسر : اه والله زيمبؤلك كدة .. م اهو من معاملتك ي امجد بصراحة انت شديد اوي معاهم مش كدة ..
امجد بغضب : ده اسمه دلع انا لازم اكون كدة وإلا مش هيشتغلوا ..
أسر : احم عندك حق اهدي بس ... المهم دلوقتي انا كنت بفكر انزل اعلان أن احنا طالبين محاسبين ايه رايك ..
ليتنهد امجد بغضب ويقول :
ماشي لما نشوف آخرة الحكاية دي ايه ..
أسر : اخرتها فل إن شاء الله يلا هروح اشوف شغلي انا ..
امجد : ماشي ..
عند رحمة ذهبت الي الدار ولكن صدمت عندما وجدت سيارة هذا المغرور أمام الدار ..
رحمة : ايه ده ايه اللي جاب عربيته هنا ، معقولة يكون نور اقنعته يجي تاني ..
لتنظر سريعا داخل السيارة ولكن لم تجد أحد لتدخل مسرعة الي الدار لتجد زملائها مجتمعين ويتحدثون عن شئ ما لتذهب إليهم ..
رحمة : صباح الخير ي بنات .. ايه متجمعين يعني خير إن شاء الله ..
شيماء بهيام :
اسكتي ي بت رحمة في واحد جه من شوية وطلب يقابل المديرة بس ايه يلهوي عليا قمر قمر ..
لتصدم رحمة وتقول في نفسها " معقولة هو ، و ي تري عايز المديرة في ايه ؟! " ..
لتفيق من شرودها علي احد اطفال الدار ..
وليد : مس رحمة المديرة عايزاكي ف مكتبها ..
لتندهش رحمة بشدة ..
شيماء : ي مصيبتي عملتي ايه ي بت رحمة ..
رحمة : بس ي هبلة هكون عملت ايه يعني انتي كمان اووف ..
لتذهب رحمة وتطرق الباب وتسمح المديرة لها بالدخول ..
رحمة : السلام عليكم ..
وتنظر لتجده هو كما ظنت لتهدئة من روعها وتقول بأدب : نعم ي مس صفاء حضرتك طلبتيني ..
صفاء : ايوة ي رحمة تعالي اقعدي ..
لتجلس رحمة أمامه بينما هو كان ينظر إليها بقوة وثبات مما زاد من توترها ولكن لم تظهر ذلك ..
صفاء : طبعا انتي عارفة مين دي ..
رحمة بسخرية :
لا الحقيقة محصليش الشرف ..
ليبتسم امجد من أسلوبها وتمردها ..
صفاء : احم معقولة متعرفيهوش ده مستر أمجد المنشاوي صاحب سلسلة شركات المنشاوي جروب ..
رحمة : امممم اهلا وسهلا ..
امجد : اهلا بيكي ي ... مس رحمة ..
لتنظر له رحمة بغيظ من أسلوبه ..
صفاء : رحمة مستر أمجد طالبك تكوني مربية لبنته بصفة دايمة ف فيلته ...
رحمة : نعمممم !!!!
عند أميرة ..
كانت تتصفح هاتفها لتقابل أمامها إعلان عن طلب محاسبين في شركة من الشركات وبمرتب أعلي مما تأخذه في البنك الذي تعمل فيه ..
أميرة : طب والله حلو واهو اخلص من المدير الرزل اللي عندي ده ..
لتكمل الإعلان و تقرأ اسم الشركة " المنشاوي جروب "
لتتذكر " عايز افتح حساب بإسم أسر المنشاوي " ..
لتقول بدهشة :
معقولة يكون هو صاحب الشركة دي ؟؟! الله ده أنا هقدم فيها من بكرة ، هبقي اقول للبت رحمة لما تيجي ونشوف الموضوع ده ..
في دار الايتام ..
صفاء : مالك ي رحمة ده عرض كويس جدا وكمان مستر أمجد قال إنه هيديكي اللي انتي عايزاه ..
رحمة : حضرتك بتقولي ايه انا يستحيل اعيش مع راجل غريب ف بيت واحد و اصلا حضرتك عارفة اني مش بطلع شغل برا الدار كل شغلي هنا ..
صفاء : ي ر ..
امجد : لو سمحتي ممكن تسيبينا لوحدنا شوية ..
صفاء : حاضر ي امجد باشا ..
لتنظر لها رحمة بإستغراب لماذا تعامله بكل هذا التبجيل ..
بعد خروج المديرة ..
تقف رحمة وتقول بثبات :
وفر كلامك علشان انا مستحيل اوافق ..
ليقف امجد بدوره ويقترب منها مما جعلها ترتد خطوة للخلف ليقول بصرامة :
اسمعي ي بت انتي اوعي تفتكري اني عايزك تبقي مربية بنتي عشان سواد عيونك لا ، كل الحكاية اني نور اتعلقت بيكي واكيد انتي لاحظتي كدة وانا اول مرة اشوف بنتي بتضحك وتتجاوب مع حد غيري انا وابن عمي ودي فرصة مش ممكن تتعوض علشان ترجع لطبيعتها و اظن ان انتي كمان نفسك كدة انا لاحظت انك حبيتيها من اخر مرة لما جبتيلها ولاد الدار ..
لتصدم رحمة فمن أين عرف هذا ..
ليقول امجد بسخرية :
اوعي تفتكري اني نايم ع وداني انا كل حركة بتحصل مع بنتي بعرفها ..
رحمة : احم وإن رفضت ..
امجد : يبقي ولا نور هتشوفك ولا انتي هتشوفيها تاني واكيد نور هتتأثر ب ده ..
ثم يقترب ويقول بهمس مرعب :
وصدقيني لو بنتي حصلها حاجة ساعتها مش هرحمك .. واكيد انتي مش هترضي يحصل كدة ل نور ..
ليهوي قلب رحمة من هذا الوحش الذي امامها لتقول بدفاع عن نفسها :
طب وانا ذنبي ايه ..؟؟!!
امجد : ذنبك إن نور حبتك واتعلقت بيكي وأنا مستحيل اشوف بنتي متعلقة ب حاجة واحرمها منها ..
رحمة : طب انا ممكن اقعد معاها فترات بس اني اعيش معاكم لا ...
امجد : نور بتجيلها كوابيس بالليل ده غير أنها هتضايق اكتر لما كل يوم تسيبيها وتمشي ..
" احس امجد في هذه اللحظة بأنه يريدها أن تقبل بأي طريقة وليس ل نور فقط ولكن شئ غريب يجعله يخشي رفضها "
رحمة : طب ممكن تديني فرصة افكر ..
امجد : مفيش تفكير ..
ثم يلتقط ورقة وقلم من مكتب المديرة و يقول بصرامة : اكتبي عنوانك هنا ورقم تليفونك عشان هعدي اخدك النهاردة بالليل ..
رحمة : نعممم ... ليه بسرعة كدة ، وبعدين تاخدني ليه انا هاجي لوحدي ..
ليقول بزهق :
النهاردة أو بكرة ف الآخر هتيجي يبقي ليه تضييع الوقت و الفيلا بعيد مفيش تاكسي بيروح هناك لو حابة تيجي مشي براحتك ..
لتنظر له بغيظ وتلتقط الورقة وتكتب عنوانها ورقم هاتفها وتعطيها له ..
امجد : حلو ... ياريت تكوني جاهزة ع الساعة ٨ عشان مبحبش التأخير ..
ويخرج من المكتب دون سماع ردها ..
لتنظر له بغضب وخوف في نفس الوقت مما هو قادم ..
في شركة المنشاوي ..
امجد : انا هجيب مربية ل نور ..
أسر : نعممم ..
امجد : ايه مالك بقولك هجيب مربية غريبة دي ..
أسر : لا بس انت يعني مش بتثق ف حد بسهولة عشان كدة مستغرب ..
امجد : دي حقيقة بس فاكر البنت اللي قولتلك عليها بتاعة الدار ..
أسر بتذكر :
اه مالها ..
امجد : هي دي ..
أسر بمكر : اشمعنا ..
ليقص له امجد موقفها مع نور وعندما أحضرت لها اطفال الدار لإسعادها ..
أسر : والله باين عليها بنت كويسة وبتحب نور فعلا ..
امجد : علشان كدة انا قررت اجيبها ده غير اني نور كمان اتعلقت بيها وده اللي خلاني مصمم اني اجيبها .. بس لو حاولت تعمل حاجة كدة ولا كدة وديني ..
أسر بمقاطعة : ي عم ابوس ايدك بطل الشك ده البنت هتعمل ايه يعني ..
ليتنهد امجد ويقول :
لما نشوف ..
في المساء ..
في منزل أميرة ..
قامت أميرة بالاتصال ب رحمة ..
رحمة : الو ..
أميرة : ايه ده مال صوتك ..
رحمة : هقولك بس قولي الاول انتي كنتي عايزة حاجة ..؟؟!
أميرة : اه ... وتقص لها أنها رأت هذا الإعلان وتريد التقديم ..
رحمة : والله فكرة كويسة قدمي و ربنا يوفقك يارب ..
أميرة : امين .. ها قوليلي بقي في ايه ؟؟
لتتنهد رحمة وتقص لها مع حدث مع امجد ..
أميرة بصدمة : انتي بتقولي ايه ي رحمة ، ازاي هتعيشي مع راجل غريب ف بيت واحد ..
رحمة : طب قوليلي اعمل ايه نور متعلقة بيا جامد ولو مقربتش منها الفترة دي نفسيتها هتتعب وأنا اكيد مش عايزة كدة ..
أميرة : طب هتقعدي قد ايه ؟؟
رحمة : مش عارفة لما اروح هناك هفهم كل حاجة يلا بقي انا هقفل عشان الحق أحضر نفسي ..
أميرة : ماشي ي رحمة خلي بالك من نفسك ها ..
رحمة : متخافيش عليا يلا سلام ..
أميرة : سلام ..
بعد فترة ..
جاء اتصال لرحمة من رقم مجهول ..
رحمة : السلام عليكم ..
امجد : وعليكم السلام ورحمه الله وبركاته .. انا تحت البيت ..
رحمة بغيظ :
طيب انا نازلة ..
لتهبط تجده ينتظرها وهو متكأ علي السيارة فقد كان شديد الوسامة ..
رحمة في نفسها " وده هعيش معاه ازاي ده احم اهدي كدة وامسكي نفسك بلاش فضايح وافتكري ده ايه ... حيواااان "
ليأخذ منها الحقيبة ويضعها في السيارة بدون اي كلمة وتصعد هي بالخلف ليضحك بسخرية ولكن لا يبالي ويصعد هو أيضا وينطلق ..
بعد فترة يصل امجد الي الفيلا الذي نالت إعجاب رحمة كثيرا ليهبطا ويجلب امجد حقيبتها ويدخل ورحمة خلفه لينادي ..
امجد : نووووور ..
لتنتفض رحمة وتقول في نفسها " ينهار اسود دي اكيد البنت عايشة ف رعب " ..
لتأتي نور مسرعة ..
نور : مس رحمة !!!!!
يتبع ..
دمتم بود 🖤
#روحا_لروحي 🖤
#BY_RAHMA_YOUSSEF 🖤