روحا لروحي

البارت التاني 🖤

امجد : نووووور !!!
لتنتفض كل من رحمة ونور علي صوته ويقفوا مكانهم ..
نور : ب بابي ..
ليمسك بها بقوة وينظر لرحمة بغضب شديد ..
امجد : انتي كنتي واخدة بنتي ورايحة علي فين ي بت انتي ده أنا هوديكي ف ستين داهية ..
رحمة بغضب :
لو سمحت مسمحلكش ده بدل م تشكرني البنت كانت واقفة لوحدها و كان ممكن اي حد ياخدها وأنا كنت هدخلها الدار نستني جنابك علشان متوقفش لوحدها ..
ليقترب منها بغضب ويقول :
صوتك ده ميعلاش و بنتي ملكيش دعوة بيها فاهمة ولا لا ..
نور : بابي هي معملت....
امجد : اخرسي انتي حسابك معايا بعدين مش انا قولتلك متنزليش من العربية ..
لترتجف نور من شدة الخوف ..
لتغضب رحمة بشدة وتقول وهي تحتضن نور :
انت ازاي تكلم البنت كدة انت حيوان ...
امجد : مين ده اللي حيوان ي بت انتي اتجننتي ازاي تكلميني كدة ؟؟!
رحمة : وانت ازاي تكلم طفلة وتخوفها كدة ..
امجد : وانتي مالك بنتي وانا حر فيها واحسنلك ملكيش دعوة ب بنتي فاهمة ...
ويمسك ب نور ويضعها ف السيارة بقسوة نوعا ما لتنظر نور لرحمة من زجاج السيارة وكأنها تقول لها " انقذيني " ليتقطع قلب رحمة لهذه النظرة ثم يذهب امجد سريعا بسيارته ..
لتدخل رحمة الي الدار وهي غاضبة بشدة وحزينة علي هذه الطفلة نور ف كيف ل شخص أن يعامل طفلة هكذا والغريب أنها ابنته كيف يقسو عليها هكذا ؟؟؟!
هل يضربها أيضا ؟؟
لتشتعل عيني رحمة عند هذه النقطة فهي تكره ضرب الأطفال بشدة ...
شهد : مس رحمة مس رحمة ..
لتنتبه رحمة وتنظر لها وترسم ابتسامة جميلة علي شفتيها وتهبط لمستواها وتقول :
نعم ي شوشو عايزة حاجة ي حبيبتي ؟
شهد : انتي مش بتردي عليا ليه ؟!
رحمة : انا اسفة ي حبيبتي بس كنت سرحانة شوية ..
شهد : طيب انتي ليه زعلانة ؟؟
رحمة : ها ... لا ي حبيبتي انا مش زعلانة وبعدين في حد يشوف القمر ده ويزعل ..
لتبتسم الطفلة بسعادة ..
لتمسك رحمة بوجنتها وتقول :
ايوة كدة ايه الضحكة القمر دي ... يلا بينا نكمل لعب مع صحابنا ..
شهد : يلا ..
لتذهب رحمة وتكمل لعب مع الاطفال و عقلها مشغول بهذه الطفلة وهذا الحيوان الذي يقول أنه والدها ...
في منزل أميرة ..
كانت قد عادت من الخارج بعد أن قضت وقت ممتع مع اصدقائها ، تناولت غدائها ووقفت ف الشرفة لتري رحمة آتية وهي غاضبة بشدة ...
أميرة : اه هو يوم باين من أوله ودي مالها دي كمان أما اروح اشوف مالها ..
نعم ف أميرة ورحمة اصدقاء منذ الصغر ويقطنون في نفس المبني ...
لتفتح أميرة باب منزلها لتري رحمة تصعد الدرج بعصبية ..
أميرة : ي ساتر يارب مالك ي بنتي في ايه ؟؟
رحمة : مليش ..
وكادت أن تفتح باب منزلها ..
أميرة : خدي هنا هو ايه اللي مليش ف ايه قلقتيني ؟؟
رحمة : طب تعالي ندخل جوة ..
أميرة : ماشي استني هقول ل ماما ..
لتقول أميرة ل والدتها سوف تجلس مع رحمة لبعض الوقت وتذهب وتدخل تجد رحمة تجلس وتحرك رجلها بعصبية ..
أميرة : ي بت بطلي الحركة المستفزة دي وقولي في ايه ..
لتقول رحمة عن ما حدث معها ووالد هذه الطفلة المسكينة ..
أميرة : الحيوااان ... جاله قلب ازاي يكلم بنته كدة ؟؟
رحمة : مش عارفة ي اميرة مش عارفة انا اللي واجع قلبي نظرة البنت ليا وكأنها بتقولي انقذيني منه ..
اميرة : ي حبيبتي ... بس انتي المفروض ي رحمة مكنتيش دخلتي البنت معاكي هو افتكر انك هتخطفيها ...
رحمة : يعني هي لو كانت وقفت لوحدها ف الشارع مكنش ممكن تتخطف انتي بتتكلمي إزاي ي اميرة ..
أميرة : الله وأنا مالي انا بتتعصبي عليا ليه ..
رحمة : اقولك حاجة ... قومي ي أميرة قومي روحي بيتكم يلا ...
أميرة : طب والله م انا متحركة هااا ..
لتبتسم رحمة وتقول :
رخمة ..
أميرة : تشكر ي ذوق ... المهم انتي متتعبيش نفسك بالتفكير في الموضوع ده والبنت ربنا معاها يحميها من باباها وانتي خليكي بعيد عن الموضوع ده عشان شكله الراجل ده مش سهل ..
رحمة : علي نفسه انا مبخفش من حد ..
أميرة : خلاص ي شبح اهدي طب ... يلا قومي انا عايزة اكل ..
رحمة : ايه ده انتي مش المفروض رجعتي من بدري متغدتيش ليه ..
أميرة : لا م انا اتغديت ..
رحمة بضحك :
يخربيتك طفسة ...
أميرة : خمسة عليا ..
لتضحك رحمة وتقول :
طب تعالي يختي نشوف هناكل ايه ..
في فيلا امجد المنشاوي ...
يدخل ومعه بنته ليقول لها بصرامة ..
امجد : يلا اطلعي غيري هدومك و انزلي عشان تاكلي وبعد كدة تعملي ال homework ..
نور : ح حاضر ي بابي ..
وتصعد سريعا ..
ويدخل امجد الي مكتبه ويجلس ويغمض عينه بتعب لينتبه علي صوت هاتفه ليجده أسر ابن عمه وصديقه الذي يعتبره أخيه ف هو يعمل معه ف شركته ويساعده ف كل شئ ..
امجد : الو ..
أسر : ازيك ي بوص اخبارك ايه ..
امجد : الحمد لله ي أسر طمني الصفقة الجديدة مشيت كويس ؟!!
أسر : done ي بوص متقلقش وراك رجالة ...
امجد : عارف ي اخويا عارف ..
ليضحك اسر ويقول :
اخبار البت نور ايه وحشتني بنت الايه ..
امجد : نور كويسة ..
أسر : طيب انا هاجي كدة كمان شوية اقعد معاك شوية واشوف البت نور ..
امجد : ماشي مستنيك ..
أسر : اتفقنا يلا سلام ي بوص ..
امجد : سلام ..
ليخرج من مكتبه ويذهب لغرفته يبدل ملابسه ويهبط ليجد نور تجلس تنتظره بخوف علي طاولة الطعام ، ليغمض عينه بغضب من نفسه لأنه أخافها اليوم كثيرا ليقول في نفسه " كله بسبب بنت ال... "
ليتنهد بغضب ويجلس ويرسم ابتسامة بسيطة ف وجه ابنته ويقول :
ها ي نور عملتي ايه ف ال school النهاردة ..
نور : م معملتش حاجة ..
امجد : أنا عارف ي حبيبتي انك معملتيش حاجة انا قصدي كان يوم حلو ولا وحش ..
نور : كان حلو عشان لعبنا مع المس كتير ..
امجد : ايه ده بجد طب كويس ي حبيبتي ..
نور : بابي هو انت زعلان مني ؟؟؟!
امجد : لا ي حبيبتي ليه بتقولي كده ؟؟
نور : ع عشان نزلت من العربية الصبح وانت قولتلي متنزليش ..
امجد : امممم يعني انتي عارفة انك غلطي ..
نور : انا اسفة ..
امجد : ماشي ي حبيبتي مش زعلان منك بس بعد كدة تسمعي الكلام ومتكلميش حد ولا تروحي مع أي حد ف اي حتة ..
نور : بابي طنت اللي شوفتها الصبح دي حلوة اوي والله وكانت خايفة عليا ومكنتش هتخطفني إحنا كنا هنستناك بس والله علشان مفضلش لوحدي ..
امجد : نور محدش هيخاف عليكي قد بابي فاهمة متصدقيش اي حد يقولك حاجة ماشي ؟؟
نور : ح حاضر ..
في المساء اتي أسر ليقضي بعض الوقت مع امجد ..
أسر : مالك ي امجد بقالك كام يوم مش عاجبني ..
امجد : مليش يعني هيكون مالي ..
أسر : امجد مش هتمثل عليا انا كمان ...
ليتنهد امجد ويقول :
عايز اخد نور وامشي من هنا ف اسرع وقت ..
أسر : ليه هو حصل حاجة ولا ايه ..
امجد : لا بس انا مش مرتاح ولا مطمن علي نور هنا ..
أسر : ليه يعني ماله هنا وبعدين نور زي الفل متخافش عليها ..
امجد : طب أنت تعرف النهاردة حصل ايه ..
ليقص له ما حدث في الصباح ..
أسر : طب وفيها ايه البنت كانت خايفة عليها وكانت هتخليها معاها لحد ما تيجي عشان متفضلش لوحدها ... امجد ارجوك بطل تشك ف كل اللي حواليك مش كلهم زيها ..
لينظر له بغضب لانه لا يحب تذكرها ابدا ..
اسر : خلاص خلاص ي عم انت هتاكلني ولا ايه هي فين نور صحيح ..
امجد : نوووور ..
اسر : ي بني براحة ده أنا اتخضيت ..
امجد : سلامتك من الخضة ي اخويا ..
لتأتي نور مسرعة ..
نور : نعم ي با ... انكل اسسسسر ..
وتركض إليه ليفتح ذراعيه ويستقبلها داخل أحضانه ..
أسر : قلب انكل أسر وحشتيني ي بنت الايه ...
نور : وأنت كمان بس انا زعلانة منك ..
أسر : ي نهار ابيض القمر زعلان مني ليه بس ..
نور : عشان مش بتيجي تلعب معايا زي الاول ..
أسر : ي روحي انتي انا آسف والله كان معايا شغل كتير مع بابي حتي اسأليه ..
لتنظر نور ل والدها بتساؤل ليقول امجد بخبث :
كداب ..
لتضع نور يدها علي فمها ب صدمة ...
أسر : يلهووي لا لا والمصحف م بكدب عليكي منك لله هتكره البنت فيا انا كمان ..
ليضحك امجد بقوة لينظر له أسر بفرح ف هو يعرف ما مر به ابن عمه ويجاهد كثيرا في إخراجه مما هو فيه ..
امجد : انكل أسر مش بيكدب عليكي ي حبيبتي هو فعلا كان معاه شغل كتير معايا اليومين اللي فاتوا ..
نور : خلاص مش زعلانة منك ..
أسر : ايوة كدة وأنا مقدرش علي زعل القمر اصلا وعشان اصالحك هلعب معاكي كتير اوي اوي ..
نور : بجد ..
أسر : طبعا بجد يلا بينا هوباااا ..
ليحملها ويقول ل امجد :
هتيجي معانا ولا زي كل مرة ..
أمجد : لا اطلعوا انتو انا معايا شغل ..
ليتنهد اسر ويقول :
ماشي ي امجد ويصعد هو ونور ..
وبعد فترة يهبط أسر ليجد امجد يخرج من مكتبه ..
امجد : نامت ؟؟!
أسر : اه لعبنا كتير ونامت من كتر التعب ..
امجد : متشكر جدا ي اسر من غيرك نور كانت هتتعب اوي ..
أسر : ايه اللي بتقوله ده ي امجد احنا مش اخوات ولا ايه ونور بنتي زي م هي بنتك ..
امجد : اكيد ..
أسر : طيب يبقي بلاش الكلام الغريب ده بقي يلا هخلع انا بقي ..
امجد : ماشي متتاخرش بكرة ..
أسر : تمام ي بوص ويذهب ...
ليصعد امجد الي غرفة ابنته ويدخل ويجلس بجانبها ويضع يده علي شعرها ويقول :
انا اسف عارف اني بقسي عليكي بس والله غصب عني وكل حاجة بعملها ف حياتي بتكون عشانك ، عشان اعوضك عن كل حاجة اتحرمتي منها ...
ويقبل رأسها ويدثرها جيدا ويذهب الي غرفته لينام ...
في صباح اليوم التالي ...
في دار الايتام الذي تعمل به رحمة ..
تجلس وهي تنظر إلي الباب كل حين وآخر لعلها تراها مرة أخري وهي تنوي شئ ..
في سيارة امجد ..
نور : ب بابي ممكن تجبلي تشوكلت زي اللي جبتها امبارح ..
لينظر امجد الي نور بشك :
ماشي هجبهالك من ماركت قريب من المدرسة ..
نور : لا م اهو اصلي بتاعة الماركت ده حلوة اوي ومفيش زيها عند اي حد ..
امجد : لا يشيخة ..
نور : ااا اه ..
امجد : ماشي ي نور بس عارفة لو نزلتي من العربية أو كلمتي البنت اللي كلمتيها امبارح انا هعمل ايه ؟؟
نور : مم مش هنزل ..
امجد : ماشي ..
ليتوقف أمام المحل ويهبط لتنظر نور و تتأكد من دخوله المحل لتهبط سريعا وتقف أمام باب الدار " ف هو بجانب هذا المحل مباشرة " ..
لتري رحمة وهي تلعب مع الاطفال لتقول بصوت حاولت أن تجعله منخفض ..
نور : طنت ... ي طنت ..
لتنظر رحمة وتجدها لتبتسم بسعادة وتركض تفتح الباب وتأخدها في أحضانها ..
رحمة : نور حبيبتي وحشتيني اوي طمنيني عليكي بابي عملك حاجة ..
نور : لا ..
رحمة : طيب الحمد لله بس هو فين ..
نور : قولتله انا عايزة تشوكلت من الماركت اللي جنبكم عشان اجي اشوفك تاني ..
رحمة : ي قلبي انتي وانا كنت مستنياكي وعاملالك مفاجأة جميلة اوي ..
نور : بجد ..
رحمة : اه بجد استني هجبهالك واجي بسرعة قبل م يجي بابي ..
لتدخل رحمة وتأتي وهي معها جميع اطفال الدار لتفرح نور بشدة وتسلم عليهم وتضحك بسعادة لتفرح رحمة بشدة بأنها رسمت الابتسامة علي وجهها ..
رحمة : يلا ي ولاد ادخلوا جوة بسرعة قبل م مس وفاء تزعق ..
ليدخلوا سريعا وتقول رحمة ل نور :
ها ي نور ايه رايك ف المفاجأة دي ..
لتحتضنها نور وتقول بسعادة كبيرة :
حلوة اوووي انا بحبك اوي ي طنت ..
رحمة : ي روح طنت انتي وانا كمان بحبك اوي ..
نور : طنت هو انتي اسمك ايه ..
رحمة : انا ي ستي اسمي رحمة ..
نور : الله اسمك حلو اوي ..
رحمة : ي ربي ع الجمال ده انتي اللي حلوة والله ..
لتضحك نور بسعادة ..
رحمة : يلا بقي اركبي العربية بسرعة قبل م بابي يجي ..
نور : حاضر لتقبل وجنة رحمة وتركض للسيارة ..
لتضحك رحمة بسعادة من كتلة البراءة هذه وتدخل سريعا حتي لا يراها هذا المغرور ..
ليخرج امجد من خلف السيارة ، نعم فهو عندنا خرج من المحل وجد رحمة تتحدث مع نور ف اختبأ خلف السيارة ليسمع ما تقول لها وماذا تريد منها ..
ليصعد امجد السيارة وينظر لنور ف المرآة ..
امجد : امممم انتي منزلتيش صح ي نور ..
نور : ل لا ي بابي ..
امجد : اممم شاطرة ي نور ..
ثم ينظر ناحية الدار ليجد رحمة تودع نور بيدها لتنظر رحمة له بقوة ليبادلها هو نفس النظرة ليقول في نفسه " ي تري انتي حكايتك ايه بالظبط وعايزة من نور ايه وهل انتي فعلا خايفة عليها ولا وراكي حاجة تاني " ..
لينظر أمامه بتعالي ويذهب بسيارته وهو ينوي شيئا ما ..
يتبع ..
طيب ي جماعة البارت الاول طبعا م جبش الريتش اللي كنت متوقعاه وانا الحقيقة مش عارفة المشكلة فين ولا هو مش بيوصل للناس ولا ايه ع العموم انا بنزل اللينك ف كل حتة و البارت اهو طولته يارب فعلا تاخد حقها لاني تعبت فيها جامد ..
دمتم بود 🖤
#روحا_لروحي 🖤
#BY_RAHMA_YOUSSEF 🖤